انمي

اقتراحات جينباتشي:- Angel Beats


اقتراحات جينباتشي هي بتكون اني بقترح لكم انيمي مايكملش ال13 الحلقة علي شكل مراجعة بسيطة جدا بجيب لكم الملخص للانيمي/مانجا زائد, المميزات والعيوب بتاعته.

و اول اقتراح عندنا هو Angel Beats!

Angel Beats بيحكي عن الموت والاخرة, وان تلامذة فقدوا حياتهم ومش عارفين “يكملوا مصارهم” (ينقلوا لحياة تانية) علشان مش عارفين يدوا السلام لانفسهم, وبالبلدي كده, مش مريحين ضميرهم.

الانيمي يعتبر خليط من الحياة المدرسية التقليدية علي القوة الغير طبيعية/الخارقة. مش original قوي بس مؤدي للغرض. الانيمي قوته مش انه كوميدي ولا لأ, ولا القصة بتاعته اصلية, وكده. الانيمي قوته بانه ازاي ممكن يلعب بيك كمتفرج, يقدر يلعب بعواطفك من نحية شخصية او حالة معينة, وكمان قواه الاساسية هي ان الموسيقة والاغاني بتاعت الانيمي عمتا (حرفيا) من اقوى واحلى الاغاني تبع انيمي معيا ممكن تسمعها في حياتك.

الكوميديا ممكن تحسها احيانا مش بتكون في مكانها, في شخصيات شبه مالهمش قيمة او بمعنى اصح, مالهمش عمق و بنية اكتر للاسف. بتبقى عاوز تعرف عن الشخصيات دي اكتر بس للاسف الاستوديو  شبه نسيهم.

الانيمي حلو, ويستاهل الاربع ساعات اللي هيروحوا منك لما تنتفرج علي الانيمي, بس خلي بالك ان المظاهر خداعة.


About the author

IslamGinpachi