افلام و مسلسلات العاب

اهم الاصدارات فى شهر اغسطس!


بما اننا خلاص بدأنا شهر أغسطس فحبينا نعملكم قايمة فيها اهم الاصدارات فى الشهر ده

1- فيلم: Suicide Squad

suicide-squad-score

الفيلم بقى على مسمع كل الناس تقريبا مفيش مخلوق مسمعش عن ان الفيلم ده نازل الا لو المخلوق معندوش نت او مبيتفرجش على افلام…. الملخص ان ضجة الفيلم عالية جدا بسبب حجم طاقم الممثلين اللى فيه من Jared Leto ل Will Smith ل Ben Affleck ل Viola Davis ل Joel Kinneman نقدر نحط كمان 5 اسماء زيادة الملخص ان الفيلم خلاص فاضل عليه 4 ايام و ينزل فى امريكا و 9 ايام و ينزل فى مصر!!!

 

2- لعبة No Man’s Sky

No man's sky

فعلا اللعبة هتنزل الشهر ده بالتحديد يوم 9 اغسطس … اللعبة عليها ضجة كبيرة جدا بسبب بسيط ان اللعبة مش بتخلص بمعنى اوضح اللاعب هيبقى معاه سفينة فضائية يقدر يسكتشف بها كواكب و عدد الكواكب فى اللعبة حوالى 18,446,744,073,709,551,616 العدد ده بجد و لأ اللعبة حجمها مش هيبقى 7000 جيجا ولا حاجة ديه هتبقى 10 جيجا بس و معظم الحجم ده هيكون الموسيقى اللى فى اللعبة طب ازاى بنوا حاجة زى ديه … بالرياضيات و اللوغاريتمات اللى استعملوها

 

3- فيلم Sausage Party

MV5BMjkxOTk1MzY4MF5BMl5BanBnXkFtZTgwODQzOTU5ODE@._V1_SY1000_CR0,0,674,1000_AL_

الفيلم معمول شبه سلسلة Toy Story بس بدل اللعب المرة ديه عبارة عن اكل هو اللى عنده مشاعر و احاسيس 😀 و كمان الفيلم Rated R و عشان كده الضجة معمولة عليه عشان هو اول فيلم CGI Animated يبقى Rated R

 

4- لعبة Deus Ex Machina: Mankind Divided

maxresdefault

اصدار جديد فى سلسلة Deus Ex Machina برده بتتبع حياة Adam Jensen فى سنة 2099 مهمته هى القبض على الارهابين المعدلين فى جسمهم “Augmented Terrorist” و البحث عن الحقيقة! و طبعا فى اللعبة جسم Adam قادر على التطور و اسلحة جديدة فى جسمه بسبب ان جسمه معدل برده.

 

5- فيلم Kubo And The Two Strings

maxresdefault

فيلم Kubo And The Two Strings من انتاج شركة Laika الاعلانات لحد دلوقتى فوق الممتازة

الفيلم بيتكلم عن “kubo” عايش حياة هادية و سليمة بس فجأة روح من الماض ظهرتله و اشعلت انتقام و ده سبب فوضى كبيرة جدا و خلى وحوش و الهة تطارد Kubo و عشان Kubo يفضل عايش لازم يلاقى درع سحرى للSamurai اللى والده كان لابسه!

الفيلم كمان بيضم: Matthew McConaughey, Charlize Theron, Rooney Mara, Ralph Fiennes, George Takei

 

6- لعبة World Of Warcraft: Legion

world-of-warcraft-legion

هى مش لعبة جديدة بس هى Expansion جديد للعبة بالتحديد ال Expansion السادس

لعبة WOW غنية عن التعريف اللعبة موجودة من 2004 و من السهل انك تقول انها اشهر لعبة MMORPG موجودة فى العالم لحد دلوقتى المهم ال Expansion الجديد هيكون فيه: قارة جديدة اسمها The Broken Isles  و كمان هيزود ال limit بتاع ال Levels من 100 ل 110 و كمان هيقدم class جديد اسمه Demon Hunter Hero.


About the author

Mohamed Asaad

Loves Movies, Series, Anime, Manga, Comics and can talk for hours about them, metal music is what drives me and I'm a Big Geek!