افلام و مسلسلات

تاريخ صناعة السينما


طبعا كل الناس بتتفرج على أفلام وبتكون مهووسة بيها كمان سواء كانت الأفلام دى حقيقية أو انيميشن،
كانت رومانسية او اكشن او رعب،و لكننا بنتفرج على الأفلام دى و مش بنسأل نفسنا ايه اللى قدر يوصلنا للعبقرية اللى بنشوفها على الشاشة،فصناعة الأفلام موضوع يحتاج التعمق فيه بشكل كبير علشان نقدر نعرف ايه هى العقول العبقرية اللى قدرت توصلنا لمرحلة جديدة من الفكر الترفيهى، بعد ما كان التعبير عن الثقافة مقتصر على الروايات والكتب و قصص الاطفال وكتب الكوميكس  ….

 بداية صناعة الأفلام 

تاريخ صناعة الأفلام بدأ من تسعينيات القرن التاسع عشر (1800),و ده لما تم اختراع الكاميرات المخصصة للتصوير الحركى, وكمان تزامن مع كده بداية انشاء شركات صناعة الأفلام .

و  كان اول واكبر نجاح فى مجال السينما ل ( لويس لوميير ),لما قدر فى شهر مارس سنة 1895 انه يخترع جهاز نهائى للتصوير الحركى سماه (( سينماتوجراف )), و اشتقت من كلمة ( سينما ), و بسبب التقدم التقنى و الموضوعى للأفلام قدر يحقق نجاح كبيرة جدا و غير مسبوقة,
images (22)
و فى اواخر سنة 1896 بقى موجود الات كتير جدا غير ( لوميير ), زى ( ميلييس ),و اللى طبق قواعد السينماتوجرافية فى انجلترا هو ( ويليام بول ), و ده كان بيجذب الالاف من الناس وقتها ….

* ولكن بسبب القدرة المحدودة للتكنولوجيا وقتها, مدة الأفلام كانت قصيرة  و مش بتعدى الدقيقة, و كانت كمان من غير صوت,
و استمر كده لحد 1927 لما تم انتاج اول فيلم ناطق و كان بعنوان ( the jazz singer ), من انتاج شركة ( وارنر ),
و الفكرة كانت انه بيتم تسجيل اصوات الممثل على اسطوانة  بيتم تدويرها بالتزامن مع الحركة فى الفيلم و بعدها يتم التطابق بين الحركة فى الفيلم و صوت الممثل المسجل .

23cfc38f4d3b09106305bbb78d5a733e
* و كان فى محاولات اولية لادخال الالوان للسينما عن طريق الفرشاة و الريشة, لكن النتائج كانت سلبية و غير مرضية ابدا, و ده استمر لحد عام 1907 لما تم اتباع مبادئ التلوين الثلاثى,
وبعد كده دخل مكانها اسلوب اسمه ( الالوان الثلاثية ), وده كان سنة 1911,
و تم تطبيق الاسلوب ده بشكل اكبر سنة  1919 و فكرته كانت تسجيل 3 صور فى نفس الوقت بالأبيض والاسود, و يتم تلوين واحد بالاحمر و واحد بالأزرق وواحد بالأخضر,
وبتطبيق الثلاثة فوق بعض الالوان الاصلية بتظهر بشكل واضح .
ومن الجدير بالذكر ان الافلام ماكانتش بتعتبر فن من البداية, لكن اتحولت لفن رسميا بسبب افلام شارلى شابلن اللى اضافت ليها طابع جديد وقتها و لحد انهارده ليها عشاق باعداد كبيرة جدا,
و صرح ( لينين ) زعيم الاتحاد السوفييتى ان الأفلام من اكثر الفنون اهمية بالنسبة للسوفييت, و نتيجة لكده قدم الاتحاد السوفييتى دعم كبير للمجال ده و نتيجة لكده خرج مخرجين كبار زى ( بودوفكين ) و غيره .
ومن احسن انواع الافلام طبعا هو افلام الرسوم المتحركة اللى بدأه العبقرى ( والت ديزنى ) اللى لحد دلوقتى افلامه تعتبر من اهم الافلام فى التاريخ, و دلوقتى بالشراكة مع شركة بيكسار بتقدملنا افلام عبقرية دايما بتتصدر الترشيحات للجوائز الكبيرة زى الأوسكار و غيرها.
images (23)

وكانت من اهم فترات التحول فى تاريخ السينما هى فترة سبعينيات القرن العشرين,
لما كانت الصور الترويجية للافلام بتعتمد بشكل رئيسى على الاسلحة و المعارك الدموية اللى بيتم تصويرها على البوسترات, و كان بداية لظهور افلام مثيرة للجدل زى :
Dirty Harry / Straw Dogs / The French Connection / A Clockwork Orange
و ظهر ايضا فى الفترة دى صناع للافلام من الابرز فى التاريخ زى : وودى الين و مارتن سكورسيزى,
و ظهرت افلام هتفضل خالدة فى تاريخ السينما زى :The godfather / annie hall / days of heaven /
و النجاح الكبير لفيلم ( jaws ) بدأ عصر جديد لنوع جديد من الافلام ( blockbuster ), و من بعده star wars اللى دخل للسينما المؤثرات البصرية و السمعية .
Jaws
فى بداية التسعينيات ظهرت افلام كبيرة زى titanic اللى حقق نجاح كبير و تم ترشيحه لعدد كبير من الجوائز,
و برده فيلم Jurassic park ,
و الفترة دى كانت مهمة جدا للافلام الانيميشن فتم انتاج افلام من شركة ديزنى وهى :
Lion king, Beauty and the beastو سنة 1995 تم انتاج اول فيلم انيمشن طويل وهوToy story اللى كان بداية عصر جديدة لصناعة الافلام الانيمشن بالشراكة ما بين ديزنى وبيكسار,
images (25)
و ظهرت بعد كده شركات Dreamworks و 20th century fox
وفى اواخر التسعينيات ظهر جهاز ال DVD علشان ياخد مكان الفيديو .
مع بداية القرن ال21 بدأت السينما تدخل لمرحلة كبيرة جدا بانتاج افلام كبيرة جدا ,
ابرزها طبعا ثلالثية THE LORD OF THE RINGS اللى حققت رقم قياسى فى عدد الترشيحات للفوز بالاوسكار,
images (26)
و سنة 2001 بداية سلسلة HARRY POTTER اللى حققت نجاحات كبيرة وتاريخية حتى نهايتها سنة 2011 بانها تكون اكبر سلسلة افلام من حيث الايرادات فى التاريخ .
harry_potter_poster_by_nhu_dles-d5wur94
و ظهرت سلاسل افلام كبيرة زى The dark knight,
و ظهرت برده سلسلة twilight و the hunger games اللى مالقتش نجاح كبير من حيث النقاد ولكنها حققت أرقام كبيرة من حيث الايرادات.

بعد كده ظهرت تقنيات3D الايماكس اللى بدأ فى فيلم Avatar لجيمس كاميرون اللى بسبب كده كان اكبر الافلام تحقيقا للايرادات فى التاريخ حتى صدور فيلم Star wars : the force awakens الللى بيعرض حاليا فى السينمات .

>>> فصناعة الأفلام اكبر دليل على ان كل شئ كبير فى يوم من الأيام كان حاحة صغيرة لكنها كبرت بسبب العقول المبتكرة مع الاصرار والعزيمة.


About the author

Seif Aldin