ريادة الأعمال

9 طرق تعرف بهم القائد الحقيقى


 كثير بيكونوا قادة لكن قليل جداً منهم اللى بيستحق مركز القيادة ده.
كونك قائد ده مش معناه ان يكون معاك لقب (قائد)، لأن دى مش حاجة تختار انها تكون معاك دلوقتى ومش معاك بعد شوية.
   القائد مش مجرد رتبة ومقام ترقية ولا مجرد شخص موجود فى مركز القيادة، مفيش حاجة من دى بتعمل قائد حقيقى، لكن فيه حاجات معينة تقدر تعمل القائد الحقيقى ده :::

1- بيستمع أولا ويتصرف ثانياً.

   الشخص اللى بيحاول يتجه للنهاية فى الاول بدون بحث دائماً بيسببوا مشاكل شبه كارثية لأنفسهم ولفرق عملهم.
   علشان تقدر تدير فريقك بنجاح، لازم تسمع أعضاء الفريق ده و تشوف المواقف من وجهات نظرهم هم وتتفهم مواقفهم.

2- مش بيتخذ قرارات فى الأوقات الصعبة ….

   تعرف الشخص اللى بيتصرف بتهور وبعد كده بيبدأ يطرد الناس؟
 ده مستحيل يكون قائد، ده مجرد مدير متسرع عايز ينجح بأى طريقة، وفيه فرق كبير بينهم.
   القائد بينتظر انتهاء الفترات الصعبة علشان يبدأ بعدها يكون أفكار كويسة وصحيحة عن الموقف قبل اتخاذ القرارات النهائية.

3- بيعرف اللى فريقه مش عارفه.

   خطير جداً إن شخص يقول إنه عارف اللى الآخرين مش عارفينه. القائد الحقيقى لازم يتقبل فكرة إن فيه حاجات بيكون مش عارفها، و مع ذلك بيكون متأكد انه هيقدر يلاقى شخص مناسب يجيب على أسئلته دى.
هو مش بيشوف ده ضعف، لكن بيشوفه مصدر للتقدم.

4- مش عايز يكون أذكى شخص فى المكان.

   لو حد وظف ناس عنده واحاط نفسه بناس أقل منه لمجرد أنه يستمر فى مركز القيادة، يبقى هو حاسس بالتهديد.
انت مش عايز تكون احسن واحد فى المكان، لأنك لو عايز ده هتكون فى المكان الغلط.
   القائد الحقيقى عارف كده و بيهتم دائما إنه يحيط نفسه بناس متقدمة من جميع المجالات، وبعد كده هو اللى يدير الشغل، أو بتعبير آخر “يلعب الاوركسترا”.

5- يحتفل بالتقدم زى الاحتفال بالنجاح.

   القائد الحقيقى بيكون عارف إن العظمة مش بتتحقق بسرعة. النجاح والعظمة بيكونوا نتيجة ساعات وأيام وأسابيع من الجهد والتدريب الشاق القائد ده بيحتفل بالنجاح اليومى البسيط زى احتفاله بالنجاح النهائى الكبير.

6- بيقدم نقد ايجابى مش سلبى.

فيه فرق كبير بين “النقد البناء” والسلبية. الناس اللى دائماً بيتعاملوا ويفكروا بسلبية مش بيفيدوا أى حد فى اى حاجة.
القائد الحقيقى بيبحث عن طريقة يساعد بها، مش يحبط فريقه.

7- القائد الحقيقى بيعمل المطلوب عمله.

قول حد إن “ده مش شغلى” ده بينفى عنه تماماً صفة القيادة. فعلا الواحد لازم يلتزم بشغله، لكن فى المشاكل القائد مش بيقول “روح اتصرف” لكنه لازم يشتغل ويلاقى حل بنفسه.

8- يزرع ثقافة إيجابية.

الاهتمام بالنتائج كويس، ولكن الأهم تهيئة بيئة وثقافة صحية وايجابية شكلاً وموضوعا تؤدى للنجاح المطلوب، و علشان نكون الثقافة دى محتاجين شغل كثير. القائد الحقيقى مش بيهتم إنه يكون هو محور الاهتمام، لكن الأهم انه ينشأ ثقافة إيجابية علشان كل واحد يحس إن له دور فى النجاح.

9- القائد الحقيقى دائماً عنده حل.

مفيش حد يصلح يكون قائد لو كان بيقول “مستحيل” أو “مش هنقدر”.القائد الحقيقى بيكون متأكد دائماً إن فيه طريقة.
القائد الحقيقى بيبحث عن الطريق الأسرع، وبيعمل أى حاجة لتحقيق النجاح وتجاوز العوائق.

About the author

Seif Aldin