تكنولوجي ثقافة

تعرف على#1: إيلون ماسك (الجزء الأول)


اهلاً بكم في سلسلة جديدة و هي (تعرف على)، في السلسلة دي احنا هنتكلم عن بعض المشاهير في مجالات التيكنولوجيا و العلوم و التمثيل قبل شهرتهم و اسبابها و ايه الي هما مخططينه للمستقبل بالإضافة إلى بعض التفاصيل المفيدة عن حياتهم.

لو قلتلك “Paypal” أو “Tesla” أو “AI” أو “Mars”

أظن انك غالباً بنسبة 90% هيجي في بالك الشخص ده

النهارده انا هتكلم عن إيلون ماسك، أظن انك سمعت الاسم ده قبل كده، بالذات فى الكام سنة الى فاتو.

  • مولده و طفولته 

ولد في جنوب افريقيا، 28 يونيو 1971، والده كان مهندس كهروميكانيكا و والدته كانت موديل. الوالدان قرروا انهم ينفصلو و هو عنده 9 سنوات و اختار انه يعيش مع والده.

Elon Musk(اليسار) و والدته Maye Musk (اليمين)

كان بيحب القراءة جداً(بعض المصادر بتقول انه كان بيقرأ 10 ساعات في اليوم أو اكثر)، و كان المتنمرين او ال”Bullies” في المدرسة بيضربوه و بيتهضوه لدرجة إن مره اتحجز في المستشفة علشان رموه من فوق سلم و ضربوه لحد مافقد وعيه. كان ايضاً بيحب البرمجة و علمها لنفسه و هو عنده 10 سنوات، في سن ال12 باع لعبة معموله من لغة الBASIC اسمها Blastar، باعها بما يقارب ال500$US لمجلة.

ممكن تلعبها هنا : https://blastar-1984.appspot.com

Elon Musk(اليسار) و اخوه Kimbal Musk (اليمين)

 

  • في نشأته

عانى من أزمة وجودية في بداية شبابه و بعد كده حدد هدف حياته و كان انه ينقظ البشرية و العالم، ذهب ليعيش في كندا في سن السابعة عشر بعد ما خد الجنسية من والدته، كان عايش عند قرايبه و كان شغال وظائف غير دائمة و غريبة، زي عامل نظافه و كان مرتبه 18 USD/الساعة و ده قليل،بعد سنه لما كان عنده 18 سنة، بدأ الجامعة في Ontario و كان مهتم و مجتهد في دراسته الجامعية جداً، و فى مره قدم على شغل فى بنك، و اتقبل و اظهر براعة رهيبة في الخدمات المصرفية لكن اضطرد علشان كان بيستخم مكنة القهوه بتاعت المدير (جريمة فظيعة طبعاً D:) و ده ادى انه اضطر يبيع الPC بتاعه علشان يلاقى فلوس. قعد في الجامعة الي في Ontario سنتين و بعد كده اتنقل لجامعة تانيه في Pennsylvania في USA و خد منها درجة البكالريوس في الفيزياء و الاقتصاد من جامعة تانيه.

بعد ما اتخرج،في سن ال24، راح جامعة Stanford علشان يحضر الPhD في الفيزياء لكن ترك البرنامج بعد يومين علشان يحقق احلامه في “الأعمال الحرة” في مجالات الinternet و الفضاء و الطاقة المتجددة، حصل على الجنسية الأمريكية سنة 2002. دي كانت بداية انه يصبح من انجح الEntrepreneurs  على وجه الأرض حالباً.

و بكده انهي الجزء الأول من “تعرف على: إيلون ماسك”،اتمنى انه يكون مفيد و مثير للاهتمام، إيلون من اكثر الشخيات الي لفتو انتباهي في السنين و شايف إن ناس اكتر المفروض يعرفو عنه، انتظروني في الجزء القادم الي هتكلم فيه عن باقي حياته، شركاته الخاصة، و ازاى هو قدر انه يكون من اكتر الناس الناجحين و بيدوني انا شخصياً أمل.


About the author

Ahmed Elmayyah

Just a guy that loves to craft, play videogames, read comic books, code and build computers. Also a huge technology geek and computer enthusiast