تكنولوجي

طرق للتقليل من صوت جهازك


كل مستخدم للPC مبيحبش يبقى جمبه صوت عالى من جهازه، لو انت بتحب كده يبقى اعمل عكس كل الى فى المقال ده و صدقنى هتنبسط

قبل ما نعرف نسكت الPC لازم نفهم ايه اكتر الحاجات الى تعمل صوت, هتكلم فى النقط التاليه :

1. الاهتزازات من القطع الميكانيكيه زى الHard Disks و المراوح

دى بتنتج عن ان كل جزء من دول لما بيشتغل بيطلع اهتزازات، بتتنقل للcase و بيتعملها تضاعف و تبقى اعلى بكتير، ده غير الصوت الى طالع من الاجزاء دي نفسها.

2. صوت الهوا جوا الcase

و ده طبيعى جداً و ممكن نقلله بكل سهوله.

3. صوت المراوح المعاكسه لبعضها

اوعى اوعى اوعى ! تحط اى مروحتين بحيث انهم يزقوا الهوا قدام بعض، ده هيعلي الصوت و هيخلي مناطق ميوصلهاش هوا اصلا.

دى الحاجات الاساسيه اللى ممكن تعمل صوت واضح و مسموع.

ازاى اقلل الاصوات دى او الغيها خالص ؟

 1. استخدام Speedfan

ده برنامج free تماماً و مفيد جداً، بيخليك تتحكم فى اى مروحه متوصله بالmotherboard و ممكن كمان تعمل عليه curve graph بحس انه يغير سرعة المراوح على حسب حرارة الجهاز و بالتالى يقلل من الاهتزازات و الصوت فى نفس الوقت.

لو قدرت تظبط Airflow كويس عندك في الجهاز، ممكن تقلل سرعات المراوح من غير ما تلاحظ فرق كبير.

ممكن تقرأ عن الAirflow هنا : https://goo.gl/pn3JS5

ممكن تنزل Speedfan من هنا : https://goo.gl/gcdSsn

و ده فيديو بيشرح ازاى تستخدمه، هبقى اتكلم عن ده بعدين فى مقال تانى : http://bit.ly/2lYafs2

2. عزل الHard Disks عن الcase

ده بيفرق جامد جداً في حالات كتير، فى جهازي انا كانت دى اكبر مشكله، تقدر تعمل كده عن طريق وضعه داخل ماده عازله و طريه زي الfoam أو تعلقه بأستك او حبل مطاط بس يكون تقيل و يستحمل.

   3.  Fan Controller

لو اختيار Speed fan مش عجبك يبقى ممكن تشترىFan Controller.

ده بيبقى controller بيتركب فى الcase مكان optical drive و ممكن تتحكم بيه فى اعداد معينه من المراوح.

و بكده انهى مقال النهارده، اتمنى انو يكون مفيد، لو حد عنده طرق تانيه لتقليل الصوت ممكن يحطها فى الcomments !

 


About the author

Ahmed Elmayyah

Just a guy that loves to craft, play videogames, read comic books, code and build computers. Also a huge technology geek and computer enthusiast