انمي

عشر انيميات Underrated في مصر


مافيش نقاش ان الانيمي حاليا استولى علي عقول الناس حول العالم. الانيمي تحول الان الي شيء اخر غير انه يكون ثقافة فرعية –  الانيمي تحول الي نوع من انواع الفن. مع الكلاسيكيات مثل دراجون بوول, لا يزال الانيمي يزدهر وينتشر يوما بعد يوم.

ولكن مع الازدهارات اللي بتحصل يوميا بيبقي في انيميات بتختفي في زحمة الانيميات المتدولة, ف بالتلي مبتاخدش حقها بالذات هنا في مصر. لذلك عملت لكم قائمة فيها شوية انيميات مش واخدين حقهم, علماً ان القائمة دي مالهاش ترتيب معيا.

10- Tengen Toppa Gurren Lagann

tengen-toppa-gurren-lagann-tv-movie-poster-2007-1020420090

من الصعب الواحد يتكلم عن الانيمى ده من غير ما يقع فى حبه ده لو طبعا كملته للاخر اما تخلصه هيديك ادرينالين بطريقة رهيبة.

نزل الانيمي سنة 2007, يعنى جاى بعد سنة كانت مليانة حاجات تقيلة و انه يغطى مكانهم فكان صعب لان فعلا صعب تغطى المكان اللى كان فيه  Code Geass  و Ergo Proxy  و Eureka Seven وBlack Lagoon.

الانيمى ده ممكن تقول اللى بيحول العيال لرجالة او انيمى ابن مجنونة عموما.

بيتكلم عن  ان فى المستقبل البعيد فيه ناس عايشة تحت الارض عمرهم ما شافوا الشمس المهم الناس ديه متخصصة فى الحفر و التنقيب. واحد من الشخصيات اسمه  Simon لقى حاجة غريبة  واخدها و عنده صاحبه بس هو معتبره اخوه غلاسة كده اسمه Kamina و واحدة هيقابلوها اسمها Yoko بس هى مش موجودة بس لل fan service بس الفانز عايزين كده!

من بدايته لنهايته مبتزهقش اذا كان من الاكشن او لو انت منهم فهتلاقى  fan service متقلقش او بتحب الكوميديا او لو شغلت دماغك و اهتميت بالقصة, هتلاقي منه برضه.

9- Ef: A Tale of Memories

ef-a-fairy-tale-of-the-two-full-69623

يعتبر اكتر انيمي مابتسمعش عنه اطلاقا في القائمة دي.

الانيمي متكون من قصص حب متعددة, من الاخر اللي هتخليك تعيط.

حب, مأساه, حزن, ونهاية جميلة, كل دي مكونات اي انيمي ممكن يخليني اعيط بس مش كل انيمي خلاني كده. طب ايه اللي مخلي الانيمي ده فريد من نوعه؟

ستوديو شافت مازالوا بيبهروني في انتاجهم ورسمهم للانيمي, لقطاتهم الواسعة جميلة جدا, الرسم فظيع, بيئة الانيمي حرفيا في غاية الجمال, التمثيل والموسيقة لايقة وفنية. والشخصيات, وطريقة عرضهم. كانوا في مشاكل حرجة, مشاكل ليها دعوة باحلامهم. ازاي يعملوها, ومع مين. كل ده اتعمل بطريقة انا في ساعتها اتخطفت. تحس انك معاهم, حاسس بهمهم وبمشاعرهم, انك تشوفهم وهما بيصارعوا احلامهم, وبيحروا وراء قلبهم, هيخلي قلبك يكسر واحتمال كبير تبكي عليهم.

لو انت بتحب القصص الحزينة العميقة وبتكون قوتها فعلا شخصيتها, الانيمي ده ليك. لو بتستمتع بجمال الرسم, الانيمي ده هيعجبك جدا, لدرجة انك كل فترة هتوقف الحلقة علشان تتأمل بالمظاهر اللي حواليك, فعلا فن اتصنع علي هيأة انيمي.

8- Durarara!!

120439-durarara-durarara-poster

دورارارا!! تقدر تقول عليه بانع مثال شديد لانيمي ملىء بالخيال الواسع ونطاقه الغير محدود, وكمان بيوري ان صناع الانيمي قادريين بانهم يفوقوا حد الخيال والابداع. دورارارا!! بتحكي علي قصة تحفة ومبدعة في 24 حلقة (ده غير طبعا الOVAs والSpecials واجزاءه التانية). القصة بتحدث في مدينة ايكوبوكورو في توكيو, اليابان. الانيمي له مواضيع عديدة مثل, الصداقة, الخيانة, حروب العصابات, الحياة الحضارية, الشخصية و عدم وجودها, وكمان القوة الخارقة. القصة مجمعة بطريقة حلوة, والخيوط كلها بتربطة ببعضيها والقصص كلها داخلة في بعضيها, ومعمولة بطريقة زكية بانك ممكن تتفرج علي الحلقة اكتر من مرة من غير ما تزهق. الانيمي لي القدرة بان يغير رايك ويوريك ادلة انت ممكن اول مرة تلاحظها.

7- Trigun

6sw2l3t

ترايجن يعتبر من الانيميات اللي انت لازم تشوفها في حياتك, مش فارقة بقي زوقك ايه, المهم تشوفه.

لطريقة مبسطة اكتر, Vash the Stampede يمكن تقول عليه من اقوى, أروع, ومن الشخصيات اللي دمها خفيفة جدا في غالم الانيمي عمتا. هو يعتبر الSuperhero المفضل لكل الناس (للعلم انه بيدمر اي حاجة هو بيقرب منها), Vash عنده حتة كده في كل واحد فينا الا وهي الرحمة. Vash لو كان عنده اسم تاني كان بقى اسمه الرحمة.

ولو ده مش مكفيك, الاستوديو شاف انها فكرة حلوة بانهم يرزعوا جوا الانيمي موسيقة داخلية تحفة من اعمال الملحن تسونيو إيماهوري. إيماهوري حرفيا ابدع في لحن القطع الموسيقية اللي في الانيمي.

الرسم من التسعينات فمش حاجة اللي هتجننك من حلاوتها, بس في وقت نزول الانيمي كان الانيمي رسمه حلو.

6-  Neon Genesis Evangelion

evangelion

قصه ايفا بسيطه ظاهريا على الاقل, فضائيين جايين للأرض و مراهقين لازم يسوقوا روبوتات ضخمه عشان يوقفوهم, احنا شفنا كده فى مرات لا تحصى فى الانمى و فى مسلسلات السينتاى قبل كده صح؟ اللى ايفا عمله ببراعه انه فكك تماما هذا المفهوم و اظهر ان ليه فكره انك تدى روبوتات ضخمه لمراهقين ضعاف عاطفيا و تطلب منهم انهم ينقذوا الكوكب هتكون فكره بشعه! ايفا معروف بالعديد من انعطفات القصه الغير متوقعه و النهاية التى تركت مفتوحة لتفسير المشاهد, و هذا صحيح خصوصا نهايته بس برضه هذا يطبق على نهايه المسلسل ايضا. احد مشكلات التى عانى منها الكثير فى السلسله الاصليه هى ميزانيه الرسومات المحدوده للغايه. الشىء اللى لا يمكن انكار ايفا منه هو ان Anno كشف عن روحه لينا و ورانا اعماق اكتئابه و مخاوفه. يدعى انه عمل السلسله دى ليتغلب على موت امه. ده كان طموح واسع لشونين معمول فى1995. ايفا عدى الحدود اللى فى الشونين و سمح للدرامه النفسيه فى الانمى انها تنتشر اكتر. عن طريق جعل شينجي طفل متذمر و باكى و ذا مشاكل نفسيه, و هذا تحول فعلا الى ان يكون حركه عبقريه لأن الاوتاكو الوحيد و الغير ملائم اجتماعيا يقدر يميز شخصيه شينجى و يتعاطف معاه بطريقه لم يستطع ان يشعر بها من قبل مع الخارقين جوكو او كينشيرو (بتاع سيف النار). هذا التعاطف جعل شينجى شخصيه مبتكره و مؤثره على عكس الشونين الراكد ان ذاك.

الانيمي من الاخر عاوز دماغ عاليا ووقت طويل في اديك علشان تعرف بالبلدي تشرب الانيمي كويس.

5- Monster

monster-series-full-1608686

اجمع اللي شافوا الانيمي (اللي عجبوهم الانيمي واللي مش حبينه) ان الانيمي غير مريح وغير تقليدي. بيتم استغلال موضوع الشر بطريقة مكثفة من خلال الكشف عن حجم الفساد البشري مثل اساءة الاطفال, القتل الجماعي, غسل الدماغ الجماعي, التجارب البشرية, وقيمة الحياة, واكثر من ذلك بكثير. دي تعتب بعض الافكار اللي بيحاول بعض الاستوديوهات تبعد عن النقط دي, ولكن مانوستر بيوري الافكار دي قدام المشاهد او احيانا يوري مناظر الاشكال دي في علي الشاشة. مونستر بياخد راحته علشان يوديك للعالم المليء بالعنف, القلق, القتل, و الانتقام. ولكن مع “شر” اكبر هناك موازنه ضوء صغير من الحب والفداء. فمونستر بيعيد اختراع الانقسام مابين الخير والشر, ويفعل ذلك ببراعة.

4- Rainbow

b79815c3cec32b6c904f67497c1bbe9f37b5f8bc

هو الصراحة أنا مش عارف أقول إيه.

راينبو ده من الأنيميات النادرة جداً إللي تخليني أفضل قاعد مطبق لحد ما أخلصها, الأنيمي وصل بيا اني بحاول أدور علي أي عيب قوي فعلاً يوقعه مش لاقي.

قصة راينبو تقع في أخر مروع اليابان سنة 1955 بعد حرب العالمية التانية, والقصة بتركز علي شباب معتقالين بسبب تهم جنائية خطيرة في دار رعاية الأحداث (حاجة زي مدرسة داخيلية بس برضه تعتبر سجن بالنسبة لأقل من 18 سنة), كلهم بيجتمعوا في نفس الغرفة مع ريكوروتا ساكوراجي, و من هنا بدأوا بإنشاء رابطة وثيقية. تحت قيادته, ومع الوعد بإنهم بعد ما يخلصوا الفترة بتاعتهم في الأحداث, يبدأ الشباب ينظروا لأحوالهم الميؤوس منها في ضوء أفضل. راينبو تبع سبع رفاق وهم بيكافحوا مع بعض ضد العنف والإذلال لحقت بهم من قبل الحارس السادي ايشيهارا, ايشيهارا ده حارس سادي بيستمتع بانه يأذي الناس بأي شكل من الأشكال, وبيكره حاجة أسمها ريكرووتا, لدرجة انه عاوز يولع فيه حرفيا, وجيوسكي ساساكي, الدكتور إللي بيستمتع بإنتهاك الأولاد. فيجب علي الابطال بتوعنا بإنهم يستحملوا كل إللي بيجرا لهم علشان يخلصوا الوقت بتاعهم ويبصوا علي أحلامهم وينفزوا.

3- s.CRY.ed

19327_403240596524904_8434108221807436809_n

بعد الانتفاضة العظمى, وهذا من المقابل يضع التجهيزات الشخصيات, اُلترز ضد الهوولي.

الاُلترز هم ناس اكتسبوا قدرات بعد الانتفاضة العظمى في سنين اللي فاتت, وهم يعيشون برا المدينة الداخلية بمجرد انهم يبقون علي قيد الحياة. اما الهوولي هم مجموعة من الناس يريدون يا يقتلوهم كلهم, يا يحولوهم لصفهم.

الانيمي ده مثلي جدا. هناك الكثير من الكلمات التي القيت هنا وهناك, حاجات ناس كتير سمعوها قبل كده. انت لو بتحب دراجون بوول, الانيمي ده هيعجبك برضه. القصة كويسة جدا, الرسم خرافة, مع اصوات وموسيقة هائلة. الشخصيات هم اللي بيخلوا الانيمي يبرق ويلمع اكتر.

يعمل المشاعر دور كبير قوي في الانيمي, في غضب كثير من كازوما, سكيريس, و ميموري خلى قضية الحب حقيقة لريوهو, وريوهو من الاولاد اللي حولوا يعرفوا ايه اللي حصل في العالم, حقيقة اللي حصل في الماضي. كانامي يجعل القصة دي ممتعة جداً. ودول من الشخصيات المهمة اللي في الانيمي, والشخصيتان الاساسين كازوما و ريوهو اكبر اعداء لبعض لدرجة انهم كل يوم يا يضربوا بعض يا يفضلوا يختلفوا علي حاجات.

(اسفين اننا مالقناش اي اعلان للانيمي)

2- Cowboy Bebop

24-09-01_cowboybebop_big

الانيمي بمعني الكلمة اسطوري; شخصيات تحفة, الاغاني والموسيقة جبارين وحاجات كتيرة مش هقدر اقولها علشان ممكن تعتبر حرق ليكم.

الانيمي ده كان كان حافز كبير لاي واحد اتفرج عليه (يا محب للانيمي عمتا او لا) وطبعا اداني حافز وغير راي انا شخصيا علي الانيمي عمتا, اده معني تاني لكلمة انيمي, بدل من ان كل الانيمي عاملين زي Dragon Ball Z لفن جميل بتعامل الشخصيات المرسومة الجماد دي لبشر بجد, وبتحس بيهم; في فرحتهم والامهم.

القصة بتقع في زمن 2071, بتحكي عن مجموعة من ملاحق المجرمين (يعني الناس اللي بيصطادوا المجرمين المطلوبين بمقابل مبلغ من المال) اللي عايشين في مغامرة بانهم بالبلدي كده يجيبوا لقمة عيش من اي مجرم يمسكوا عبر المجرة.

القصة سهلة صح؟ امال ليه يا اسلام انت بتمجد في الانيمي كده؟ علشان ببساطة ان الانيمي ده اقوي حاجة فيه شخصياته, الشخصيات دي اللي بتقود الانيمي ده, واللي رفعاه, الانيمي ظاهريا عرضي (كل حلقة او حلقتين بتكلم علي قصة لوحديها) ولكم من جوا الانيمي بيكلم علي عيشتهم مع بعض, وعلي الماضي بتاع كل شخصية فيهم.

1- Kingdom

maxresdefault

Kingdom هو انيمي وقع في فترة من الزمن مليئة بالحروب مرت جواها الصين. هيون وتشين, هما عبد صغيران فقدوا اهلهم من حرب من حروب مابين السبع مماليك بداخل الصين.

القصة مباشرة من اولها, في الانيمي. لما اُكتشف ان هيو بيشبه الملك اي ساي من كين. هيو عين كنوع من الفخ لاعداء الملك. ومن هنا القصة تبتدي.

انت لو ليك في التاريخ والانيميات المتركزة علي الحرب والاستراتيجية, هيعجبك الانيمي ده اوي, او لو بتحب انيميات الشونين هيعجبك برضه الانيمي ده. الانيمي ده فعلا حلو وماينفعش يفوتك! العيب القاتل بتاعه فعلا الرسم. الرسم سيء للغاية. انا ماعرفش اللي حصل بس في بعض من اللقطات الرسم مش متطابق خالص! بالظبط في لقطات تاحروب, او المشاهد اللي فيها حركة سريعة, كل دول بيبقي الرسم عندهم بيبقي ضايع, بيشبه رسم الالعاب في بعض الاحيان. بس لو نفضت للمشكلة بتاعت الانيميشن, الانيمي ده لازم تتفرج عليه.


About the author

IslamGinpachi

  • Accel Mody

    Eureka?
    Oregairu?
    KamiNomi?
    and where’s my thanks for the gurren lagann, Trigun, Durarara