افلام و مسلسلات انمي

ليه المعجبين بيكرهوا الافلام المقتبسة من الانيميات والمانجا؟


ليه معظم الLive-Action للانيمي/مانجا وحشين او الناس كرهاهم؟

بما ان في كمية Live-Actions نازلة في الطريق, اشهرهم Akira و Ghost in the Shell, حبيت اعرفكم ليه بعض الناس قلقانين وخايفين ان دول هيكونوا Dragon Ball Evolution الجديد.

Dragon Ball Evolution ده فيلم كان ما شاء الله اقذر من القذارة, للعلم ان كل الفانز بتوع انيمي Dragon Ball كانوا الي حدا ما متشوقين للAdaptation ولكن بعد ما كلنا اتفرجنا علي الفيلم, حرفيا الناس اللي عملوا عارفين قشرة بل مش عارفين خالص ايه هو Dragon Ball اصلا, وغيروا في العنصر الاساسي بطريقة كبيرة.

 

تغيير الجذري للمصدر الاساسي.

dragonballevolution
اه! اللي في النص ده جوكو.

 ده يعتبر اكبر مشاكل في المنظمة بحالها, زي ما قولنا لDragon Ball Evolution, بعض الشركات بتحب تحط التاتش بتاعها في كل حاجة تحت ايديها. في سبب اساسي ان المصدر الاساسي مشهور, مشهور لدرجة انه يتعمله Live-Action Adaptation. برضه مع ذلك الشركات بتحب تغير في القصة بطريقة جذرية, بس للهدف انهم ينشنه علي الجماهير الاكبر. كله للاسف علشان الفلوس.

 

الإعداد.
akira

 الانيمي/المانجا احيانا بتقع في عالم ملىء بالخيال الواسع. طبعا انا مش بقول ان انواع الافلام دي بتكون مستحيلة انتاجها, بس بتكون مكلفة جدا, فاحيانا الانيميات القوية دي مش بساهل تAdapt او في الغالب بتكون في مضاعفات في التكاليف اللي بتخلي الفيلم شكله وحش للاسف.

 

دقة الشخصيات/الممثلين.

ghostintheshell علي فكرة انا مش ضد الWhitewashing للشخصيات كلها بتاعت الفيلم, بس لو هما ماعملوش حاجة عدلة يبقي هما عندهم مشكلة. المشكلة ان كل شخصيات الانيمي بيظهروا بصورة فردية وبيبان الكلام ده علي تصرفاتهم. وطبعا زي ما عارفين ان قوانين الفيزياء في الانيمي/المانجا مش بتبطق شبه معظم الوقت. فمعظم تصرفات في الافلام بتلاقيها Cheesy. انا مش بقصد ان الممثلين مايعرضوش الشخصية بظبط, بس علي اقل مايقللوش من الشخصية لدرجة سلبية علي الشخصية نفسها ومجمل القصة نفسها.

 

ذوق الاستوديو.

speed-racer

دايما ما بنلاقي المخرج وهو بيعمل الفيلم لازم يحط التاتش بتاعه زي ما بنقول. هو انا مش شايف ان دي حاجة وحشها بس لما الاقي ان التاتش ده مقصر من نحية القصة, تبقى مشكلة. علشان العناصر الاساسية اللي منجحة اي انيمي/مانجا هي دي اللي بتدي طعم, ف النفاصيل دي بتكون مهمة اوي, جتي لو تفاصيل الصغيرة.

السوق.

audience

واخر واهم حاجة هي السوق. يعني طبعا مش اي حد هيشوف الفيلم اصلا اتفرج علي العنصر الاساسي, او علي اقل Geek فمعظم الThemes ممكن تتغير علشان يناسب عادات التقاليد الجمهور الاكبر, ونرجع ونقول زي ما قولنا في اول سبب, الفلوس هي كل حاجة.

ف هل لازم يوقفوا تصنيع الافلام دي؟

eva4

 طبعا لا! انا شايف ان الافلام دي عندها Potential كبير, وانا الصراحة حاطن املي في Warner Bro’s Akira و Disney’s Ghost in the Shell ده غير كمان ان لو فعلا وقفوا الكلام ده, يمكن مش هنلاقي افلام مقتبصة من الانيميات المشهورة زي اقتباس Paprika في فيلم Inception او Ghost in the Shell في سلسة The Matrix. بس لو اتعملوا صح.


About the author

IslamGinpachi