انمي

مؤلف بليتش يكشف الحقيقة المحزنة عن نهايته


 

” تايت كوبو ” صانع انمي ” بليتش ” — مرت فترة طويله منذ انتهاء آنمي ( بليتش ) ، وكتير من الفانز لسه غير سعداء بتلك القصه الغير مُبرره ورديئة الجودة! بينما في فانز تانيين غاضبين من نهاية الشابتر بخصوص نقطة ارتباط اوريهيمي واتشيجو, وروكيا ورينجي.

 

 

إلا إن كوبو اللي رجع للتويتر بعد فتره غياب طويله, افصح عن سبب معين, او في الواقع افصح عن حكايته وايه اللي خلاه يستمر في كتابة “بليتش” بالرغم من كل اللي مر بيه. تويتات كوبو الأخيره فعلاً كانت حزينه للغايه.

 

 

بليتش انتهي من 4 شهور, و فكرة ان لسه في حاجه هو لازم يعملها كانت دايماً ملازمه باله. علشان كدا, استخدم التويتر اولاً كمِـنبر عشان يقدر يشكر كُل الفانز القُراء. وبعد كدا اعلن عن تصريح صادم, الا وهو انه قدر يكتب نهاية شابتر بليتش بالطريقه اللي هو عايزها, بعد ماكتب اول شابتر.

 

ودا كله بفضل القُراء, اللي استقبل منهم ما لا يقل عن عشر الاف جواب خلال السنه من اول الأطفال اللي عندهم 3 سنين لحد نساء عندهم 78 سنه. قرأ واحتفظ بكل جواب فيهم, وهما اللي ساعدوه انه يتخطي كل لحظات اليأس والإستسلام اللي مرت عليه, لكن صحته للأسف بدأت بالتدور في السنه العاشره.

 

الدكتور بتاعه قاله ان التعب دا مُجرد برد. في الماضي, كان ممكن يقوم من التعب بعد يوم على الأقل, لكِـن فجأه الأمور اتغيرت, وبقى بيفضل راقد في السرير لمدة اسبوع. في اي وقت مجلة “جامب” كانت بتصدر عدد مزدوج ((وبعد كدا بيبقى في بريك اللإسبوع التالي)).

كـان ممكن يفضل راقد في السرير الأسبوع كله للراحه. بس بعد فتره, كل مايفتكر انه بقى احسن, كان بيجيله برد تاني, لذلك تقريباً كانت دايره مقفوله من المرض اللي مبيخلصش!

 

بدأ يحس انه مُثير للشفقه وانه فشل كـ”مانجاكا”. المانجاكا هو شخص يقدر يسلم مانجا بجودة محدده في وقت مُحدد, لكِـن مع الأسف مرض مؤلف بليتش (تيت كوبو) ماكانش مساعده, لذلك كان بيفكر في الموضوع دا كل يوم. هل هيقدر يكمل السلسله؟ هل لازم يبطل ؟ بس القصه لسه في نصها ولسه مخلصتش. طب ايه اللي المفروض يعمله؟ وهينهيها ازاي؟

 

 

في يومٍ ما, جاله جواب من احد المعجبين مش مكتوب عليه لا اسم ولا عنوان, الجواب كان من ولد مريض علاجه مبقاش يجيب نتيجه معاه, واتحجز في المستشفى وراقد في السرير بقاله فتره, وفي حالته ماكانش قادر يستمتع بأي حاجه لإن حته لما بيجرب يتفرج على التلفزيون او يلعب فيديو جيمز, كان بيفتكر الوقت اللي كان بيقضيه مع صحابه قبل مرضه. كان عارف ان مرضه ملوش علاج, وكان عايز يموت حالاً! بس اتقاله انه يقدر يعيش الـ18 شهر اللي فاضلينله بالطريقه اللي هو عايزها.

 

 

وكمل الولد في جوابه, انه قرر يغمر نفسه في عالم المانجا, ومن هنا اكتشف “بليتش”. كان قرأ مانجا كتير قبل كدا بس هو اتعلق واُعجَب ببليتش. ولأول مره من ساعة ماتحجز في المستشفي بدأ يفكر انه عايز يقرا الجزء الجديد من بليتش, كانت اول مره يبدأ يفكر في بكـره! وكمل في الجواب ان مانجا بليتش غيرت واقعه وادته أمل وسبب يعيش علشانه, بليتش اعادت له الحياه!

 

الولد طلب من معارفه انهم يبعتوا الجواب دا لمؤلف بليتش “تايت كوبو” بعد وفاته. ودا معناه ان الولد اتوفي بالفعل, واخر الكلمات اللي ذُكِرت في جوابه كانت الكلمات الأتي:

 

” معلمي كوبو… انا اطلب منك طلب اخير, ارجوا ان تسستمر في رسم بليتش بالطريقه التي تُريدها, حته النهايه. لإن هـذا ما اريد قرائته”

 

 

 وفي النهايه كوبو طلب من مُعجبينه على تويتر انهم يحددوا مكـان معارف الولد اللي كتبله الرساله دي, على الرغم انه طلب صعب.

 

“أوِد أن أُعَـبِر عَن إمتناني تِجـاهُه. لإنه،غير قادر على تلك المانجا الشاكره لهُ “

قراءة الكلام دا وكتابة البوست دا كان شىء صعب عليا شخصياً كمعجب من معجبي بليتش. لذلك ياريت ياجماعه نتتمني للمعلم كوبو حياه جيده…

بليتش هتوحشنا للأبد!
bleach-3 bleach-4 bleach-5 bleach-6 bleach-7 bleach-8 bleach-9 bleach-10 bleach-11 bleach-12 bleach-13 bleach-14


About the author

AccelMody

Not your typical credit and not your so typical anime watcher
i go by never judge by it's genre who knows might be fun and one more thing
All Hail Lelouch