افلام و مسلسلات

ما مدي أهمية فيلم Logan علي مجري سير أفلام X-Men


لوجان يعتبر من أهم أفلام سلسلة X-Men. تداعيات و توابع واضحة في العالم الحقيقي ؛ هيو جاكمان هيشيل مخالبه بعد الفيلم ده . و احتمال يكون آخر مرة يقوم باترك ستيورت بدور بروفيسور تشارلز اكزافيور. بس ايه هو تاثير الفيلم في سلسلة X-Men ؟ ازاي الفيلم  مرتبط ببقية عالم X-Men ؟ وايه تاثير فيلم لوجن في التتابع الزمني لأحداث السلسلة ؟

متخفش. احنا واقفين في ظهرك, وظبطنا كل حاجة علشان نفهمك ومنخلكش تايه. فيلا بينا.

امتى و فين بتبتدي أحداث فيلم لوجان ؟

المخرج جايمس مانجولد أكد بعض المعلومات عن الفيلم اللي هتشكل احتمالات مثيرة للجدل . قصة الفيلم بتبتدي في سنة 2024 بعد سنة من أحداث فيلم X-Men: Days of Future Past طبعا بعد ما الوقت اتعاد و اتعدل عشان يودينا للنهاية السعيدة ، و واضح ان احداث ( لوجان ) مش ماشية مع سلسلة X-men من ناحية العالم و التسلسل الزمني اللي شايفينه لحد دلوقتي . هيو جاكمان ( مؤدي شخصية لوجان ) قال إن أحداث الفيلم مش ماشية مع السلسلة وواخدة منعطف تاني في عالم مختلف لحد ما . هنركز في النقطة دي علشان هي مهمة, بس الاول خلينا نركز على العنصر الاساسي اللي واخد منه الفيلم “لوجان” علشان نشوف الصورة كاملة.
سلسلة كوميك Old Man Logan كانت قائمة بشكل كبير على فكرة “تفتكر لو؟” .. بتحصل لما الأشرار بيحتلوا أمريكا. بقية الأبطال بيختفوا وبيستخبوا ومن ضمنهم ولفريين اللي اتشوش و لما هدى اللعب و استقر مع عائلة عمل عهد على نفسه إنه مش هيستخدم مخالبه تاني .. القصة بتاخد منعطف غربي على فيلم لوجان –متاخد من فيلم Unforgiven لكلينت ايستوود—وكمان طلع بره الاعتيادات بتاعة سرد أفلام Marvell في نوعية الفيلم و  الشخصيات . في الفيلم ده هتلاقي ان لوجان واخد كتير أوي من كوميك Old Man Logan وكمان بيدينا نبذة داخلية على تأثير الفيلم على بقية تسلسل أحداث سلسلة X-men.

 

التمطيط ممكن يقتل الابداع

عالم الكوميكس متعطش للإستمرارية .. لكن الفكر ده سلاح ذو حدين . أكبر محلات الكوميكس بيبقى ليها وقت كده كل كام سنة بينظفوا المحلات من الكوميكس اللي مالهاش لازمة. احنا موصلناش للدرجة دي في افلام مارفل ماعدا افلام X-men . افلام الX-men  معرفتش تتملك من السلسلة والقصة بتاعتها بتسلسل أحداث مترابط زي ماعملت افلام Marvel التانية .. لكن في إطار بيجمع الأجزاء مع بعض . اول ما السلسلة كملت بقى صعب انك ترتب الاحداث مع بعضها. Deadpool عمل شغل هايل بانه يتريق على المشكلة دي بطريقة ماينفعش ماتضحكش عليها .
هيو جاكمان كان عارف المشكلة دي طبعا واتكلم عنها لما جه الوقت ان لوجان يتعمل فيلم.
لوجان مستقل من ناحية حاجات كتيرة و مش متقيد بأحداث باقي أجزاء السلسلة .. مع تتابع أحداث التسلسل الزمني الفيلم بيتحول لهدف لازم يتلعب صح ، بمعنى انه مش بيضيف أي حاجة في تفسير قصة السلسلة و كان نوعا ما حشو للقصة .
و كون ان الفيلم أخد من أحداث كوميك Old Man Logan  ده معناه إن أحداث الفيلم هتكون في عالم لوحدها و ده هيدي مساحة لسرد و توظيف الأحداث من غير ما التسلسل الزمني بتاع بقية أجزاء السلسلة يبوظ ، بس ده مش معناه ان فيلم Logan هيبقى تأثيره معدوم على ترابط التسلسل الزمني لبقية أجزاء السلسلة.

“الحرية قد تكون مجرد مرادف لـ (لم يعد لدي شيء لأخسره)”
لوجان _ و لحدٍ ما Deadpool  بردو_ يعتبروا تجربة عشان يعرفوا الجمهور ممكن يتقبل فكرة تتابع زمني مختلف ، ممكن يكون فيلم Logan مالوش علاقة مباشرة ببقية أفلام سلسلة X-Men بس أكيد له مغزى : احنا هناخد هيو جاكمان في مغامرة أخيرة و هتكون فيلم لوجان اللي نفسنا نعمله كفيلم ممكن يستقل بذاته و ده عن طريق اننا نحرر نفسنا من أي قصص داخلية او روابط مع بقية الأفلام و في نفس الوقت نستخدم اللي الجمهور عارفينه و حابينه من الأفلام اللي قبل كده في السلسلة عشان يدعم القصة

لو كسبوا الرهان ده أفلام X-Men ممكن تاخد منعطف تاني بشكل تلقائي و مش متكلف في الكوميكس غير ماهم بيحاولوا يربطوا قصص مختلفة مع السلاسل اخرى. أفلام الكوميكس دلوقتي بقت على قفا من يشيل و DC علمتنا ان مش اي حد يمتلك الرؤية اللي تخليه يحط أكتر من قصة عن أكتر من بطل خارق في في نفس العالم بتسلسل زمني موحد . لو الجمهور استجاب لفيلم Logan بنفس رد الفعل اللي ادوه لDeadpool, هيبقى فيه احتمالية اننا نشوف مرونة أكتر في التتابع الزمني لأفلام X-Men . الحق يتقال, دي احسن احتمالية سمعتها من وقت طويل. المعجبين مش عاوزين يشوفوا العجب من شخصيات مختلفة وقصة متكاملة لعدة افلام مختلفة. هما عاوزين افلام قايمة على أساس و تلقائية الشخصيات اللي حبوها . لو لوجان قدر يفتح الباب للافلام كتيرة من النوع ده, يبقى مهم اوي نقول تتابع أحداث سلسلة الX-Men هيبقى لا يقدر بثمن .


About the author

AccelMody

Not your typical credit and not your so typical anime watcher
i go by never judge by it's genre who knows might be fun and one more thing
All Hail Lelouch