انمي

ما هو Shelter


النهارده هنتكلم عن حاجه اجتاحت الإنترنت كله واصبحت حديث الجميع… الفيديو كليب “شيلتر”

“شيلتر” – الإنتاج المشترك الأخير لـ”بورتر ومادون” – تم استخدامه كأساس للأنيميشن بشكل ملائم وجيد جداً! الرسم كان ملئ بالألوان, انسيابي ورشيق. ورسم العالم الأفتراضي اللي رين عايشه فيه فعلاً: حيوي ومُمتع جداً في مشاهدته.

شىء نادر جداً لما تلاقي شىء في غاية البساطه. ومع ذلك بالقدر دا من القوه!! “شيلتر” فعلاً فكرني انا ليه بحب الأنمي من الأساس, ودا لإنه قدر يدينا تجربه مُميزة ورائعه من الصعب انك تلاقيها في اي مكان تاني.

 

في خلال الـ6 دقائق, هنشوف بطلتنا الغامضه “رين”, ونعرف اكتر عن ظروفها وعن ماضيها وهنلاحظ ان تقريباً مكنش في اي حوار, وإن في اعتماد كُلي على سرد القصه بشكل بصري وعلى الموسيقى طبعاً. ومع مرور كل مشهد, هتلاقي نفسك شوية بشوية بتحاول تعرف ايه اللي بيحصل, وببطئ هنلاقي في اجزاء صغيره من ماضيها بتظهر وكل حاجه بتضح في الأخر طبعاً. طاقم العمل ابدَع في صناعة ترتيب الأحداث وتراكمها والكشف عنها. والأنيميشن كان لايق بشكل جيد جداً على الموسيقى, وطريقة الإنتقال من مشهد لأخر كانت معموله بشكل مُتقن.

 

 

رسالة “شيلتر” كانت فعلاً مؤثره, بتوضح لينا قوة ومقدار الحب الأبوي الغير مُشرَط, وإن ماضينا, مهما كان مؤلم, يقدر قد ايه يدينا الطاقه والدافع للمُضي قدماً في حياتنا والأستمرار. شيلتر مدته قصيره, بس بيأثر في اعماقك بقوة وبيفكرك فعلاً ليه مجال الأنمي دا مجال عظيم! نظرة المخرج “بورتر” وخياله هي اللي خلت العمل دا يطلع للنور. وانا فعلاً سعيد اني خضت التجربه دي.      


  • Balla

    مشكور

    • Accel Mody

      ^^