Cosplay مراجعات

مراجعة إيفينت Ace 3 heunicon


إيفينت Ace 3 heuncion الإيفينت اللي ناس كتير كان مستنياه واحنا كبيج جيكس كنا من ضمن الميديا coverage ليوم بيهتم بيه كل الاوتاكو والكوسبلايرز والجيمرز . تنويه بسيط احنا كبيج يكس بنقول رأينا بكل حيادية وصراحة ومراجعتنا للإيفينت ليس لها اي علاقة من قريب او بعيد بأي مستوى من ” الشخصنة ” للأمور .
اولاً هنتكلم عن مميزات الإيفينت وبعدها هنقول العيوب او المساوئ اللي ظهرت اثناء اليوم او من بدايته مع شرح خاص ليه احنا شايفين العيب دا .
المميزات :
1. عدد الكوسبلايرز كان كبير ومن مختلف الأنميات والأفلام والألعاب والكوميكس .

2. مستوى الكوسبلاي اتحسن بشكل ملحوظ ويكاد يكون إن لم يكن فعلاً حقيقة ان 90% من الكوسبلايرز كان مستواهم عالي جداً و اظهروا احترافية وتعب ومجهود كبير في عمل وتصميم والاهتمام بتفاصيل الكوسبلاي بتاعهم .

IMG_6839

IMG_6945
IMG_6917

3. ال booths كانت متوزعة بشكل كويس وكل booth كان موجود عليه منتجات لأنميات وكوميكس وأفلام وشخصيات كتير والأسعار كانت كويسة والتصميم بتاع المنتجات كان كويس جداً.

13483259_1559448711018085_9078656873775562420_o

13495427_1559448791018077_2416314710338848591_o

4. منطة الجيمينج كان الاهتمام بيها واضح و واللاعبين اللي اشتركوا في البطولة كان في اهتمام بيهم من البداية و تم تنظيم البطولة بصورة كويسة ترضي كل الناس اللي شاركت .

13692485_1568319720130984_1342170868823075919_n

5. منافسة الكوسبلايرز كانت كويسة وكان في منافسة قوية نالت استحسان الجميع (بس في بعض الملحوظات على الموضوع دا فهنكتفي بالقدر دا عنها في المميزات ) .

IMG_7081

IMG_7050

العيوب :

1. مكانش في اي تنظيم في بداية اليوم من بدري وأي حد كان بيدخل بسهولة (احد اعضاء الفريق بتاعنا دخل بدون ما حد يكلمه هو داخل تبع مين او حتى هو مشارك من ضمن السبونسرز ولا زائر ومعاه تذكرة او خلافه ودا لجانب ان في كوسبلايرز بنات كتير اتضايقوا من ان كان في شباب بيقولوا عليهم الفاظ مش محترمة و وجود فئة غير معروفة الهوية اذا كانوا بينتما للكوميونتي او حتى عارفين معلومات كويسة عنه و بيقدروا الشغل اللي اتبذل في الكوسبلاي وان دا مجرد شخصية مش حقيقة الشخص دا سواء كان بنت او ولد ودا غير ان في ناس كتير دخلت بدون تذاكر –مع مراعاة نقطة الحالة المادية للجميع بس حتى النقطة دي كان ممكن تتنظم بصورة احسن من كده-).

2. تقريباً مكانش في انشطة قوية الناس تتشد ليها اوي وحتى بطولتين pokemon go و clash of clans  مكانوش كويسين اوي.

3. الكوسبلايرز مكانوش لاقيين مكان يحطوا فيه هدومهم اللي غيروها عشان يلبسوا الكوسبلاي بتاعهم.

4. الانترنت كان كويس في بداية اليوم بس بمجرد بداية مسابقة pokemon go السرعة بقت ضعيفة جداً و الشركة اللي كانت مقدمة خدمة الانترنت غيرت الباسوورد للواي فاي .

5. كان في booths محتاجة كهربا ومقدرتش تشتغل كويس لأن مفيش كهربا جات لها خالص مع انها طلبت من بداية اليوم اكتر من مرة اي توصيلة بس مفيش اي شئ حصل .

6. مسابقة الكوسبلاي بدأت متأخر اللي أدى إن بعض الكوسبلايرز يمشوا و ميشاركوش على الرغم انهم كانوا متأهلين لل top 16.

7. كان في الفاظ كتير خارجة على الاستيدج من منظم الإيفينت (مع علمه التام ان في اطفال واباء وامهات وبنات كتير وشئ مش لطيف ان الالفاظ دي تتقال قدامهم ).

8. الإيفينت كان كويس جداً في بعض النقط ولكن كان فيه بعض المشاكل اللي ادت انه ميخرجش في النهاية بأفضل صورة ممكنة ليه.

9. تمثال جوكو كان موجود في المدخل بره خالص مش جوه في الماين كامبس في ال open area .

10. الإيفينت كان كويس في بعض النقط ولكن كان فيه فشل كبير شوية و دا بعد سلسلة من أنصاف النجاح في الإيفينتات اللي فاتت .

 


Better Luck Next Time
  • تقييم التنظيم الخاص بالإيفينت - 4/10
    4/10
  • تقييم الخدمات اللي تم تقديمها و جودتها - 5/10
    5/10
  • تقييم الانشطة اللي تم تقديمها - 3/10
    3/10
  • تقييم المنافسة (Cosplay Battles) - 8/10
    8/10
5.0/10

About the author

Islam Quantum

Tech guy, love anime, music, movies, comics, quantum mechanics, manga , technology , gamer . Simply this is my world 😃