انمي مراجعات

مراجعة انمي/مانجا Deadman Wonderland


القصه

أنمي ” ديد مان وندرلاند “هو من الأنميهات اللي تم صنعها ببراعه ، قصه مبتكره ومميزه عن اي مانجا موجوده ، الأنمي غامض ، مبتكر ومُريب .. والأهم انه مش هيحاول يخدعك بمفهوم السعاده الزائفه !! مفيش حاجه اسمها ” بهجه ! ” ، مفيش هنا غير اشخاص بيحاولوا يخلقوا الأفضل من قلب المواقف البائسه اللي بيتحطوا فيها ، وداً لإن موقع الأحداث هو سجن .. واللي بيتضح انه سجن وندر لاند .. واللي بشكل آخر بيظهر كإنه متنزه لكل انواع الجمهور ، ومن هنا هتبدأ الأحداث تدور حول بطلنا الرئيسي .القصه بتدور احداثها عن ولد بيُدعي ” جانتا ” ، وعن الأشخاص الغريبه اللي بيقابلها وازاي بيقدروا ينجو ، والعيش في الجحيم المُسمي بالديد مان وندلاند يوم بعد يوم .. القصه فيها الكثير من التقلبات اللي عادةً بتحصل عن طريق الأبطال اللي بيقودوا القصه عامةً ، كل شىء في الأنمي بـارد للغايه ، كئيب ، ونفساني للغايه .. لذلك لو كنت مهتم بهذا النوع من القصص ، فغالباً دا الأنمي المناسب ليك.

1deadman_wonderland_wallpaper_1920x1080_e23234f
الرسم
بصورة سريعه ، الرسم رائع .. ! ، الأنمي تم رسمه من نفس الرسام والكاتب لأنمي ” ايروكا سيفن ” ، لذلك الرسم حاد ونقي بس مليان تفاصيل في نفس الوقت ، الدم والخلفيات مرسومين بطريقه معقده وحقيقيه جداً ! ،تصاميم الشخصيات رائعه لكن اكتر حاجه حبيتها شخصياً كانت طريقة رسم تعابير وشهم اللي بتخليك تقدر تشوف حجم الألم في تعابير وشهم  وكلهم شكلهم حيوي وواقعي جداً ، بطريقه احياناً ممكن متكونش جميله ، زي الامهم بالظبط.

الشخصيات
الشخصيات في ديد مان وندريلاند هي تقريباً جوهرة الأنمي ، كلهم بلا استثناء اتجرحوا بشدة بطرق مختلفه – وعندهم كل الحق لدا لو اخذنا بالأعتبار الظروف المحيطه بيهم .. !! ، جانتا ، البطل الرئيسي ، ببساطه عباره عن ولد صغير ، من المفهوم انه يكون شخصيه بتعصب معظم القُراء ، بس من ناحية تانيه هو عنده كل الحق انه يتصرف كدا ، الشخص دا فجأه وجد نفسه في دوامه من البؤس والأضطرابات والصدمات النفسيه ، لذلك خلينا نفكر دقيقه في الموضوع ، تخيل لو كنت انت الناجي الوحيد من حادثة قتل جماعي حصلت لكل صحابك واصدقائك في الدراسه وكمان تم تلفيق الجريمه دي ليك ، واتحطيت في سجن مفيهوش اي حدود للعنف ومفيش اي مجال لحد يسمعك جواه ، وحاجات اكتر كمان في اقل من شهر !! ، احنا بنتكلم عن ولد عادي كان عايش حياة مسالمه جداً قبل كل دا ، شخصيه عمرها مادخلت في شجار او صراع ، ودلوقتي بقى في صراع على حياته في كل ثانيه بتمر عليه ، دا غير معاناته في انه يفـهم المكـان دا والمُجرمين الخطرين اللي فيه.

ولكـن الأحداث مش بس عن جانتا ، المسلسل فيه شخصيه تانيه تُدعي تاماكي .. العدو الرئيسي ، وعمري قبل كدا ماشوفت شخصيه بغيضه زيه . حصوله على البهجه والمُتعه الساديه من اللي بيعمله ، وعدم اظهاره لأي تأنيب ضمير .. خروج كويس عن الأطار المألوف لكل الشخصيات الشريره الموجوده في اي مانجا تانيه ، شخصيه متقدرش تحس من ناحيته غير بالكره مهما حاولت .. وبعيداً عن الشخصيتين الأساسيتين دول ، في عدد كبير من الأشخاص اللي مش من السهل نسيانها في آنمي ديدمان وندرلاند  شيرو : البنت الغريبه اللي بتتكلم بصيغة الشخص الثالث واللي بيتضح انها تعرف جانتا ، ازامي : المرأه الطبيعيه بشكل عجيب اللي بتوفر معلومات لجانتا في اول يوم ليه في السجن,
كل الشخصيات دي اتعرضت لصدمات نفسيه ، وكلهم عانوا بقسوة من البيئه المحيطه بيهم دي ، بس بالوقت بنشوفهم وهما بيتطوروا وبينضجوا وبنعرف اكتر عنهم ، وبنعرف ايه اللي بيخلوهم يثوروا ويغضبوا ، وكان في عدة مرات القصه كانت بتدور حوالين الشخصيات نفسها اللي كانت بتسبب لي البكاء بصراحة.
deadman_wonderland_windows_7_theme_by_piggythehippy-d4j4z1t

الإستمتاع

انا استمتعت بآنمي ديد مان وندرلاند بقدر كبير جداً ، وبتحمس جداً لكل تطور ولكل شابتر جديد ،ولكن استمتعت برضو بالعُنف اللي كان مُنفذ بإتقان ، لذلك إذا كُنت بالصدفه مش بتحب النوع دا.. فبالتأكيد دا هيعوق تجربتك بالكامل مع الأنمي ، لكن لو كنت بتبحث عن شىء جوهري ، شىء مختلف وحديث ، شىء يخرج عن اطار المألوف ، يبقى دا الأنمي المناسب ليك.

الموسيقى
من غير مأول حاجة الساوند تراكس هيا احلا ما في الانيمى دايمن بتحسسك بشدة الموقف و طبعا الاوبينينج الميتال اللى ماحدش مابيحبهاش

بنظرة عامة

زي ماصرحت ، ربما دا مش الآنمي المثالي ، بس هو اكثر الأنميهات المناسبه للشخصيات اللي بتقدر النوع دا ، ولذلك مره تانيه ، لو كنت بتبحث عن حاجه سعيده .. مش هو دا مكانك.


  • Animation - 8/10
    8/10
  • Characters - 8/10
    8/10
  • Story - 9/10
    9/10
  • Enjoyment - 9/10
    9/10
  • OST - 9/10
    9/10
8.6/10

About the author

AccelMody

Not your typical credit and not your so typical anime watcher
i go by never judge by it's genre who knows might be fun and one more thing
All Hail Lelouch