انمي مراجعات

مراجعة انمي Air Gear


اير جير يعتبر من الانيميات اللي كان ليها امكانيه عالية ولكن بسبب عدم اكتمال القصة الانمي موصلش لاعلي امكانياته, برغم ان المانجا افجر بكتير
تحذير الانمي مليان احم احم 😂 😂

الشخصيات:
من احسن الحاجات في الانمي هي الشخصيات
اكتر حاجه هتحبها هو التفاعل مابينهم والشخصية المميزة لكل فرد علي حدة وبرغم ان كل الشخصيات تقريبا غريبة الاطوار بس وقت الجد الجو الكامل للشخصية بيتغير للموود اللي يخدم القصة
وبطبيعه الحال المشاهد ديه اللي بتبرز جديه كل شخصية هي اللي بتخلي اير جير اقوي
331844-air-gear-wallpaper
القصة :
القصه كانت مفاجاه جميله لان اول ماقريت مقدمة القصه كنت مش متوقع اي حاجه من قصه عن عصابات للتزحلق
لكن بعد اقل من 6 حلقات القصه هتجذبك وتخليك مهتم تعرف اكتر عن الرياضة ديه و ازاي ابطال القصه هيتعاملوا مع العالم الجديد اللي اختاروه !!!
331820-air-gear-wallpaper
الانيماتينج
الارت كان متوسط مفيهوش اي حاجه مميزة بس ادي الغرض المطلوب منه لخدمه القصة …..
الايشي كان ظاهر جدا في الانمي وكان موجود في مواضع كتير غير محجوب ولكن عمر مالانمي اعتمد علي الايشي علشان يجذب اهتمام المشاهد ولكن تم التعامل معاها لخدمه الفكرة الاساسية

airgear
Sound/Action:
كانت اكتر حاجة خلت اير جير تجربة متتنساش فالساوند تراكز كانت عظيمه بكل معني الكلمة من اعلي الالات لاهداها حتي الموسيقي الرئيسيه للانمي
فالمزيج مابين الموسيقي و حماسة وشدة المعارك ادت لاير جير شعور هو الوحيد اللي ممكن يوصلهولك .

مؤديين الأصوات:
احسن حاجه تتفرج علي الانمي بصوت انجليش فبراعه مؤديين الاصوات واستمتاعهم بالانمي وتميز النص خلت الشخصيات كانها حقيقة وده اللي خلي الانمي ممتع اكتر ..

الخلاصة :
المتعه اللي حصلت عليها من الانمي لاتقارن بداية بالموسيقي الرائعه لمشاهد الاكشن نهايه بروعه النص اللي خلتني احب الانمي بجدارة
الانمي مش لكل الاشخاص الا لو انت من الناس اللي تتحمل الايشي و قصه مش هي الاكثر جديه والنكات المتجاوزة
.


  • Story - 9/10
    9/10
  • OST - 10/10
    10/10
  • Animation - 8/10
    8/10
  • Voice Acting - 9/10
    9/10
  • Enjoyment - 10/10
    10/10
  • Characters - 8/10
    8/10
9.0/10

About the author

AccelMody

Not your typical credit and not your so typical anime watcher
i go by never judge by it's genre who knows might be fun and one more thing
All Hail Lelouch