انمي مراجعات

مراجعة انيمي Plastic Memories


 

القصه : ( تحذير : بعض حرق للأحداث )

آنمي ” بلاستيك ميموريز ” بتدور احداثه في عالم البشر قدروا يخلقوا فيه كائنات  تُدعي ” جيفتيا ”  عندهم ارواح واجساد اصتناعيه .. ولا يمكن تمييزهم عن البشر ! ، ” تسوكاسا ” ، الولد البالغ من العمر 18 سنه اللي فشل في اختبارات القبول للكلية ، اتعرض عليه مركز مرموق في منظمة ( اس آيه أي ) من قِـبَل صديق والده .. في الوقت دا ، ” تسوكاسا ” اتفرض عليه العمل مع ” ايسلا ” أنثـي الـ” جيفتيا ” التي لم تُمنح لها اي مسؤوليات او اختصاصات اخري .. بجانب تقديم الشاي !

 

القصه ” جيدة ” من وجهة نظري .. المسلسل فيه فكرة كويسه كانت ممكن تاخد منعطف تاني ، بس للأسف التنفيذ كان مُروع ! ، بمجرد ماتشوف الحلقه الأولى ، هتبقى عارف بالظبط المسلسل هيبقى عامل ازاي .. تمزيقهم للعلاقة بين الـ”جيفتيا” والبشريين ، وقد ايه في اللحظه دي ميقدروش يعملوا اي حاجه ( هاها ، مش بالظبط ! ) . هو انا المفروض أعيط في اللحظة دي ؟! ، وهي دي اكبر مشكله في الأنمي .. الأنمي بيحاول يبقى درامي زيادة عن اللزوم من غير مايتعمق في النقاط الأساسيه في الحبكه .. عمرك ماتسائلت ايه العامل اللي بيخليني اعيط في بعض الأنميهات الدراميه ؟ ، لأن ببساطه الأنمي بيبقى معمول كويس ومتنفذ كويس .. غير كدا الأنمي دا اتحول فجأه لمسلسل رومانسي درامي ! ، انا كنت متوقع من المسلسل انه يستكشف كائنات الـ” جيفتيا ” والأنفصال اللي بيحصل بين الـ” جيفتيا ” وبين البشريين زي مالحلقه الأولى عملت كدا !
غير كدا كان عندي تساؤلات ناحية كائنات الجيفتيا المسلسل مجاوبش عليها ! ، زي ليه الناس بتشتري الجيفتياس ؟ ، وايه موضوع الحد الأقصي 9 سنين دا ؟ .. ليه صمموا الكائنات دي من الأساس ؟ ، ايه الهدف ؟ ، انا حته مش عارف ليه الناس بتشتري الكائنات دي طالما هُما عارفين انهم هينفصلوا عن بعض بعد 9 سنين .. وكإن الناس دول بيدوروا على طريقه يكسروا بيها قلبهم وخلاص !!

—————————————————————————————
plasticmemories

الرسم

الرسم عظيم .. الإضاءه حلوه والبيئه اللي حواليهم تفاصيلها مرسومه حلو ، تصميم الشخصيات كويس بس كان ممكن يبقى احسن ، وتعبيرات وشهم هي اكتر شىء مميز فعلاً .
———————————————————————————————
الموسيقى

الموسيقى كويسه بس مفيش حاجه عظيمة اوي او مُميزة ، الموسيقى الخلفيه ( اللي اغلبها عاطفيه ) كانت كويسه وملائمة للمشهد اللي شغال عليها ، اغنية البدايه كانت مش بطاله.. انا كنت متوقع شىء يلمس المشاعر زي مقدمة آنمي ” انجيل بيتس ” بس للأسف ملقتش دا ، اغنية النهاية لطيفة ، مش وحشه بس مش عظيمة برضو ..

 

————————————————————————–
 

الشخصيات :

آااه الشخصيات .. مش مصدق اني استمتعت بالشخصيات اكتر ماستمتعت بالقصه ، مش المفروض يبقى العكس ! ، انا مش بقول ان الشخصيات كانت تحفة .. بس كانوا لطاف وانا استمتعت بيهم ، الشخصيات نقدر نقول انهم شخصيات عاديه غير مُبتكره ، تسوكاسا هو بطلك الرئيسي ذو الشخصيه اللطيفه التقليديه ! ، ايه حكاية النوع دا من الشخصيات .. ! ، انا شوفت النوع دا قبل كدا كتير والموضوع بدأ يبقى مزعج . وايسلا كائن الـ”جيفتيا ” ، البنت اللطيفه الخجوله اللي في نهاية الأمر بتصارح بمشاعرها تجاه تسوكاسا .. الشخصيات دي بيُطلق عليهم لقب ( كيودري)
kuudere

” ميتشيرو ” لبنت اللي بتشتغل في ( اس ايه اي ) بقالها فتره طويله ومبتحبش الشخصيات الهواه والغير مُحترفين امثال تسوكاسا .. كازوكي الشخصيه مدمنة الكحوليات اللي دايماً بتخلي بالها من ايسلا وحته كانت بتحميها من 6 سنين قبل ماتنهي الشراكه معاها . وشخصيه اخري اسمها ياسوتاكا .. الشخص المُتكاسل اللي برضو بيحب الكحوليات ، يب ، كلهم شخصيات تقليديه وعامة جداً .. وشوفت الأنواع دي قبل كدا كتير !

 

 

السبب اللي خلاني احب الشخصيات هو تواصلهم مع بعض ، واكيد .. العلاقه الرومانسية بين تسوكاسا وايسلا ، القصه ممكن تكون مش قد كدا بس مش هتقدر تنكر ان العلاقه بين تسوكاسا وايسلا وتطورها عظيمه .. علي ان اعترف ، التطور كانت سريع بزياده شوية ، بس برضو الأنمي كله عباره 13 حلقه ، لذلك هضطر اني اعدي موضوع التطور السريع للعلاقه دا ..                  

plastic-memories

الأستمتاع :

في البدايه لما اتفرجت على آنمي ” بلاستيك ميموريز ” مبدئياً ربط في ذهني بأنمي ” شوبيتس ” ، رؤية المسلسلين وهما بيتكلموا علي نتايج وجود روبوتات متقدمه متطوره في العالم .. حيث نري تأثير تملك الروبوتات للعالم بأكمله ، ونلاحظ برضو استخدام كلا الأنيميهين لقصة الشخصيات اللي بتتأثر من الروبوتات وانظمة الأندرويد ، لكن لما كملت مشاهدة آنمي ” بلاستيك ميموريز ” ، بدأت احس بالحيره تجاه ليه المسلسل فقد تركيزه على النقطه دي .. واخيراً ، لاقيت ان المسلسل بدأ يبقى مُمل شوية .. نظراً لإن كل المعلومات اللي ذُكرت في البدايه كانت كدا كدا باين منها النهايه !!

 


نظرة عامة

بشكل عام ، آنمي ” بلاستيك ميموريز ” ممكن تاخد عنه انطباع مختلف تماماً على حسب توقعاتك ليه .. هل هو آنمي كويس ؟ ، ايوه .. بس هو آنمي مختلف تماماً عن ماكنت تتوقع عند بداية مشاهدتك ليه .. بس دا ميخليهوش آنمي وحش !

 


  • Story - 6/10
    6/10
  • Animation - 9/10
    9/10
  • Characters - 8/10
    8/10
  • OST - 8/10
    8/10
  • Enjoyment - 7/10
    7/10

مختصر

Pros:
+Great Animation
+Good Soundtrack
+Decent Characters
+Great Romance between Tsukasa and Isla
+Funny moments

Cons:
-Story is poor
-Generic Characters
-Overdramatic moments
-Crappy Ending

7.6/10
User Rating 10/10 (1 vote)
Sending
Your rating:

About the author

AccelMody

Not your typical credit and not your so typical anime watcher
i go by never judge by it's genre who knows might be fun and one more thing
All Hail Lelouch