انمي مراجعات

مراجعة انيمي Rainbow: Nisha Rokubou no Shichinin


هو الصراحة أنا مش عارف أقول إيه.

Rainbow ده من الأنيميات النادرة جداً إللي تخليني أفضل قاعد مطبق لحد ما أخلصها, الأنيمي وصل بيا اني بحاول أدور علي أي عيب قوي فعلاً يوقعه مش لاقي.

قصة Rainbow تقع في أخر مروع اليابان سنة 1955 بعد حرب العالمية التانية, والقصة بتركز علي شباب معتقالين بسبب تهم جنائية خطيرة في دار رعاية الأحداث (حاجة زي مدرسة داخيلية بس برضه تعتبر سجن بالنسبة لأقل من 18 سنة), كلهم بيجتمعوا في نفس الغرفة مع ريكوروتا ساكوراجي, و من هنا بدأوا بإنشاء رابطة وثيقية. تحت قيادته, ومع الوعد بإنهم بعد ما يخلصوا الفترة بتاعتهم في الأحداث, يبدأ الشباب ينظروا لأحوالهم الميؤوس منها في ضوء أفضل.

Rainbow يتبع سبع رفاق وهم بيكافحوا مع بعض ضد العنف والإذلال لحقت بهم من قبل الحارس السادي ايشيهارا, ايشيهارا ده حارس سادي بيستمتع بانه يأذي الناس بأي شكل من الأشكال, وبيكره حاجة أسمها ريكرووتا, لدرجة انه عاوز يولع فيه حرفيا, وجيوسكي ساساكي, الدكتور إللي بيستمتع بإنتهاك الأولاد. فيجب علي الابطال بتوعنا بإنهم يستحملوا كل إللي بيجرا لهم علشان يخلصوا الوقت بتاعهم ويبصوا علي أحلامهم وينفزوا.

0e77790acaba8e91e1d93b698fd10884461aa95c_hq

الأنيمي كفكرة تحس إنها متكررة (اهمية الأصدقاء, وقوة الأصدقاء وهكذا) بس الأنيمي ده أخد الفكرة دي, وجسدها باكثر طريقة واقعية ممكنة, ده غير إنه بيكلم علي حاجات تانية كتير مهمة زي الحب, والعائلة, والطموحات, وحاجات كتيرة تانية كلها إتعملوا في خليط جميل وإنساني, ومن أحلي الأنيميات اللي شوفتها حرفيا, ألا وهو Rainbow. مافيش التفاهة اللي موجودة في بعض الأنيميات الشونين الموجودة, إنك تلاقي قوة غريبة طلعت مابتعرفش منين بسبب إنه إفتكر صاحبه إدا له حتة بسكوتة والليلة دي, لا لا, الأنيمي ده تقيل وأفكاره زي ماهي تلاقيها سهلة وخفيفة ولكن هتلاقيك وأنت بتتفرج تحس إن القصة تقيلة وغنية بالأفكار والشخصيات الجميلة إللي رافعة الانيمي ده لمكانتها حاليا. كوچينا هيروشي مخرج الأنيمي يسبت لنا مجدداً بإنه جدير بإنه يصنع من الفكرة فن جميل يُكتب في التاريخ.

الشخصيات لهم عمق, وحكاية مؤثرة وقوية, وبتحكي بشكل واضح وصريح اليابان كانت عاملة إزاي بعد الحرب إللي جرة, وغير كده الشخصيات بتجسد بعض الفئات في مجتمعنا الحالي وقسوة المجتمع علي بعض الفئات دي في وقتنا هذا, فإنك تشوف عينيهم مليئة بالقهرة والفرقة, ولكن في نفس الوقت حاسس بقوت ايمانهم ببكرة, والنار اللي جواهم اللي مصبراهم علي اللي مصبرهم علي الهم اللي عيشين فيه جوا الأحداث علشان لما يخرجوا يوفوا بوعدهم ويحققوا أحلامهم, بتحس إنك ممكن تعمل أي وممكن تتحدى الصعاب وتحقق حلمك.

فعندك علي سبيل المثال, ميناكامي ماريو. في الأول, كان ضعيف, وبالبلدي كده بُق, بس بمساعدة أصحابه, خصوصا ساكوراجي, بقى من الشخصيات القوية معنوياً وجسمانياً. الشخصيات الأساسية هنا كانوا في الاول حذريين من بعض ولكن بعد عشرتهم مع بعض في نفس الغرفة ومساعدتهم لبعضيهم, بدأوا يكونوا علاقة قوية مع بعض في وقت قصير وأصبحوا من أجمل الاصدقاء اللي تشوفهم. افضل شخصية لي في الانيمي ده هو ساكوراجي روكوروتا: يعتبر اكبرهم سناً, وعنده موهبة الملاكمة, ويعتبر زعيم السبع أصحاب. فبسبب ده كله هو يستحق التقدير والأحترام.

24561_115088768520025_115072958521606_180932_7951648_n

أما الصوت/الموسيقى, الأغنية الأفتتاحية كانت جيدة جدا, “We’re not alone” إتغني بالانجليزي من قبل الفرقة اليابانية Coldrain, مش بس الأغنية كانت حرفيا من أقوي الأغاني الإفتتاحية إللي سمعتها, كمان كانت ملائمة بجو الأنيمي, النهاية ماشددنيش قوي, بس ماتعتبرش برضه يعني سيئة. أما بقي الموسيقة الخلفية كانت رائعة, ملائمة, ومظلمة بس مش مظلمة اوي, بدرجة مظبوطة بانها تدي نكهة جميلة اللي الانيمي يستحقها.

التمثيل في الانيمي كان ممتاز, الممثليين أدوا واجبهم بزايدة الصراحة, بس لما نيجي علي بعض الأصوات الإنجليزية لبعض الشخصيات الأمركاني إللي في الأنيمي, بتحس إن الأصوات وتكريبها مع الشخصيات مش مظبوطة الي حدا ما.

المرئيات الشاملة مقبولة بعض شيء, أعتقد أن الجو المظلم/الكاتم والألوان الغامقة تتناسب جيدا جدا مع الانيمي, ولكن, بعض المشاهدين الجدد, او اللي متعودين علي الانيميات زو الالوان المشرقة, هيشوفوا رسم والجو العام بتاع Rainbow مثير للإشمئزاز. متعجبا, جميع الشخصيات الشريرة في السلسلة كلهم ملامحهم تقرف حرفيا.

rainbow-nisha-rokub-no-shichinin-5725

ألوان الشعر طبيعية: أسود, بني غامق, شقرا, ولأ انا مش بكره الشعر ملون إللي بنشوفوا في الانيميات الحالية, بس الألوان الطبيعية دي بتدي شعور واقعي أكتر للشخصيات.

المشاكل إللي ممكن أطلعها في الانيمي إن الرومانسية في الأنيمي تحس إنها مجبرة الي حدا ما. في الجزء التاني من الانيمي تحس إن بعض الحلقات فيها إستعجال وإنهم بيحولوا يحولوا اكبر كمية شباتر للأنيمي, وخلاص, وكمان في لقطة معينة لما شخصية من الشخصيات الأساسية تعمل مكالمة, ولكن لو ركزت في الحتة دي هتلاقي ان المكالمة دي كانت هتوديه في داهية, بس ماحصلهوش حاجة.

الملخص إن Rainbow من الانيميات المثيرة, والقوية, مليانة بالشخصيات الغنية بالإنسانية والجمال. ولكن, بعض الناس ممكن مايعجبهمش الرسم بتاع الانيمي, بس حتي لو مش بتحب رسمه, علي أقل جربه. بس لو إنت بتحب الأنيميات الدراما والمثيرة, ده اساسي إنك تتفرج علي الأنيمي ده, ياسيدي انت بتحب الأنيميات الحلوة, اساسي انك برضه تتفرج عليه.


مختصر

مميزات:-

أ- القصة مثيرة ومليئة الدفع والإخلاص.
ب- الشخصيات قوية, ولهم ماضي فعلاً محزن ومدي لهم طعم ونكهة رافعة مستوى الأنيمي.
ج- الموسيقة والرسم ملائمين جدا مع الأنيمي.

العيوب:-

أ- الرومانسية تحس انها مجبرة شوية.
ب- الرسم والجو العام مش اي حد ممكن يحبه.
ج- الاصوات في بعض الشخصيات الامركاني مش مظبوطة ومش معمولة كويس.

9.5/10

About the author

IslamGinpachi