انمي مراجعات

مراجعة انيمي Re:Zero


  • علشان اكون صريح معاكم كده من الاول, انا وانا لسه بادئ بتفرج علي الانيمي كنت متحمس ليه وكنت مندمج وانا بتفرج عليه, لكن بعد ماخلصت الانيمي لقيت نفسي بسال اسالة كتيرة الانيمي للاسف ماجوبش.

الانيمي بيحكي عن شاب اسمه ناتسوكي سوبارو, شاب من شباب الNEET (Not in Education, Employment, and Training) المهم بعد اهو طلع من السوبر ماركت علشان كان بيجيب حاجات ليه, بدا يجي له حالة هلوسة ودوخة والدنيا كانت بتبيض في عنيه, شوية شوية بدا يرجع علي طبيعته, يلاقي نفسه إتنقل لعالم خيالي, حظه هناك طبعا زي البتاع كده, طبعا عملة اليين مش هتنفع هناك فلقي نفسه ماعندهوش فلوس, ونكمل الحظ السعيد بتاعه, اتسبت من تالت اشخاص, علي حظه فعلا, بنت جميلة اسمها اميليا كانت وهي بطارد اللي خطف منها وشم كده معيا. لقت المنظر ده ووقفته. فردا للواجب بتاعها سوبارو قال انه هيساعدها علي انه يدور معاها علي الوشم اللي اتسرق منها, ليلة اليوم ده, سوبارو عرف مكان الوشم فين, فراح عند المكان ده, لقي مشكلة اكبر, انه مرة واحدة, اتهاجم هو و ايميليا واتقتلوا. ولكن سوبارو صحي تاني بس في مشهد مالوف ليه, اتواجه مع نفس الناس اللي كانوا عاوزين يسرقوا, قابل ايميليا تاني من الاول, اللغز قاعد بيكبر كل مرة التاريخ بيعيد نفسه.

انا كاسلام اي قصة فيها زمن ونط مابين الازمنة دي بالنسبة لي بتكون Instant Watch ليا, ماعرفش ليه, بس بسحب القصص دي, بس هل Re:Zero ظبطت الConcept ده؟ يـــــــــعني مش قوي. ليه؟ العيب القاتل للانيمي ده هو ان الثغرات الفيه كتـــــــــــــــيـــــــــــــــــــــــــــــرة جـــــــــــــــــــــــــــــــــــــــــــــدا! ده غير ان سوبارو لما راح للعالم الخيالي ده, كان… طبيعي؟ مش عارف ازاي بس كان اول كام ثانية كان متفاجئ بس بعد كده بقي عادي, كأن الموضوع طبيعي وبيحصل كتير, انا لو مكانه كنت هجنن واعرف انا اتنقلت ازاي وايه اللي حصل. فالحاجات دي بطلع الواحد من الاندماج نفسه.

ايه بقي الثغرات اللي كانت في الانيمي؟

ببساطة شديدة, ازاي فعلا اتنقل سوبارو للعالم ده؟ وليه؟ واشمعني فعلا هو؟ وحاجات تانية كتير هتقابلها قدام انت بنفسك هتسال ازاي وليه ويعني ايه علي حاجات كتيرة قدام مش هعرف اكلم فيها علشان هتعتبر حرق ليك لو ماتفرجتش علي الانيمي.

 القصة حلوة وكل حاجة, بس الثغرات دي بتفصل الواحد الصراحة. بس في اعتقادي, انهم متعمدين يعملوا كده علشان يظبطوا الSetting ويخليك عاوز اكتر واكتر, يثبت الكلام ده ان في اخر حلقة, في لقطة كده مش قد كده عاملينها علشان يجهزوا للجزء التاني. ده لو هيعملوا, علشان مافيش خبر لاي جزء تاني هينزل, فربنا يستر. وحتة تانية ان Re:Zero ركز علي قدرات سوبارو بذيادة, بمعني ان مثلا انه مش مثلا بيركز علي نقط مهمة في القصة زي المسابقة اللي مين يمسك الحكم, اللي عاوزها ايميليا, والرومانس تحس انها Forced بغباء, العلاقة مابين سوبارو ايميليا, مش هتبلعها,  تحس انهم لازم يحولوا الانيمي ده لRomance Drama  باي شكل ممكن, علشان هي دلوقتي اللي بتاكل عيش والناس بتحب تShip اي شخصيات ببعضيها, وتحس انهم قاصدين كده علشان الFan War ويعلوا المشاهدات والمبيعات ليهم.

وكمان ان سوبارو جاتله حاجة كده, جابوا في سيرتها في كام حلقة كده, وبخ. ولا جابوا في سيرتها تاني, كانه ولا حاجة حصلت.

الشخصيات هنا بقي كان الشغل كله, الشخصيات محبوبة الا حد كبير, في الاول هتحب سوبارو وفي النص هتكره, وبعد كده هتحبه تاني وهتتعاطف معاه, للي اتفرج علي Evaneglion هيحس ان سوبارو واخد شوية من شينجي, في بعض النقط في الشخصية. سوبارو من الشخصيات النادرة اللي فعلا مش بتلاقيها Overpowered. علي فكرة, قوته الوحيدة هي انه بيرجع تاني للحياة, زي ماهي مفيدة علشان بتديله خيارات اخرة في الحياة, بس هي العنصر الاساسي لمشاكله النفسية. اه ممكن تلاقيه مبهج وايجابي, بتلاقي مرة بعد مرة نفسيته بتبوظ اكتر واكتر وبتحس بالموضوع ده تدريجيا بذات علي وشه, خصوصا تحت عنيه, هتلاقي في هلالات تحت عنيه, بتظهر تدريجيا. اه هتلاقيه جبان وغبي في اوقات لدرجة انك عاوز تمسكه وتديله بوكس في وشه, ولكن في نفس الوقت هتتفهم الوضع وهتشفق عليه في الاخر.

natsuki_subaru_anime

ونيجي بقي علي ايميليا, البنت دي من اكتر الشخصيات الفجاتني بيها هي (غير بقيت الشخصيات الانثاوية ), لدرجة انها بتكون هي البتنقذ سوبارو في اي مشكلة هو فيها, ايميليا انسانة مستقلة بذاتها مش بتحتاج لحد, وهي من دون تفكير لو في حد في مشكلة هتروح في ساعتها تساعده. ايميليا من الشخصيات اللي تقول عليها الPerfect Girl, حرفيا. وكمان ليها Backstory محزن شويتين, وليه نقطة مهمة مهمة بتكلم علي مشاكل اللي بتحصل في الوقت الحالي عندنا. وهو ده اللي مخليها عاوزة تكون الملكة الجديدة.

4b3266e677f6abfcb2e6003a685f97fbe7d4a7a9fdb6c56ca14fbecc2f504dd6

اما بقي الشخصيات الدعمة:-

التوأم الكيوت والBadass جدا, ريم ورام (هيعجبوك قوي)

re-zero-08-rem-and-ram-again

والLoli بتاعتنا بيتريس.

beatrice_anime

وابن المجنونة بتاعنا, وايضا الشرير الاساسي, رومانيه-كونتي بيتيلجيوس (اسمه غبي انا عارف, بس مع الوقت هتعرف تنطقه).

a12

زي ماقلت الشخصيات لعبوا دور مهم جدا, ولو فضلت اكلم لكم علي الشخصيات اللي دورها كان مهم في الانيمي ده مش هخلص, علشان لو كتبت, الريفية هيعدي ال14 صفحة. :”)

الرسم بقي كان Hit or Miss ليا, الرسم ال2D  كان جميل جدا ومليان بالالوان الفاتحة المبهجة, بيفكرك كده بانيمي كده كان بالطريقة دي… هممم… ياترى مين…؟

505

لما يجي يتحول ل3D الدنيا بقى بتضيع, ممكن تقول طريقة رسمه عاملة زي Parasyte الا حدا ما (مش عارف, يمكن انا اللي مش بحب الانيمي وهو 3D).

 اما بقي الاصوات, كانت مظبوطة الا حدا كبير وملائمة, والموسيقي الداخلية برضه كانت فعلا رائعة, عجبتني جدا الصراحة, والOpenings و الEndings كانوا حلوين جدا! بذات ED1 Styx Helix, عادتا انا مش بحب الTechno بس دي فعلا عجبتني شخصيا.


مختصر

الايجابيات:-

1- القصة الي حدا ما كويسة
2- الشخصيات بالنسبة لي كويسة جدا
3- الاغاني والمسيقة الداخلية مستواها عالي ولائق

السلبيات:-

1- ثغرات في الانيمي عديدا
2- الرومانسية تحس انها مجبرة
3- نهاية الانيمي سيئة جدا.

7.0/10

About the author

IslamGinpachi