العاب مراجعات

مراجعة باتلفيلد 1 من SK Productions


من 14 سنة Battlefield  قدمت تجربة مميزة وسط الالعاب الـMultiplayer اللي كانت في اول الالفينات مسيطر عليها العاب بتقدم مواجهات تنافسية صغيرة سواء في حجم الخرايط او اعداد الناس اللي بتلعب

و اللي اعتمدت عليه Battlefield انها تقدم الحجم و المنظور لمعارك من الحرب العالمية التاني في اول اجزائها

السلسلة استمرت في انها تتقدم اكتر في المستوي و تتقدم في تفديم الفترات الزمنية وصولا للوقت الحاضر من بعد تقديم فترات تاريخية من حرب عالمية تانية و حرب فيتنام و سبق قدمت حاجة مستقبلية برضو لكن السنين الاخيرة من عمر السلسلة بدانا نشوف حاجة انحدرت بمستواها من اول Battlefield 4 اللي اول سنة من عمرها كانت عبارة عن Beta Testing  للعبة تطويريها مش خلصان و مليان مشاكل ,و Hardline اللي تقريبا ماتت بعد لما نزلت بفترة صغيرة جدا

لكن Dice من خلالBattlefield 1 بيرجعو لورا من خلال فترة زمنية جديدة و نادر تقديمها في الالعاب و هي الحرب العالمية الاولي و السلسلة بترجع لمكانتها من جديد من خلال رجوع لبعض مميزات الاجزاء اللي فاتت و تقديم افكار جديدة

القصة :

rendition1-img-1

اول حاجة ممكن نقول عليها جديدة و مختلفة في Battlefield 1 عن الاجزاء اللي فاتت هي طريقة تقديم الـCampaign نفسه  و اللي بتمشي عكس الاسلوب اللي شوفناه من اول Bad Company 1 و بنلاقي ان احنا في الـCampaign عندنا اكتر من قصة مش خط احداث معين. الـCampaign بيقدم هنا خمس قصص بالاضافة للمقدمة فيهم احداث في مناطق و فترات مختلفة من الحرب العالمية الاولي و طبعا شخصيات مختلفين مش مرتبطين ببعض

القصص اللي بنشوفها عموما مقدرش اقول انها ليها حبكة بالشكل المتوقع من قصة اي لعبة لكن هي ركزت بشكل كبير علي استعراض مواقف بيمر بيها ابطالها و ايه دوافعهم وسط الحرب و الحرب نفسها بتغير منها ازاي.

البداية اللي اخدتها القصة كانت الحقيقة بداية كويسة سواء من المقدمة اللي ركز بشكل كبير علي الخساير البشرية الضخمة في الحرب العالمية الاولي و مرورا باول قصة و هيThrough Mud and Blood  و بعدي Firends in High Places. بس مشكلة الكامبين نفسه انه في عيب موروث من الاجزاء اللي فاتت و هو ان  كان قصير و عمره بيستمر من 4 لخمس ساعات تقريبا علي صعوبة متوسطة  و دا بيوضح من ان في بعض القصص Avanti Savoia مثلا علي رغم ان فيها احداث مؤثرة بس بتخلص بسرعة جدا و في حالة استعجال في عرض احداثها.

الـGameplay في الـCampaign :

screen_shot_2016-06-12_at_5-02-41_pm-0

الـGameplay في الـCampaign كان برضو متقسم لاشكال مختلفة من قصة للتانية و معتمد علي ممكن نقول شكل سينمائي اكتر في عرض الاحداث اللي بتحصل يعني اول قصة فيها اعتماد كبير علي المواجهات بالدبابات والحقيقة كان في مواجهات ممتازة في اواخر احداثها  تاني قصة ركزت علي المواجهات بالطيارات و كان فيها معارك جوية ممتعة جدا ليك درجة حرية كبيرة في التحكم في الطيارة عكس اي مواجهات بالشكل دا ظهرت في الاجزاء اللي فاتتو باقي القصص اعتمدت علي مواجهات تقليدية شوية و كان فيها تركيز علي تقديم التخفي من خلالها.

بس اللي كان يعيب الـGameplay  هو المستوي اللي ساعات بيبقي ضعيف للـAI و دا تاني عيب موروث من الاجزاء اللي فاتت> فا من الاخر الـCampaign في Battlefield 1 مازال بيتم التعامل معاه علي انه اضافة جانبية مش حاجة اساسية في تجربة اللعبة بس عموما هو مفهوش نفس حالة الاحساس بان الواحد ضيع وقته في اللعب زي الاجزاء اللي فاتت

تجربة الـMultiplayer:

و زي ما انتو عارفين طبعا بالشكل دا بيكون اهم جانب اللعبة بتقدمه الـMultiplayer و عندنا كلام كتير جدا عنه لازم نقوله لان المرة دي في Battlefield 1  بيتقدم اجواء جديدة و مميزة بسبب انها بترجع لزمن لورا لللحرب العالمية الاولي  حتي و ان كانت اللعبة مش ناقلة الحرب دي بدقة تاريخية عالية بس هنلاقي في افكار في Game Modes جديدة زي Operations و الاعتماد علي اسلحة عمرها تقريبا قرن كامل كل دا بيغير شوية من طبيعة المواجهات اللي بنشوفها.

الاول تعالو كده نتكلم عن الـNet Code المسألة اللي تعتبر مهمة جدا لناس كتير هتلعب اللعبة لانها كانت فيها مشاكل في السنة الاولانية من عمر الجزء الرابع. هنا في Battlefield 1 النت كود ممتاز و مفهوش مشاكل تماما زي ما بيحصل مع Battlefield 4 فا لما اخش اي سيرفير البنج بتاعي من 90 لـ150 بلاقي اللعبة مستجيبة جدا بدون اي مشاكل؟

محتوي اللعبة اولا بالنسبة للـGame Modes في هنا حجات قديمة بترجع من الاجزاء اللي فاتت بشوية اضافات او تعديلات و في Game Modes جديدة تماما زي Operations و دا اول واحد عاوز اتكلم عنه.

Operations تقريبا كانت النقطة الايجابية الافضل في اللعبة كلها و هو يمكن يكون افضل Game Mode انا لعبته في السلسلة عموما, ايه هي فكرته قبل ما نقول ايه سبب تميزه  الفكرة قايمة جمع افكار من جيم مودز تانية  زي Conquest  و Rush  و تقسيم الخرايط لخطوط مواجهه خلال كل خط نقط المفروض يتم السيطرة عليها كلها في نفس الوقت عشان يتم الاحتفاظ بخط المواجهة سواء للفريق اللي بيدافع او بيهاجم, فا لو حصل مثلا الفريق المهاجم احتفظ بكل الخطوط لحسابه بينقل و بيدفع الفريق التاني للانسحاب لخريطة تانية و تبتدي معركة جديدة.

الفكرة من ورا الـGame Mode استعراض سيناريوهات لمعارك حصلت في الحرب العالمية الاولي و المميز هنا الحالة اللي بيعرضها من انك بالفعل في معركة حقيقة باحساس مظهرش تماما بالشكل دا من الاجزاء اللي فاتت

من الضغط اللي بيمثله الفريق المهاجم و صد الفريق المدافع ليهم او لما يخسرو خط المواجهة ينسحبوا لخطوط خلفية,في حالة مميزة جدا بيفرضها ا بتخلي في اجواء سينمائية ممكن تستمر لمدة ساعتين مثلا  و في نفس الوقت سيناريوهات كتيرة جدا ممكن تحصل في حالة وجودك في اي طرف من الطرفين عشان تقدر تكسب الجيم.

فا الحقيقة كان Game Mode ممتاز و ممتع و افضل حاجة موجود في اللعبة كلها بشكل عام

في Game Modes تانية جديدة زي War Pigeons  و دا شخصيا معتبروش جديد اوي لانه اعادة تخيل لجيم مود من الجزء الرابع و هو obliteration  بس بدل ما بيتم التنافس علي السيطرة علي Satellite Beacon بيتم هنا التنافس علي حمام زاجل يعني عشان تبقي حاجة مناسبة للفترة الزمنية شوية عشان كان فعلا بيتم استخدامه للتواصل وقتها

و الـGame Mode بعيد في الاجواء عن Operations و Rush و Conquest اللي هي الـGame Modes الكبيرة. بس الصراحة كان ممتع شوية يمكن هو معمول جنب Team Death Match و Domnation للناس اللي بتحب الـGame Modes الصغيرة البعيدة عن المعارك الكبيرة.

Game Modes زي Rush و Conquest طبعا هما مازالوا موجودين و التصميم الخاص بالـGame Modes كان ممتاز بسبب تقديمهم من خلال تصميم خاص بكل واحد منهم في خرايط اللعبة.

يعني Rush علي سبيل المثال هنلاقي الخرايط بتخلي في مسار للحركة للفريقين بيمر بالـM-Com او بقي هنا بقي اسمهم Telegraph Stationsو ميخلهمش مفصولين في اماكن بعيدة في الخريطة نفسها زي ما كان بيحصل معBattlefield 4.

اما Conquest كان توزيع النقط في الخرايط برضو كويس جدا بس فيما عدا خريطة صحرا سينا  اللي بشكل شخصي بالنسبالي مكنتش مفضلة ليا بسبب انها واسعة جدا و فيها نقط بعيدة و مفصولة بشكل كبير عن بعض و يمكن الخريطة بتفضل الاعتماد علي الـ vehicles اكتر من الحركة علي الرجل و طبعا مش كل ال64 شخص اللي بيلعبو معاهم مدرعات او طيارات.

الخرايط في Battlefield 1 كانت مميزة جدا و تقريبا افضل مجموعة خرايط اتقدمت من ساعة Bad Company 2 لان اولا بتقدم مساحات مواجهة مختلفة من اول الخرايط اللي بتقدم مواجهات قريبة زي amiens و argonne forest لحد الخرايط الكبيرة في الحجم.

انا شخصيا علقت علي خريطة sinai desert انها معجبتنيش و حبيت اختار كلمة شخصيا لاني لاحظت في ناس ممكن تكون عجباها الخريطة و حابة انها بتقدم مواجهات علي مسافات بعيدة تعلي من دور الـSnipers, فا لو هبص بشكل موضوعي دي في ميزة و هي ارضاء كل الاذواق في الخرايط المتقدمة.

الاجواء و البيئات في الخرايط فيها تنوع ممتاز من مناطق جبلية و غابات و صحاري و خطوط مواجهة في الخنادق في الـNo Man’s Land لحد مدن مدمرة زي في خريطة amiens

جانب ايجابي تاني في اللعبة هنا هو بخصوص الـClasses  في اللعبة هنا بيتقدم Classes اساسين و جانبيين و Elite Classes  و عددهم 3.

الـClasses الاساسية المميز جدا فيها ازاي ان اللعبة خلت لكل واحد احساس مختلف في اسلوب اللعب من اسلحته و ادواته الخاصة و المدي اللي بيقدر يشتبك من خلاله في اي مواجهه و الخطر اللي ممكن يمثله علي الشخص اللي قدامه.و دا عكس Battlefield 4 اللي سابت عناصر مشتركة بين الـClasses  تخلي جانب توقع طبيعة المواجهة اللي هتحصل قليل جدا. فا كل Class هنا في Battlefield 1 بيتميز بدوره و اسلحته.

الـClasses الجانبية بتختارهم لما تيجي تسوق اي vehicles في اللعبة  الكلاسيس دي زي ما قلت جانبية فا مش متوفر ليها كم من الاسلحة و الادوات زي الـClasses الاربعة الاساسين

و جدير بالذكر ان الـ Cavalry مبقاش قوي بالشكل المبالغ فيه زي البيتا هنا بقي موزون و ادائه معقول شوية

و الـHit Box بتاع استخدام السيف مع الحصان بقي طبيعي بس هنتكلم عن حاجة تخص الحصان بعد دقايق.

الـElite Classes هما معتمدين علي اسلحة بتقدر انك تاخدها من الخرايط و بيبقي ليهم مستوي من التحمل و الضرر اللي بيقدروا ينفذوه عالي,و طبعا هما معتمدين علي شطارة اللي بيلعب في انه يوصل لاماكنهم قبل اي حد و يعرف يستخدمهم بشكل مناسب.

و في افكار جديدة اللعبة بتقدمها للـShooting مظهرتش في الاجزاء اللي فاتت, احنا كنا متعودين علي فكرة تاثير الجاذبية علي انحراف الرصاص و هو طالع من اي سلاح خصوصا مع الـSnipers هنا في اللعبة في فكرة جديدة قريبة شوية منها و هو التغير في الضرر اللي بتتسبب فيه الرصاص حسب المسافة اللي هتقطعها و الضرر دا امتي ممكن يكون عالي و امتي بيقل و دا حاجة هيستفيد منها الشخص اللي هيلعب بالـSnipers بالذات و هي فكرة بتضيف شوية تنوع في عملية استخدام و التعامل مع الاسلحة في اللعبة.

بس في بعض الاسلحة انا شخصيا شايف انها محتاجة Updated تعدل من اداءها سواء زي مثلا اسلحة زي الـHunter Shotgun او الـAutomatico SMG دي اسلحة قوية زيادة عن اللزوم و في اسلحة محتاج ادائها يبقي افضل زي الـM1903 expermental.

و لكن في حاجة مهمة جدا بالنسبة للاسلحة و دي بقي منها ندخل علي اهم نقطة سلبية في Battlefield 1 و هو نظام الـ Variations  الخاص بالاسلحة, عشان اوضحلكم الموضوع ماشي ازاي و ايه الجانب السلبي فيه لو قولنا Class زي الـMedic  معاه تقريبا 16 سلاح  لكن لو بصينا اكتر هنلاقي ان في الحقيقة هو معاه 5 اسلحة الباقي عبارة عن عن تعديلات  علي الشكل الاساسي يا بتعدل من الشكل  بس او من الشكل و الاداء مع بعض, فا بشكل عام نظام الـVariations بيحل محل تعديل الاسلحة  و و الاحساس بقلة عدد الاسلحة من خلاله هو احساس في محله. و اه طبعا في تعديلات هنا بس مش بكمية ولا تنوع الاجزاء اللي فاتت بسبب ان تقريبا اسلحة اللعبة مكنش ليها تعديلات كتيرة في الفترة الزمنية دي.

علي رغم ان داعيب في اللعبة مقدرش اتغاضي عنه بس بالمقارنة مع Hardline مثلا او حتي Battlefront, الاسلحة بتقدم تجربة فيها تفاصيل و مواجهات و بعض الجوانب اللي بيلعب لازم يفهمها و يتعرف عليها و بشكل عام اللعبة محتواها من Game Modes  و المواجهات اللي فيهم بتنوع السيناريوهات اللي ممكن تحصل بتخلي Battlefield 1 متقعش في نفس الحفرة اللي وقعت فيها الالعاب دي. بس اتمني شخصيا لو هيتم علاج النقطة السلبية دي في المستقبل يتم علاجها بنفس الاهتمام بالمحتوي المجاني اللي حصل في الشهور الاخيرة من دعم Battlefield 4.

الـvehicles  في اللعبة في توازن بيبان بين انواعها المختلفة  علي عكس اللي حصل في البيتا من خلال وجود مساحة للمواجهات بشكل عادل سواء بين المدرعات نفسها او بين المدرعات و اي شخص بيلعب بالـAssualt. و لو بصينا للحصنة و حسبناها انها من ضمن الـvehicles  لانها وسيلة مواصلات برضو في تعليق عندي بخصوصها ان الـhealth بتاعها عالي عن اللزوم, اصل بصراحة مش منطقي لما حصان ياخد خزنة رصاص كاملة عشان يموت او رصاصة Sniper توقع 17% من الـhealth بتاعه.

اما الطيارات كلها معدش فيها اي شكل من اشكال الاسلحة و الاضافات اللي بتخليها تعمل Lock On و كل اسلحتها بقت analoge و في 3 انواع منها.  المميز في الطيارات هو التدمير الجزئي بحيث ان مثلا لو جناح من الاتنين او ديل الطيارة حصل ضرر فيه طريقة السواقة بتتاثر باللي ممكن يحصل.

في اضافة جديدة تماما علي السلسلة في جانب الفهكيلز و هي الـBehemoth

و هي اضافة مميزة جدا و ليها اختيارات ستراتيجية مهمة جدا لما بياخدها الفريق اللي خلاص قرب يخسر في Game Modes زي Operations او Conquest و مش بتكون حاجة بيتم اضافتها كده و خلاص بدون اي فايدة

الـBehemoth هي vehicle ضخمة بيديرها اكتر من شخص وفي 3 انواع منهم. و شخصيا في رايي Behemot زي الـAir Ship  محتاجة اسلحتها قوتها تقل شوية لسبب و هو ان التحكم و التنقل بيها فيه حرية كاملة عكس الباقي  اللي ملتزمين بخط معين دا غير ان عندها القدرة تسيطر علي الـObjective من الجو.

الـGraphics و الاصوات:

بعد استعراض و نقد المحتوي اللي اتققدم في جيمبلاي Battlefield 1 ننقل بقي للكلام عن جوانب تانية و مختلفة من اللعبة

و تقريبا انا مش محتاج اتكلم كتير عن الجانب التقني العظيم و المبهر اللي بيظهر  في جرافيكس اللعبة و اللي يعتبر اعلي حاجة ممكن تكون اتقدمت بـFrostbite Engine لحد دلوقتي.

اللعبة بتخلي  في حالة اندماج مكنش ليها مثيل في وسط المعارك اللي ممكن نشوفها في الاجزاء اللي فاتت في السلسلة, و الـDestruction بيرجع بنسبة كبيرة جدا بنفس مستوي Bad Company 2 و المباني ممكن تدمر بشكل كبير و طبعا زي ما كنت بقول اكتر من مرة الموضوع دا ليه مميزات غير المميزات الشكلية و هي بتيجي من خلال استخدامها كاداة في الجيمبلاي ضد الفرق المنافس و الضغط عليهم

و جانب الاندماج في تجربة اللعبة اكيد بيدعمه اكتر التصميم العظيم و الممتاز للاصوات اللي احنا متعودين عليه من السلسلة

بس هنا بشكل فيه تفاصيل اكتر في اصوات المواجهات من حوالك في الانفجارات و المدرعات و هي بتتعرض لاي ضرر و اصوات العساكر و هما بيزعقوا و بيصرخوا من جروحهم او هما بينسحبو او يتقدموا ناحية اي خط مواجهة.

بشكل عامBattlefield 1 من الممكن تعتبر افضل اجزاء السلسلة اللي اتقدمت من ساعة Bad Company 2. اللعبة قدرت انها ترجع السلسلة لمكانتها و موقفتش عند النقطة دي و خلاص  لا هي كمان طلعت لقدام من تقديم افكار جديدة

تطوير الاحساس بانك في معركة حقيقة و  الاعتماد علي فترة تاريخية قديمة و الرجوع ليها عكس ركوب تيار الافكار المستقبلية او المشي جنب الحيط مع افكار الـModern Combat زي اخر جزئين.

كل دا خلي Battlefield 1 لحد دلوقتي افضل شوتر اتقدمت في خلال السنة دي و يمكن افضل Multi Player Shooter اتقدمت من فترة طويلة.

و دا ميمنعش ان اللعبة كان فيها عيب مهم و مؤثرة كان ممكن يخليني اقول دي فعلا لعبة كاملة الاوصاف

و هو عيب نظام الـ Variations الخاص بالاسلحة

شخصيا اتمني زي ما قلت ان العيب دا يتحل بمحتوي اسلحة جديدة يكون مجاني زي ما حصل مع الجزء الرابع

انا عارف و متاكد ان الـDLC’s المدفوعة هيكون فيها اسلحة جديدة بس ارجو ان DICE ينتبهوا للانتقاد دا بالتحديد من community اللعبة و يشتغلو علي انهم ميتقسمش من جانب الاسلحة علي الاقل

لان بصراحة مع الاهتمام بنقطة زي دي و بالاضافة الاهتمام بتوازن الاسلحة الاساسية انا ممكن فعلا اقول جانب الـMultiplayer هيبقي مفهوش غلطة.


About the author

skproductions