انمي مراجعات

مراجعة فيلم الانيمي “The Girl Who Leapt through Time”


عمرك ماحسيت ان نفسك ترجع بالزمن علشان تصلح من خطاك؟ او مثلا علشان في حاجة حصلت فجاة, وكنت عاوز تكون مستعدلها

الفيلم بيحكي عن بنت اسمها ماكوتو. بنت شبه حظها وحش معظم الوقت, بتصحى متأخر, درجتها في المدرسة وحشة جدا, يعني ممكن تقول بنت مهرجلة. وهي كانت مروحة دخلت في حادسة كانت هتموت فيها, بس مرة واحدة لقيا نفسها مرمية علي الأرض في وسط الشارع, قبل حتي عامل الحادسة مجاش ماظهرش…. فاتكشفت بسبب قاريبتها, انها عندها قدرة اسمها “قفزة الوقت” وهي لما تكون في مشكلة ممكن تعرضك للموت, بترجع بالزمن وحسب من انا شايفه كل ما النطة اعلي فهترجع ابعد في الوقت, وبهنا هنشوف هي هتفضل تعمل ايه بالقدرة بتاعتها.

زي ماحنا شافين القصة الا حدا ما حلوة, مش ممتازة بس لذيذة. مش هتحس بملل لكن احداثها بطيئة حبتين, وكانت سهلة انك تتوقع ايه اللي هيحصل قدام وانت بتتفرج, فلو حابب تشوف الفيلم ماتركزش في التفاصيل الضيقة زي مانا عملت علشان تعرف تستمتع.

نيجي بقي علي العيوب.

في مشكلتين في القصة جبارين:

أ- في فرغات جبارة في القصة مثلا.

*حرق*

عندك مثلا التفاصيل في الموضوع القفز عبر الزمن ده مش موجودة خاااااااالص

وازاي شياكي عرف يوقف الزمن؟ اصل هو عنده نفس القدرة, ولا ايه؟ والغريبة انه بيتحكم فيها كانها عادي. وليه ممنوع عليه انه مايقلش لحد؟ وازاي يعرف يختفي وهو أساسا استخدم اخر قفزة ليه أساسا؟ وايه اللوحة اللي كان هيموت عليها؟ اصل مش هيعمل كل ده علشان حتة لوحة. الا بقي دي حاجة مهمة جدا في المستقبل.

كل ده يعتبر مش مشروح خااااااااااااالص

 

ب- عندك التقديم لهذه القوة كانت باردة برود السنين!

اه والله!

تخيل كده انت عندك مشكلة غير طبيعية حرفيا, وتلاقي اللي بتشتكي له بيقولك “انتي قفزتي عبر الزمن” ولااااااا كانه حاجة من أساسه! فطبعا اداء ضعيف ليعرفنا القدرة دي ايه اصلا. وجت منين من اساسه.

ونيجي بقي علي النهاية!

ياخرااااابي علي النهاية!

اتهرست في خمسميت حاجة, وبان عليهم بالاهمال في النهاية! ماتعبوش علي نهاية عدلة حتي, بل جابوا نهاية متوسطة بمعني الكلمة.

الشخصيات:

اجمل حاجة في الفيلم ده, الشخصيات, جمال جدا, حلوين مع القصة, يعتبر كل واحد فيهم ليه فايدة للقصة.

فعندك: أبو حظ نحس “ماكوتو”

أبو باد أسس: ” شياكي”

والهادي الذكي: كوسوكي”

كانوا لذاذ جدا وعجبوني, الصراحة

 

*حرق*

 

بس حسيت ان شياكي في اخر لقطة كان لازم يقولها علي حبه ليها بدل الدلع اللي كان ببحصل. مع العلم انهم مع بعض وهما راكبين العجلة اول ما استاذن يخرجوا مع بعض.

 

الأصوات, والرسم:

الموسيقي كانت جميلة جدا, مع العلم ان الموسيقي كانت الا حدا ما مش متوجدة, بس لما تظهر بتكون ملائمة باللي بيحصل

اما بقي أصوات الشصيات! بااااااشع بما تعانيه الكلمة! انا بفضل أقول كده ان الدبلجة الانجليزي احسن ليــــــــــــــــــه؟! دول بيقراوا من السكريبت بدل ما فعلا بيمثلوا فعلشان كده الدبلجة الانجليزي احســـــــــــــــــــــــــــــن بكثير.

اما الرسم كان قزر! بيفكرني بWolf Children, زي الزفت ومافيهوش أي تغيير او تقدم في الرسم مش موجود

بس الصراحة….. الشخصيات لبهم وشوش مسخرة وتعبيرات تهبل! فكان الصورة مساعد الصراحة.

 

التقيم النهائي:

انيمي جيد ومسلي لكن القصة فيها صغرات كثيرة جدا! الدبلجة الياباني سيئة غير كده الانمي حلو الى حد كبير.


  • ٍStory - 6/10
    6/10
  • Characters - 7/10
    7/10
  • Sounds - 7.5/10
    7.5/10
  • Animation - 7.5/10
    7.5/10
7.0/10

About the author

IslamGinpachi