افلام و مسلسلات مراجعات

مراجعة فيلم Batman v Superman: Dawn of Justice!


… عارف اما يكون حلمك انك تشوف فيلم معين فى حياتك من وسط كذا فيلم و يتحقق اما تشوف طفولتك بدأت تجسد شوية فى شكل فيلم حقيقى و اخيرا هيجيلك الفرصة انك تشوفها… للاسف الفيلم بالنسبالى كان عبارة عن حلقة فى برنامج بيعرضوا فيها كمية فيديوهات حلوة جدا بس اما تحطهم مع بعض بتحس بالعك!

فيلم Batman v Superman: Dawn of justice

بيتبع احداث فيلم Man of Steel بعد الدمار اللى حصل فى العالم و بالاخص فى مدينة Metropolic الناس بقت منقسمة على شخصية Superman فيه اللى بيحبه و بيعظم فيه و فى اللبيخاف منه و بيترعب … على الناحية التانية Batman اما شاف الدمار الناتج من معركة Superman فقرر انه لازم يهزم Superman باى طريقة ممكنة…. و عندنا شخصية lex اللى عمل Doomsday و خلاهم كلهم  يحاربوه و لو فاكر ان ده حرق للاحداث فروح شوف الاعلان التانى للفيلم و تعالى اتكلم

تقريبا مفيش حد فى الفيلم كان تمثيله وحش كله ممكن تقدر تقول ممتاز… و تقريبا احسن حاجة طلعت بيها من الفيلم هو Ben Affleck ك Batman تقريبا عمل احسن batman فى فيلم ايوة كان احسن من Christian bale و لو مش مصدقنى اعمل بحث و هتلاقى ان Christian نفسه مكانش حابب اداء نفسه و هو بيعمل Batman و حس ان كله كان احسن منه…. ممكن تقول ان michael keaton و ben affleck احسن اتنين عموما بس الاختيارات اللى عملها batman كانت محتاجة شرح اكتر عشان فيه حاجات خلتنى اتضايق و ده مش عيب ممثل ده عيب مخرج مركزش اكتر على دوافع الشخصية…

Henry Cavill كان كويس برده بس كنت محتاج شوية تركيز على شخصيته عامة و ده عيب مخرج برده

Jeremy irons ك Alfred كان كويس جدا و غير اى Alfred اتعمل فى اى فيلم قبل كده

و Gal Gadot ك Wonder Woman كانت كويسة جدا فى الفيلم خلال الوقت اللى ظهرت فيه و خلانى اتحمس لفيلمها!

نيجى للموسيقى بسرعة اختلافات بسيطة عن موسيقى فيلم man of steel بس من احسن ال الالحان اللى اشتغلت كان لحن wonder woman كان مختلف و عظيم.

 

الفيلم شكله حلو … ليه بقول كده… بسبب ان ده اسلوب Zack Snyder كل افلامه شكلها حلو بس الشكل مش هيفيدك لما فيلمك يكون متبتعر فى كذا حتة لما يكون كل مشهد ملوش دعوة باللى قبليه لما تبقى مركز و منتبه فى مشهد و مرة واحدة يقطعوا لحاجة تانية عشان القصة مش هينفع تتقدم غير بكده…

مشاهد القتال فى الفيلم كلها بلا استثناء عظيمة!

نيجى لحاجات حصلت فى الفيلم المشاهد اللى ظهر فيها اعضاء ال justice league نصهم مكانش ليهم لازمة فى الفيلم و لكن حطوهم عشان شركة الانتاج عايزة كده ايوة

الفيلم بالنسبالى عبارة عن 3 افلام فى بعض

فيلم عن Batman v superman مستوحى من comic: The Dark Knight Returns

فيلم عن Dawn of Justice اللى بيقدم فيه اعضاء ال Justice League

و فيلم عن حاجة تانية مش هقولها عشان محرقش نهاية الفيلم

تقريبا لو كانوا اخدوا وقتهم و قسموهم لفيلمين بس كانوا نجحوا بمراحل و عملوا منتج حلو بقول منتج عشان ده اللى حصل اما شفت الفيلم ده حسيت ان شركة Warner Bros قالت للمخرج انه لاز يحط فى الفيلم مشاهد صغيرة عشان عايزين نوصل بسرعة للى عملته Disney لافلام Marvel

 

نيجى بقى لحاجتين اتنين نمسك اول واحد و هى شخصية Lois lane اللى قامت بدورها Amy Adams… فى حاجة عملتها مكنش ينفع تعملها و كل اللى ادى ان المشهد يطول على الفاضى

الحاجة التانية و هى Lex Junior اللى قام بدوره Jessie Eisenberg المشكلة كانت فى الاتجاه اللى خدوا عشان يجسد الشخصية فى مشاهد كان فعلا شرير جدا فيها و تخاف منه و مشاهد تانيى للاسف تحسه كان شارب 10 على Red Bull و تحس انه عنده رعشة لا ارادية مما ادى الى ان شخصيته مكانتش مناسبة لنبرة الفيلم العامة

انا عارف انى اتكلمت كتير عن السلبيات فى الفيلم بس زى ما اى فيلم فيه حاجات حلوة زى ما فيه حاجات وحشة

نيجى للسؤال هو الفيلم وحش للدرجة ديه… لأ انا شايف برده ان الفيلم مظلوم شوية و لكن معظم النقد عليه مبرر و الاسباب موجودة الحاجة اللى اقدر اكدها ان اى حد هيدخل الفيلم ده هيطلع منه فى الاخر بحاجة

انا عن نفسى طلعت ب Ben Affleck و Wonder Woman و تقريبا معظم الممثلين الجدد فى الفيلم ده لو استخدموهم فى الافلام الجاية… و ده هيحصل عموما و الاكشن الجميل اللى علطول بيقدمه المخرج Zack Snyder و اللحن المخصص ل Wonder Woman

التقييم: هنا ده اصعب حاجة اقدر اعملها… اما طلعت من الفيلم كان عندى تقريبا نفس المشاكل و كنت مستقر على تقييم معين بعد اما استنين يومين و فكرت التقييم بتاعى نزل فى الاخر كل واحد ليه وجهة نظر اما يشوف الفيلم!


Dawn Of Something better
  • Director - 6/10
    6/10
  • Story - 6.5/10
    6.5/10
  • Characters - 7/10
    7/10
  • Music - 7.5/10
    7.5/10
6.8/10

About the author

Mohamed Asaad

Loves Movies, Series, Anime, Manga, Comics and can talk for hours about them, metal music is what drives me and I'm a Big Geek!