افلام و مسلسلات مراجعات

مراجعة فيلم Deadpool 2016!


كنت اتكلمت قبل كده عن ان فيلم Deadpool يعتبر مخاطرة كبيرة من شركة FOX بسبب انه متوجه لفئة عمرية اكبر من ال 18 سنة و لو عايز تعرف اكتر اضغط على الرابط ده:

مخاطرة فيلم Deadpool!

المفروض ان الفيلم كان نزل فى الولايات المتحدة يوم 12 فبراير بس نزل عندنا يوم 17 و جزء من التأخير بسبب ان الرقابة لازم تتفق مع استديو الانتاج على المشاهد اللى هيتم قطعها من الفيلم.. ده سبب ان الناس اتعصبت بس اللى اتضح ان المشاهد اللى تم قطعها هى عبارة عن اى حاجة بتتضمن عري و ميكنش اثر على سياق القصة… و هنا الوضع متروك للناس ياما تدخله و تشوف فعلا بنفسك و بعد كده تحذر الناس من الرقابة قطعت كتير جدا او فعلا يكونوا هم قطعوا المشاهد اللى ملهاش اى تأثير على القصة… نبدأ بقى المراجعة

فيلم Deadpool هو عبارة عن “Origin Story” بمعنى انه بيتكلم عن ازاى بقى فيه شخصية اسمها Deadpool من هنا ممكن الوضع يرخم بسبب ان الناس شافت كتير من نوعية الافلام ديه و الفيلم ممكن يبقى اكتر من نصه عبارة عن حياة wade wilson البطل قبل اما يبقى Deadpool و ده ممكن يخلى الناس حبها للفيلم او الشخصية تقل او تخرج من الفيلم على اساس انها تستنى الجزء التانى احسن بس بالمنظر ده الفيلم كل اللى عمله انه قدم الشخصية و ممكن فعلا يكون حلو بس الوضع هنا مختلف بنسبة كبيرة

اولا الفيلم فعلا Origin Story بس المخرج Tim miller عامل عليها لمسة جديدة و هى انه كان بيستخدم نقلات ما بين السنين الفيلم وقته فى الحاضر بمعنى ان شخصية Deadpool موجودة فعلا بس بيرجع بالزمن فى لحظات عشان يفهم الجمهور ازاى وصل للى هو فيه و ازاى بقى الشخصية ديه و عملها بشكل متقن عشان الناس متتلغبطش

الشخصيات فى الفيلم متنوعة لكن التركيز فعلا كان على wade wilsonDeadpool الفيلم ممكن تقول انه عبارة عن قصة حب مع قصة انتقام و اما كانوا فعلا عاميلن فى الدعايا انه قصة حب مكانوش بيستهبلوا بس بالنسبالى انا شفت افلام كتيرة رومانسية و كنت متوقع انها هتبقى مليانة Cliches لكن اما تتفرج على الفيلم شخصية Wade Wilson اللى عملها Ryan renolds و حبيبته Vanessa اللى عاملاها morena baccarani العلاقة ما بينهم مش عادية الاتنين من الاخر مجانين واحد شغال انه يقبض فلوس مقابل انه يخلص مهمة سواء يقتل او يسرق ايا كان و هى شغالة فى “نادى ليلى” فاما تبص على الشخصيات كده اكيد مش هتكون علاقتهم ببعض عبارة عن ورد و شيكولاته.

الفيلم برده عمل توازن مابين الشخصيات الكتيرة اللى فى الفيلم سواء تقديم شخصيات ال X-men او الشخصيات اللى قايمة بدور “الاشرار”

شخصيات ال X-men كانوا Colossus اللى كان طول الفيلم عبارة عن CGI مش شخص حقيقى اللى قام بالاداء الصوتى كان Stefan kapicic و كمان Negasonic Teenage warhead ايوة ده اسمها فى الفيلم اسمها الحقيقى Brianna Hildebrand 

و الاشرار المفروض عندك Ed serkin قام بدور Ajax و gina carano قايمة بدور angel dust

يعتبر من احسن المشاهد اللى فى الفيلم هى الافتتاحية بتاعته مش هتكلم عنها بس لازم تشوفها بنفسك

الحس الكوميدى اللى فى الفيلم ده بيرجع للمشاهد بالنسبالى انا شفت جميع افلام    X-men و فيه كذا نكتة سواء على الافلام او على الممثلين نفسهم بس زى ما قلت الناس كلها مش عارفة بالذات المجتمع العربى مش كله بيحب نوعية الافلام ديه المهم من غير ما ادخل فى نقاش فى الجزء ده اقدر اقول ان الناس هتضحك سواء على النكت او سواء على الكوميديا اللى Ryan Renolds بيجسدها فى المواقف ما بين الشخصيات فى الفيلم

الفيلم كمان فيه شخصيات تانية زى T.j miller اللى قام بدور Weasel و Leslie uggams اللى قامت بدور Blind Al كانوا اصحاب ryan renolds و اى محادثة ما بين Ryan و واحد منهم بتبقى ضحك و كمان بعض النكت اللى كان بيقولها Ryan مع T.j miller كانت بتبقى استرجال مش من السيناريو

فى حاجات بتهمنى و انا بعمل مراجعة سواء للافلام او المسلسلات و هى المخرج او الممثل عملوا ايه قبل كده هنا المخرج Tim Miller ده اول فيلم يخرجه كان مسئول عن انه يخرج افلام صغيرة للالعاب بس انه يخرج فيلم لsuperhero و بميزانية تعتبر قليلة جدا لافلام الsuperheros  كانت 58 مليون و اه كده قليلة جدا و ده معناه المفروض انه متكتف و فى حاجات ميقدرش يعملها لكن اما تتفرج على الفيلم مش هتحس ان الميزانية قليلة و ان Ryan Renolds و Tim miller عاملين الفيلم ده للجماهير اللى شافت X-men origins و فقدت الامل انها تشوف شخصية Deadpool عدلة

و هنا اقدر اقول ان الفيلم متوجه بقدر بسيط للجماهير ديه اكن Ryan Renolds بيقدملهم اعتذار من اللى حصل قبل كده

قصة الحب و الانتقام فى الفيلم متناسقة جدا مع بقية الاحداث حتى ما بين الانتقالات الزمنية و يمكن كمان زادت اكتر عشان تخليك ترتبط بالشخصيات و حتى و ان كانوا مجانين الا انك هتعوز انهم يرجعوا لبعض

نيجى لحاجة و هو ان Colossus كان بيمثل الافلام التقيليدية للsuperheroes بمعنى اننا كويسين و لطاف و بنحب ننقذ الناس و ده كان عامل من نجاح الفيلم لان Deadpool يعتبر على الناحية التانية و حتى اما بيكون فيه مشاهد ما بينهم الكلام ده بيوضح جدا

الموسيقى فى الفيلم مناسبة جدا لشخصية Deadpool بمعنى انك اما تشوف سلسلة the dark knight بتسمع الحان Hans zimmer او مثلا افلام Marvel بيبقوا عاملين موسيقى عشان تعلى من مستوى الفيلم و يحسسك انك بتشوف ملحمة ….

فى فيلم Deadpool الاغانى اللى استعملوها كانت من التسعينات او من الالفينات و حتى الاغانى اللى عملوها للفيلم قليلة و مناسبة لل tone بتاعت الفيلم

حاجة اخيرة الفيلم فيه مشهد بعد ال Credits فمتشيش بدرى كل افلام Marvel معروفة بكده

التقييم: زى ما قلت الكلام اللى فوق ده بيعبر عن رأيي انا بس… وانا شايف مع ميزانية الفيلم و الاخراج و التمثيل و “fight choreography” : مشاهد الضرب … كانت متقنة و متنفذة بطريقة بحيث ان المشاهد يفهم اللى بيحصل.


Chimichangas For Everyone
  • Director - 8/10
    8/10
  • Story - 6.5/10
    6.5/10
  • Music/Score - 8/10
    8/10
  • Characters - 10/10
    10/10
9.0/10

About the author

Mohamed Asaad

Loves Movies, Series, Anime, Manga, Comics and can talk for hours about them, metal music is what drives me and I'm a Big Geek!