افلام و مسلسلات

مراجعة فيلم Fantastic Beasts and Where to Find Them!


المراجعة متأخرة بس لازم نتكلم عن فيلم المفروض انه متواجد فى عالم Harry Potter الشاسع و يا ترى نجحوا فى اطلاق سلسلة جديدة ولا لأ!

نبدأ الاول بأننا لازم نكون عارفين ان Fantastic Beasts يبقى اول سيناريو للكاتبة J.K Rowling! و اللى قدرت تعمله فى الفيلم كان مبهر.

من مميزات الفيلم ان اى حد مش محتاج انه يتفرج على سلسلة Harry potter عشان يفهم الاحداث او الاشخاص بس طبعا لو كنت متابع للسلسلة ففى حاجات بتتقال فى الفيلم للناس اللى عندهم خلفية عن العالم عموما!

الفيلم من اخراج David Yates

و هو اللى اخرج اخر 4 افلام من سلسلة Harry potter

الشخصيات فى الفيلم متنوعة بمعنى مش هتلاقى حد زى التانى و ده كان ممكن يسبب مشكلة لو مفيش Chemistry ما بين الممثلين

شخصية Newt اللى قام بها الممثل Eddie Redmayne المفروض ان الشخصية انطوائية مش مهتمة بالناس على قد ما هو مهتم بالوحوش اللى بيجمعها

هنرجع لنقطة الوحوش بس بعد اما نكمل الشخصيات!

شخصية Jacob اللى قام بها الممثل Dan Folger مع انها شخصية بنشوفها فى الافلام كتير الا كل ممثل يقدر يحط اللمسة بتاعته عشان يخلى الدور يبقى ملكه و ده اللى نجح فيه

شخصية queenie اللى قامت بها الممثلة Alison Sudol الشخصية بتتميز بذكائها بالرغم من انها بتدى انطباع الغباء…

شخصية Jacob و Queenie كانوا بيمثلوا الجانب الحساس من الفيلم بعض الناس ممكن منهم انا كنت مرتبط بشخصية Jacob طول الفيلم و الاتنين لهم مشاهد كتير سواء مضحكة او حساسة بالذات فى اخر الفيلم!

 

و اخيرا نختم شخصياتنا الرئيسية ب Tine اللى قامت بها الممثلة Katherine Waterston المفروض انها شخصية بتحاول ترجع مكانتها فى شغلها باى طريقة!

 

ال Chemistry ما بين الشخصيات ديه كانت موجودة فعلا لكن المشاكل اللى كانت بتظهر فى الفيلم بالاخص من شخصية Tina و هو انها مش مقتنعة باللى هى بتعمله بمعنى ان السيناريو مثلا مكتوب فيه انها هتروح مكان معين و تعمل حاجة مثلا و مع انها ماشية على السيناريو بالظبط الا ان بتحس فى اداء الممثلة انها رافضة اتجاه الشخصية فى المشهد و ان ده عكس الاتجاه اللى هى بتفكر فيه

من الشخصيات المساعدة كان فى Ezra miller فى دور Credence و Collin farell فى دور Graves و Samantha Morton فى دور Mary Lou

الفيلم دامج قصتين مع بعض و مع ان لفترة من الفيلم ممكن تقتنع ان كل قصة ممكن تبقى فيلم لوحدها الا ان براعة J.K Rowling فى الكتابة عرفت توفق ما بين القصتين و دمجهم مع بعض

الفيلم فكرته الرئيسية ان شخصية Newt كان فى زيارة سريعة ل New York لكن حصل احداث منعته من انه يمشى و الاحداث بتتلخص فى ان الوحوش اللى محتفظ بها هربت من الشنطة.

القصة التانية اللى فى الفيلم تم التلميح عنها فى الاعلانات فمش هقدر اوضح عنها اى معلومات غير ان فى شخصية معينة بتهاجم مجلس السحرة فى New York.

الفيلم كان فيه Misdirection بمعنى ان فى حدث فى الفيلم ممكن يحصل فى وقت معين بس المخرج يقرر وقت حدوثه او تغييره

اللى كانوا واضحين كانوا اتنين واحد فى اسلوب متبع فى الافلام علطول و هى حاجة متعلقة بتبديل حقائب الشخصيات و الثانية مش هتكلم عنها عشان ممكن يكون حرق فى الاحداث.

فى Plot Twist فى الفيلم بتحصل و مع انها ممكن تبهر ناس كتير الا انا اما فكرت فيها لاحظت ان ليها تاثير سلبي على الفيلم او القصة و برده الفيلم بيتبع اسلوب معين عشان ي reset كل حاجة فى الفيلم و ده ممكن يكون حاجة سلبية على احداث الفيلم بان مفيش اى اثار جانبية على العالم اللى هم فيه.

بس ميمنعش ان الفيلم كان ممتع مع انه كان مسئول بانه يبنى عالم جديد للسحرة! و ده سبب ممكن الناس تحس ان الفيلم احداثه بطيئة او قليلة فى اول ساعة بسبب ان الفيلم كان بيقدم شخصيات جديدة اول مرة نشوفها و قواعد جديدة بس بسيطة

الموسيقى فى الفيلم كان ليها طابع مألوف و ده لان المخرج كان برده محتاج يحسس الناس بال Nostalgia لعالم Harry potter

فى الاخر اقدر اقول ان الفيلم نجح فى توسيع عالم Harry Potter بشخصيات جديدة و اماكن جديد و بالنسبة للوحوش فدول بالنسبة ليا كانوا احسن حاجة فى الفيلم مع انهم كانوا CGI الا كل وحش فيهم كان ليه شخصيته المستقلة عن غيره!


Promising Start to a New Franchise
  • Direction - 8.0/10
    8.0/10
  • Characters - 7.5/10
    7.5/10
  • Music - 7.5/10
    7.5/10
  • Story - 8.0/10
    8.0/10
7.8/10

About the author

Mohamed Asaad

Loves Movies, Series, Anime, Manga, Comics and can talk for hours about them, metal music is what drives me and I'm a Big Geek!