افلام و مسلسلات مراجعات

مراجعة فيلم The Magnificent Seven!


زى ما كلنا عارفين ان الفيلم Remake لفيلم بنفس الاسم بس برده الفيلم ده Remake لفيلم تانى… اه و الله

الفيلم اسمه Seven Samurai كان نزل 1954 و The Magnificent Seven كان نزل 1960 و اخر حاجة اللى اتعملت السنة ديه

لو هوصف الفيلم فى جملة فهتبقى  “اكشن ممتع…”

الفيلم فكرته بسيطة بلدة بتتعرض لهجوم من عصابة زعيمها المفروض “واحد مبيرحمش” و نتج عنها ان واحدة من البلدة بتدور على ناس تساعدهم و هنا الفيلم بيقدملنا شخصية Denzel Washington

الفيلم بيتمحور حول شخصية Denzel Washington و انه هو اللى هيجمع السبع اشخاص بمساعدة Chris pratt…

تقريبا مفيش حد من السبع الاشخاص الناس ممكن تنزعج منه اكتر شخصية عجبتنى كانت Vincent D’onofrio صوته كان مسخرة ممكن ناس تستغرب صوته بس بالنسبالى كان كل اما بيتكلم كنت بضحك

من الحاجات اللى بيتميز بها الفيلم او الحاجة اللى بتميزه عموما هو الاكشن

الاول احب انبه ان الفيلم Rated PG-13 يعنى صعب تلاقى دم كتير و عنف

بس من الواضح ان المخرج Antoine Fuqua مكنش مهتم بال Rating

الاكشن فى الفيلم كان عنيف لدرجة ان فكرت هل ده مسموح فى فيلم بال Rating ده

الفيلم بيتميز بالسيناريو الحوارات اللى بتدور ما بين الشخصيات مبتحسش فيها بملل و موسيقى جميلة بتناسب كل مشهد بيتعرض.

الفيلم برده بيتميز بتصوير و اخراج رائعين بعد المشاهد فى الفيلم كانت تحفة و اقدر اقول ان ال Third Act فى الفيلم كان يعتبر احسن Third Act فى فيلم اكشن السنة ديه


فى كل الكلام اللى فوق متكلمتش كتير عن الشخصيات نفسهم لان الفيلم كان تركيزه على انه يمتع الجمهور بالاكشن بس مش معناه ان كل الشخصيات مبهومة

زى ما قلت التركيز كان على Denzel Washington  و Chris Pratt

لكن شخصيات زى Ethan Hawke او Vincent D’onofrio او نقدر نقول بقيتهم عموما مكنش فى اهتمام قوى بماضيهم بس بمشاهدتك للفيلم مش هتحس ان ديه مشكلة او ان ده عيب

الحاجة الوحيدة اللى خلتنى احط ده فى السلبيات بسبب حاجة هتحصل قدام و مش هتحس بارتباط قوى مع الشخصيات عشان تحس بشعور معين…

من السلبيات برده هو ان الشرير من نظام بيتكلم كتير و فى الاخر طلع مهزق…

فى حاجة الفيلم سهل انك تتوقعه فى مناطق معينة و هتعرف ايه اللى ممكن يحصل بس ده ميمنعش ان النتيجة برده كانت كويسة حد ما

و يا ريت حد يقول ل Haley Bennett تجمد شوية كنت بحس انها هتعيط كل خمس دقايق


نيجى لجزئية  اخيرة و ديه حاجة من عندى انا شفت The Magnificent Seven 1960 و شفت بتاع السنة ديه و كنت بحاول اختار لنفسى انهى نسخة احسن

خلينى اقول ان محدش هيعوض Yul Brynner او Steve Mcqueen او Robert Vaughn

بس انا بالنسبة ليا النسخة ديه احسن من نسخة ال Classic.

بسبب انى السبع اشخاص فى الفيلم كانوا ممتعين من الهندى للمكسيكى للامريكانى و تنوع الشخصيات نفسها

بغض النظر عن ان الفيلمين بيعانوا من مشكلة ان الشرير مهزق…

الا ان الفيلم ده بسبب تكنولوجيا العصر اللى احنا فيه خلانى اشوف اكشن احسن سيناريو ممتع ما بين الشخصيات و اخراج رائع.

خلينى اكرر حاجة تانية الاكشن فى الفيلم بالذات فى ال Third Act رهيب!


Big On the Spectacle Short on Investment In Characters
  • Storytelling - 7/10
    7/10
  • Direction - 8.5/10
    8.5/10
  • Characters - 7/10
    7/10
  • Music - 7/10
    7/10
  • Cinematography - 8/10
    8/10
7.5/10

About the author

Mohamed Asaad

Loves Movies, Series, Anime, Manga, Comics and can talk for hours about them, metal music is what drives me and I'm a Big Geek!