افلام و مسلسلات مراجعات

مراجعة فيلم Moana!


من الصعب انك تنتقد فيلم معظم الناس معجبة بيه فما بالك اما الفيلم يكون مرشح ل 2 اوسكار…

انا من الناس اللى شايفة فيلم Interstellar انه Overrated

و انا برده شايف ان فيلم Arrival قصته مش كاملة و كان من الاحسن الفيلم يبقى اطول

و انا كمان من الناس اللى شايفة ان فيلم The Dark Knight Rises من غير اداء Christian Bale و Tom Hardy الفيلم عبارة عن خناقة كبيرة طبعا بغض النظر عن انى مش راضى عن شخصية Batman نفسها فى الثلاثية…

فاما يجي فيلم زى Moana محبوب من معظم الناس اللى شافته كنت متوقع انى هحبه جدا بس للاسف موصلش معايا لنفس الدرجة…

فيلم Moana بيتكلم عن : فى بولينسيا القديمة،كان فى لعنة اتسبب فيها نصف أله (Maui) وصلت لجزيرة بتعيش فيها بنت شديدة الحماس اسمها Moana بتقرر انها تخرج للبحر و تحاول انها تلاقى Maui عشان ترجع الامور لطبيعتها.

طاقم التمثيل او فى الحالة ديه اللى قاموا بالاداء الصوتى ابهرونى الصراحة بالتحديد الشخصيات الرئيسية

و اخيرا احسن شخصية فى الفيلم…

الفيلم ده كان اول ظهور للممثلة Auli’i Cravalho فأكيد كان فى ضغط كبير عليها بس فعلا اداءها كان ممتاز و برده اداء The Rock كان رائع مع انى كنت مش عارف اذا كانوا هيقدروا ينقلوا الكاريزما اللى بيطلعها The Rock فى أدائه بس كنت مبسوط جدا من شخصيته و بالنسبة ل HeiHei ده يعتبر ال Comic Relief اللى فى الفيلم من الاخر كان اغبى شخصية او فى الحالة ديه حيوان. فى طبعا شخصيات تانية بس التركيز الرئيسي كان على دول.

فى اول المقالة كنت قلت ان الفيلم معجبنيش للدرجة و ده بسبب ان اول ساعة من الفيلم كل الاحداث اللى حصلت مكنش ليها اى اهمية بالنسبة ليا بسبب انى حسيت انى شفتها مليون مرة و محستش باى فرق فى التنفيذ كمثال على كده والد Moana شخصية متحفظة و بيخاف جدا من ان Moana تركب مركب و تنزل البحر بسبب ماضيه لشخصية والدتها اللى علطول بتواسيها لشخصية جدتها اللى الناس فاكرة بسبب انها عجوزة فكل كلامها ملوش لازمة كل دول شخصيات خلونى و انا بتفرج استغرب من ازاى الناس عجبهم الفيلم و ده غير ان بعض القصص الجانبية اللى خدت جزء من القصة مكنش ليها نهاية و تغيير افكار بعض الشخصيات بسرعة غريبة.

بس ده كان كله قبل اما تظهر شخصية Maui فى الفيلم

من غير حرق لاحداث القصة Moana مش هتسمع كلام والدها و هتركب مركب و هتعوم بيه عشان تبدأ مغامرتها

الفيلم اتغير بالنسبة ليا من اول اما قابلت Maui شخصيته فيها كمية  طاقة و عفوية هتشد المشاهد ليه علطول بس برده للاسف الفيلم هيبدأ يطبع السيناريو المعروف فى الاول مش هيساعدها لحد اما تقنعه و اما يساعدها هيحصل مشكلة و هيسيبوا بعض و فى الاخر هيرجعلها و خلاص عشان ننهى القصة

و هنا كانت مشكلتى الفيلم مدته ساعة و 47 دقيقة تقريبا منهم ساعة و 35 دقيقة كنت متوقع ايه اللى هيحصل اول باول و مفيش غير حدثين بس اللى عجبونى غير كده مفيش حاجة جديدة فى قصة الفيلم.

لكن مع ذلك اللى عجبنى فى الفيلم غير الشخصيات الرئيسية هو ال Animation الممتاز و الموسيقى الرائعة، انا مكنتش متوقع انى اسمع The Rock و هو بيغنى بس واضح ان شركة Disney عارفة كويس بتعمل ايه

الملحن Lin-Manuel Miranda هو اللى ليه الفضل فى الموسيقى و اقدر اقول انه ابدع

انا من الناس اللى مش بتحب تشوف شخصيات تكسر احداث الفيلم بانها تغنى و ده كان سبب من اسباب كرهى لفيلم Frozen لكن فى Moana حتى مع وجود الغناء فى الاحداث الرئيسية الا ان ده مضايقنيش تماما بل بالعكس استمتعت بالالحان و الاغانى و نفسى اسمعهم تانى.

الفيلم زى ما فيه مشاكل كتيرة اللى اتكلمت عنها الا ان فيه حاجات كويسة سواء المحادثات ما بين الشخصيات او الموسيقى او ال Animation… بس مقدرش اقول لحد انه يتفرج عليه فى نفس السنة اللى كان فيها Kubo and the Two Strings و Zootopia

 


The Good, The bad and the Usual story tropes
  • Direction - 7.5/10
    7.5/10
  • Characters - 7/10
    7/10
  • Story - 4/10
    4/10
  • Music - 8/10
    8/10
  • Animation - 8/10
    8/10
6.9/10

About the author

Mohamed Asaad

Loves Movies, Series, Anime, Manga, Comics and can talk for hours about them, metal music is what drives me and I'm a Big Geek!