افلام و مسلسلات مراجعات

مراجعة فيلم Split!


فيلم split بيتكلم عن ان فى واحد عنده انفصام فى الشخصية بالتحديد (23) شخصية خطف 3 بنات و لازم يهربوا قبل وصول الشخصية ال 24!

فيلم Split من اول الفيلم مبيضيعش وقت عملية الخطف بتحصل فى اول 10 دقايق من الفيلم و بعد كده بيبدأ الفيلم ياخد مجراه

الشخصيات المحورية فى الفيلم هم

المخرج M. Night Shymalan اشتهر فى اول مسيرته ب The Sixth Sense و ساعتها معظم الصحف لقبته ب The Next Spielberg و كمان كان مشهور بانه بيحط Twists فى افلامه اللى من خلالها ممكن تغير مجرى القصة بالكامل

للى ميعرفش Steven Spielberg فافلامه كفيلة عن انى اتكلم كتير عنه

Indiana Jones- Jaws -Jusrassic Park – A.I – E.T – Schindler’s List

فبسبب نجاح The Sixth Sense كان فيه تركيز كتير عليه … اخرج بعد كده فيلم Unbreakable و Signs و The Village

و بدأت الناس تقتنع ان مستواه بدأ ينحدر بسبب الافلام ديه: The Happening و the last air bender و after earth و lady in the water

و بقى عامل زى النكتة اسمه بقى نكتة … اختفى لفترة و بعد كده رجع اخرج فيلم The Visit و مع ان الفيلم مكنش ليه ضجة كبيرة الا انه على الاقل فيلم كويس و دلوقتى فيلم Split نزل و معظم الناس كانوا مرجحين ان الفيلم هيبقى وحش لان بقى ده الطبيعى للاسف

بس احب اطمنكم  الفيلم فعلا كويس جدا و برجح ان الناس تروح تشوفه!

نبدأ بقى…

الفيلم زى ما قلت مبيضيعش وقت عشان يدخل فى القصة علطول بس المشكلة اللى فيه ان المخرج كان بيحاول يحط Flash Backs لشخصية Casey و ده عشان يبنى الشخصية نفسها و يحاول يخلينا نرتبط بيها المشكلة هنا ان ال Flashbacks كانت اكتر من اللازم و كان ممكن يضغطهم او يشيل مشهدين تلاتة منهم و يركز على السبب اللى خلاه يحط ال Flashbacks و اللى بسببه شخصية Casey محطمة نفسيا

انا كنت قلت ان james خطف 3 بنات منهم casey البنتين التانيين دول ممكن تلاقيهم فى معظم الافلام

نظام اللى هو احنا بنات عائلات بس اغبية الحقيقة و هقول ليه من غير حرق فى حاجة حصلت فى الفيلم لشخصية من الاتنين و بدل التانية اما تتعلم من كده عملت نفس الحاجة

من الحاجات الكويسة ان الفيلم مركزش عليهم غير اما يكون عايز يبعد التركيز شوية عن القصة الرئيسية بمعنى ان وجودهم مش فارق اوى هم عموما هدفهم الوحيد هو انهم يقابلوا الشخصية رقم 24!

الفيلم من مميزاته الكتيرة هى الموسيقى

المخرج استخدم الموسيقى عشان يعلى من التشويق اللى بيحصل حول الشخصيات بس مستعملوش بطريقة انه يغشش المشاهد ان فى حاجة هتحصل بسبب ان صوت الموسيقى بقى اعلى مثلا

لازم ادى برده تقدير لاخراج و تصوير الفيلم

المخرج قدر انه يخلينى منتبه للاحداث و تبادل المحادثات ما بين الشخصيات مع ان الاماكن فى الفيلم مش كتيرة بما انهم مخطوفين فكان معظم المشاهد فى الغرفة اللى هم فيها او المحادثات اللى ما بين Kevin  و الدكتورة كان علطول بيحط لمساته عشان ميحسسش المشاهد بالملل

كل ده و متكلمتش عن بطل الفيلم الاستاذ James Mcavoy

James قدر يقنعنى انه فعلا جواه 23 شخصية فيه مشاهد فى الفيلم هتضحكك و ممكن تخوفك من تمثيله بس

كل شخصية ليها صفات و مميزات خاصة بها سواء Hedwig عيل صغير و بامانة كان احسن شخصية فيهم بس للاسف بيسمع Kanye West و عليه رقص ينفع ياخدوه فى  Step up

فى شخصية barry بيحب الموضة

فى شخصية Patricia ست محترمة و عارفة كويس هى عايزة ايه و بتحب الموسيقى الاسيوية

فى شخصية Dennis مهووس بالنظافة

فى شخصيات كتير طبعا مظهرتش بس اللى ظهروا كل واحد فيهم كان ليه دور مؤثر فى احداث الفيلم

معظم المشاهد اللى بتدور ما بين الدكتورة و شخصية James Mcavoy كانت بتبقى عشان تتأكد من الشخصية اللى هى بتكلمها

فى مشهد معين حصل ضحكنى مع ان المفروض انه كان فى سياق الدراما و هو ان الدكتورة بتقول ل kevin انها عندها محاضرة مهمة جدا عشان تعرف العالم عن ناس زيك و هتعملها عن طريق “Skype” … حسيت انه Product placement و كانت سخيفة

لفترة كبيرة من الفيلم ممكن تنسى البنتين التانيين و ده بسبب التركيز على شخصية Casey و Kevin بس زى ما قلت ال Flashbacks اكتر من اللازم و كانت ممكن تكون اقصر من كده و ممكن تقدر تقول انها مأثرتش اوى على القصة الرئيسية

من غير ما احرق نهاية الفيلم ال Twist اللى موجودة فى اخر الفيلم للاسف فى ناس كتير جدا مش هتقتنع بها و بسبب ده ممكن يقصر على تقييمك للفيلم

انا عملت تجربة مع اتنين صحابى انا كنت عارف اللى هيحصل فى نهاية الفيلم و احب اقول انه منزلش من حلاوة الفيلم و صاحبى فهم اما شاف النهاية بسبب حاجة تانية مقدرش اوضحها و الاخيرة مكنتش تعرف اى حاجة نهائي و بعد الفيلم اما خلص سألتهم ايه رأيكم فى الل حصل

اجمعنا كلنا ان اداء James و ان الفيلم عموما كويس جدا بس اللى ممكن يفرق مع الناس هى النهاية لانها مش Twist بالمعنى التقليدى.

انا بفكر عموما بعد فترة هعمل مقال عن نهاية الفيلم هشرح فيها ليه حصل كده او ده عموما معناه ايه و طبعا كده هيبقى فيه حرق لاحداث الفيلم عامة!


The broken are the more evolved
  • Direction - 8.5/10
    8.5/10
  • Characters - 7.5/10
    7.5/10
  • Music - 8/10
    8/10
  • Storyline - 7/10
    7/10
  • Scenario - 7/10
    7/10
7.6/10
User Rating 10/10 (1 vote)
Sending
Your rating:

About the author

Mohamed Asaad

Loves Movies, Series, Anime, Manga, Comics and can talk for hours about them, metal music is what drives me and I'm a Big Geek!