انمي مراجعات

مراجعة لانيمي Neon Genesis Evangelion


نيون جينيسيس ايفانجليون هو انمى اصلى معمله مانجا خلصت بعديه, المانجا ابتدت 1994 و خلصت فى 2013 (دى حاجه غريبه صح؟ ), Gainax (زى ما بعض منكم عارفين, هم الاستديو اللى عملوا بعض السلاسل المشهوره زى “Abenomashi Mahou Shoutengai و طبعا الكلاسيك “Fushigi no Umi no Nadia” او فى العربى اسمه الماسه الزرقاء ) جازفوا بأنهم يعملوا انمى زى ده و يصدروه و يخلصوه لوحدهم سنه 1995 (لأنه يعتبر جديد و غريب جدا للجمهور فى التسعينات) و ها نحن ذا بعد 20 سنه من اصدار الانمى و الانمى اتقال عليه انه من احسن الانميات فى الوجود و معروف جدا ليعتبر احد اكثر الانميات المؤثره فى كل الازمنه, و يعتبر اكثر الانميات جدلا, لكن هل يرتقى لمستوى الضجه اللى هو عملها؟ هل يستحق الالقاب دى؟ يلا بينا نشوف.

القصه تتجزء الى اربع فئات :
شونين
شويه ميكا
مأساه (و انا اقصد الكثير منها)
سيكولوجى او نفسى (لو السيكيولوجى ليه اسم هيكون نيون جينيسيس)

قصه ايفا بسيطه ظاهريا على الاقل, فضائيين جايين للأرض و مراهقين لازم يسوقوا روبوتات ضخمه عشان يوقفوهم, احنا شفنا كده فى مرات لا تحصى فى الانمى و فى مسلسلات السينتاى قبل كده صح؟ اللى ايفا عمله ببراعه انه فكك تماما هذا المفهوم و اظهر ان ليه فكره انك تدى روبوتات ضخمه لمراهقين ضعاف عاطفيا و تطلب منهم انهم ينقذوا الكوكب هتكون فكره بشعه!. ايفا معروف بالعديد من انعطفات القصه الغير متوقه (plot twists يعنى ) و الغموض الذى يترك مفتوح لتفسير المشاهد, و هذا صحيح خصوصا فى End of evangelion و نهايته بس برضه هذا يطبق على نهايه المسلسل ايضا. احد مشكلات التى عانى منها الكثير فى السلسله الاصليه هى ميزانيه الرسومات المحدوده للغايه التى ادت لاحقا الى مشاهد زى مشهد السلم المتحرك المشهور و اخر حلقتين كانوا باقيلهم ميزانيه قليله اوى باقيه لدرجه انك تحس انك بتتفرج على عرض باوربوينت (powerpoint) معمول فى فصل الفلسفه بتاعك فى الكليه! انا مش بهزر, هو عباره عن كده بالظبط!, الشىء اللى لا يمكن انكار ايفا منه هو ان Anno كشف عن روحه لينا و ورانا اعماق اكتئابه و مخاوفه. Anno يدعى انه عمل السلسله دى ليتغلب على موت امه. ده كان طموح واسع لشونين معمول فى1995. ايفا عدى الحدود اللى فى الشونين و سمح للدرامه النفسيه فى الانمى انها تنتشر اكتر. قبل ايفا اغلب ابطال الشونين كانوا مقدامين و سعداء الحظ زى جوكو من دراجون بول. عن طريق جعل شينجى (shinji) طفل متذمر و باكى و ذا مشاكل نفسيه Anno كان بيعيد اختراع ابطال الشونين, و هذا تحول فعلا الى ان يكون حركه عبقريه لأن الاوتاكو الوحيد و الغير ملائم اجتماعيا يقدر يميز شخصيه شينجى و يتعاطف معاه بطريقه لم يستطع ان يشعر بها من قبل مع الخارقين جوكو او كينشيرو (بتاع سيف النار). هذا التعاطف جعل شينجى شخصيه مبتكره و مؤثره على عكس الشونين الراكد ان ذاك. فى احد المقابلات سأل احدهم Hideaki Anno (اللى عامل نيون جينسيس و المؤسس المشارك لGainax) عن شخصيه Rei لأننا نرى قليلا من شخصيتها. لأن Anno هو Anno فهو رد بأنها معندهاش شخصيه لأنها شخصيه مكتوبه بضعف من مؤلف بشع. و لكن طبيعة Rei الغامضه جعلها احد اكثر البطلات المحبوبه. فى اليابان كان يطلق عليها “The premium Girl” او الفتاه الاستثنائيه لأن التماثيل الخاصه بيها بيعت بشكل جيد جدا (على الرغم ان هذا اثار اشمئزاز Anno).
Asuka عباره عن حزمه هرمونات مراهقه و غضب مع عدد كبير من الاهمال النفسى مثل Shinji,هى متهوره, حاده و بغيضه بشكل لا يصدق و لكن المشاهدين تعاطفوا معها رغم ذلك. تقريبا كل شخصيات ايفا عباره عن حالات نفسيه و اصحاب اختلالات نفسيه التى تجعلم مثيرين للاهتمام بشكل كبير.
اغانى الافتتاحيه و النهايه (OP and ED songs) واخدين مرتبه انهم احد احسن الاغانى فى تاريخ الانمى (بس بالنسبه لذوقى مش اوى). الموسيقى فى المشاهد كويسه جدا و لايقين مع الجو بشكل حلو. الرسم حتى بعد 20 سنه يعتبر كويس جدا (مع الاخذ فى الاعتبار مشكله الميزانيه)
بسبب الميزانيه القليله و شويه مشاكل ثانيه الانمى لم ينتهى بشكل كويس اوى, ايوه هو كان رحله نفسيه رهيبه بس مقدرش يوصل اللى كان يقدر يعمله.


8.5/10

About the author

IslamGinpachi