العاب مراجعات

مراجعة لعبة Uncharted 4!


فى ناس كتير عملت مراجعات و فيديوهات للعبة سواء Gameplay او Review برده و طبعا من غير ما انا اتكلم كله بيشكر فى اللعبة تقريبا محدش اشتكى و بدأ ينتقد اللعبة على انها فاشلة… فممكن تقول ان المراجعة ديه هي تجربتى الخاصة مع اللعبة بالاخص فى Single player Mode.

 

نبدأ بالقصة:

القصة بتبدأ بانك على مركب و معاك حد فى المركب اسمه Sam بعد اما المهمة ديه بتنتهى اللعبة بتعمل Flashback ل Nathan Drake و هو صغير تقدر تقول كمان ان المشهد بتاع المركب ده Flash Forward و هو عبارة عن مقطع متاخد من قدام فى احداث اللعبة… ال Flashbacks مستخدمة بحيث تديك معلومات عن ماضى بعض الشخصيات المهمة فى اللعبة بالاخص Sam…شخصية Sam لو شفت الاعلانات هتعرف قد ايه شخصية Sam مهمة للقصة و مع ان ديه اول مرة يظهر فى السلسلة و ان دوره كبير جدا فى القصة الا ان طريقة سرد القصة اقنعتنى تماما ان فعلا موجود فى السلسلة كلها و ان Nate يعرفه فعلا… اقدر الخص القصة فى ان رجوع Sam هيبقى سبب قيامهم بمغامرة جديدة هدفها الوصول لكنز مفقود و الكنز اللى بيدوروا عليه ليه علاقة بماضيهم برده

و فى محاولة عثورهم على الكنز فى واحد تانى بيطارد الكنز و بيحاول ياخده ليه هو لوحده و مش هيقف غير اما ياخده هم فى الحقيقة شخصيتين اسمهم: Rafe و Nadine و خلينى اقول انهم احسنوا جدا فى تصميم الشخصيات مش بس من المنظر لكن فى سلوك الشخصيات و علاقتهم ببعض.

نكتفى بالجزء ده من التركيز على القصة و نروح لجزء تانى و هو اسلوب اللعب!

اسلوب اللعب و التحكم بالشخصيات يكاد يكون مثالى “Butter Smooth” المشكلة الوحيدة اللى قبلتنى كانت فى نظام ال Covering كان ساعات مش بيظبط و بيحط الشخصية فى مواقف رخمة لكن عمرى ما حسيت بالازعاج بالعكس كنت بحس بضغط شديد فى انى لازم اطلع من الموقف اللى انا فيه باى طريقة ممكنة.

اللعبة قدمت بعض الاسلحة او تقدر تقول ادوات اكتر من اسلحة زى الحبل بيخليك تقفز من مكان لمكان و عن تجربتى كان من احسن الحاجات اللى بحب اعملها و الحاجة التانية هى شبيهة شوية بالاداة اللى بتستعملها Lara Croft فى تسلق الجبال اللى بتثبت نفسها بها على الجبل.

 

تجربتى مع اللعبة كانت كمان على مستوى صعوبة متوسط و تقدر تقول ان كل الاوقات اللى كنت بموت فيها كانت بتبقى اوقات ال Combat بسبب الضغط الرهيب عليك من ال AI بس مش معنى كده ان ال AI عالى اوى بالعكس ساعات ال AI بيبقى متوسط جدا زائد كمان ان ال AI فى اللعبة حتى لو شافوا واحد من الناس اللى معاك مش بيديهم اهتمام طالما انت مختفى ناس ممكن تعتبر ان ده شئ وحش بس انا بقول ان ده مناسب جدا للعبة بالحجم ده و ان ده شئ طبيعى لانك مش بتتحكم بتصرفات اى حد من ال AI نهائي.

من الحاجات اللى بتميز اللعبة هى السيناريو بتاعها تقدر تقول ان اللعبة فى نفسها فيلم مدته اكتر من 14 ساعة او على الاقل تقدر تقول انى خلصت اللعبة فى 14 ساعة او اكتر كنت بحاول اجمع الكنوز الصغيرة اللى بتكون منتشرة فى اللعبة مشكلتها الوحيدة ان الكنوز ديه ملهاش اى ميزة كبيرة اكنك بتجمع اى حاجة و خلاص بس كل كنز ليه تصميم مختلف و مميز غير كده مش بتعلى او توطى اللعبة

لعبة Uncharted مش Open World و لكن هى عبارة عن ان كل Chapter فى القصة عبارة عن خريطة كبيرة تقدر تستكشفها زى ما انت عايز يعنى تقدر تقول Wide linear و ده كان مناسب جدا سواء من التنقل فى الاحداث او بسبب الرجوع للماضى فى ال Flashback او انك تعرف كل شخص بيمر بايه.

كنت عايز اركز على حاجة كمان الشخصيات فى اللعبة مستخدمين بطريقة بحيث ان شخصية Nate متفضلش لوحدها طول اللعبة بمعنى ان من اول اللعبة اما بتبدأ لحد اما بتنتهى بتلاقى حد مع Nate سواء Sully او Elena او Sam ده فى حد ذاته بيقوى سرد القصة اذا كان بيتكلموا مع بعض او بيتخانقوا او بيحاولوا يوصلوا لمكان معين و عمرك ما هتحس ان الشخصية اللى معاك بتجبرك على حاجة معينة او انها بتعطلك على انك توصل لمكان معين

لو هتكلم عن ال Graphics فانا ممكن اكتفى بانى احط صور من اللعبة نفسها.. تقريبا انا مشفتش لعبة فى جمالها من ناحية ال Graphics و جمال البيئة اللى الشخصية بتبقى موجودة فيها اللعبة فعلا شغالة على 30 Fps و عمر ما حصل معايا Frame Drop الا مرة واحدة بس و كان ساعتها ماشى فى حتة مكملش ثانيتين و بالظبط و محصلش برده معايا غير Glitch واحد فقط خلال ال 15 ساعة اللى لعبتهم و ده انجاز فى لعب كتيرة تانية مليانة مشاكل بدون ذكر اسماء…

اى حاجة انت شفتها على النت سواء من فيديو لل Gameplay او مقاطع سينمائية من اللعبة فهى موجودة بنفس الجودة اذا مكانش اتحسنت كمان غير لعب تانية بيحصلها Downgrade فى ال Graphics…

اللعبة ممتازة سواء فى سرد القصة او اسلوب اللعبة او Graphics او حتى فى الشخصيات و كمان استخدام الموسيقى الرائعة مع تسلسل الاحداث و نهاية اللعبة اللى بتدى لكل الشخصيات نهاية ما عدا شخصية معينة بس تقدر تقول انك مش هتهتم بها قوى

سلبيات اللعبة اقدر اعدهم لك على ايد واحدة و بيتلخصوا كالاتى:

  1. احيانا عشان القصة تستمر بتلاقى تواجد شخصيات فى المكان من غير تفسير كبير لوصولهم فى المكان.
  2. نظام ال Covering كان ممكن يبقى احسن.
  3. ال Glitch و ال Fps Drop اللى حصل معايا.

حاجة اخيرة من الحاجات اللى بسطتنى فى اللعبة كانت Easter Egg للعبة كانت بتمثل جزء من طفولتى و هى Crash Bandicoot.

 


Uncharted 4 - A Thief's Closure
  • Storytelling - 9/10
    9/10
  • Characters - 10/10
    10/10
  • Graphics - 10/10
    10/10
  • gameplay - 9.5/10
    9.5/10
  • Music - 9.5/10
    9.5/10
9.6/10

About the author

Mohamed Asaad

Loves Movies, Series, Anime, Manga, Comics and can talk for hours about them, metal music is what drives me and I'm a Big Geek!