العاب مراجعات

مراجعة لعبة Undertale


دا اول ريفيو جيم ليا خالص, لذلك اتمني انكم تستمتعوا بقرائته.

———————————————–
undertale-logo

النوع: أر بي جي-“ايندي جيم”

قام بصناعتها: توبي فوكس.

الفتره: من 5~3 ساعات لكل راوت (وهما 3 راوتس اصلاً)

المساحه: 124 ميجا.

——————————————-

المُلخص:

لـعبة “اندرتيل” هي لعبة بتتلعب بنظام الأر بي جي, باستايل تسعينـاتي شبيه لإستايل لعبة “ايرث باوند”.

“اندرتيل” كشفت نفسها بكونها احسن من معظم الألعاب الأر جي بي وانها مُميزة في كونها مش من النوع الصريح التقليدي, اللعبه فيها رووتس مُتعدده اختيار اي واحد فيهم بيتوقف على تنفيذ مع الأفعال, ونهايات مُتعدده لكل روت, على سبيل المثال:

“تحذير في سبويلر صغير هنا”.

(الروت المُحايد): ودا كله غالباً بيقع فيه لو مكانوش عارفين اي حاجه عن اللعبه!

(الروت الهادي): ودا الروت الحقيقي, ودا نهايته كويسه.

(روت الإباده الجماعيه): ودا نهايته وحشه. ومش هنتعمق في مناقشة الجزء دا عشان منحرقش على حد. بس خلينا نقول ان في اللعبه دي, ممكن تبقى البطل, او الشرير!
undertale-gameplay

  ———————————————–

* اللعب *

“اندرتيل” مليانه تجارب ممتعه, ومليانه شخصيات مُحببه بالأضافه مليانه تفاصيل وكمان تم صنعها بشكل جيد جداً.

جزء “مواجهة الخصم” اللي بتواجهه واللي بتختار فيه انك تقتله, او تحرره بعد ماتسببله ضرر كافي, وكمان جزء ان العدو لما اسمه يظهرلك بالأصفر ووقتها يطلب منك الرحمه, هنا بتختار يإما تحرره, او تجرب معاه اختيارات كتير زي “المدح”, “السخريه”, “التشجيع”, واختيارات مُتعدده لكل خصم.

وخلونا مننساش ان اللعبه مليانه بكومنتات ورسايل مكتوبه حلو ومضحكه سواء من الشخصيات او الخصوم اللي بتواجههم.

undertale-gameplay1

اللعبه برضو فيها سطور قصصيه مكتوبه كويس, ودا والدليل على دا التمهيد اللي كان في اول اللعبه, اللي كان نصه:

“منذ فتره طويله, كـانت هُناك قوتان عُظمتان يحكمون الأرض: البشريين والوحوش, وفي يوماً ما, قامت معركه بين القوتان, وبعد فتـرة معركه طويله, إستطاع البشريين ان يُحققوا الإنتصار. وقاموا بحبس الوحوش في العالم السُفلي بتعويذة سحريه.

وبعد سنوات عديده… الأساطير تقول ان هؤلاء من يتسلقون الجبال لا يعودون ابداً “

انت بتلعب اللعبه كشخصيه تُدعي “فريسك”, اللي وقع من الجبل وذهب “للعالم السُفلي” اللي الوحوش محبوسين فيه, ومن هنا, هيبدأ في رحلة انه يلاقي مخرج من العالم السفلي دا للعالم الخارجي, وبيخوض مغامرات وبيقابل فيها الكتير من الشخصيات الوحوش.

 


  • Story - 8/10
    8/10
  • Enjoyment - 10/10
    10/10
  • Art - 8/10
    8/10
  • Characters - 8/10
    8/10
  • Gameplay - 9/10
    9/10
8.6/10

About the author

AccelMody

Not your typical credit and not your so typical anime watcher
i go by never judge by it's genre who knows might be fun and one more thing
All Hail Lelouch