انمي مراجعات

مراجعة مانجا توكيو غول


 

ملحوظه : في جزء تاني !

القصه :

بتدور قصة ” توكيو غول ” عن الطالب المبتدئ في الجامعه – كين كانيكي – اللي بيتحول لغول بسبب كونه ” المُستـَقبـِل ” في عملية زرع اعضاء من غول سىء السُمعه يُدعي  ” بينجي ايتر ” . وكونه اصبح غول ادي لمقابلته لعدد من الغيلان التانيه وفي بعض الحالات بيقع في مواقف صعبه بسببهم ..

 

 

” توكيو غول ” بدأ الأول ببطئ مع وجود شوية ” اركس ” كبدايات .. بس بعد كدا الأحداث بتبدأ تاخد شكل سريع ، بعض المعلومات بتبدأ تظهرلك ببطئ .. ودا في حد ذاته شىء كويس بدل ما يتم اعطاء المعلومات كلها ككتله واحده في آنٍ واحد !!

 

اسلوب الأنمي جـاد بس برضو فيه بعض اللحظات الكوميديه اللي موجوده بمعدل مناسب بحيث متشتتش انتباهك عن القصه نفسـها .. ودا اللي يخليني انتقل على نقطة ان في بعض الحلقات الـفيلرز ، بس لما في فيلر بيتعرض .. عادةً بيديلك المعلومات المطلوبه عشان تكمل بيها الشابتر اللي بعده

 

 

وجهات النظر بتختلف مع مرور الشابترز .. ودا بيديلك فرصه انك تشوف جزء من قصة كل شخصيه بشكل مستقل ، وتشوف القصه من وجهة نظرهم ، في 3 وجهات نظر في القصه : نظرة البطل بتاعك اللي هو ” كين كانيكي ” ، والشرير الحاضر ، ونظرة المحققين-البوليس

tgc tgd

وبيدور منظور القصة في الغالب حوالين الجوانب دي ، ودا بهدف إعطاء المشاهد نظرة أشمل وأعم للي بيحصل في كل جانب من جوانب القصة. وبناء على ذلك لازم نوضح نقطه مهمه ، وهي أن المؤلف حط معلومات إضافية في الأنيمي نفسه، عشان كدا هتلاحظ أن في بعض الأحداث غير مبررة، زي العداوات والأحقاد القديمة بين الشخصيات، بالإضافة إلى تاريخ الشخصيات. وبرغم أن كل دي تفاصيل صغيرة إلا إنها في غاية الأهمية في الأنيمي، ودا اللي اضطرني إلى المشاهدة الكاملة عشان املى الثغرات دي في القصة.

 

 

 

الرسم :

كلنا ممكن نتفق ان الرسم من اكتر الحجات اللي بتميز توكيو غول بس سعات تحس الرسم متشقق ومش منطقي .. بيتحول لكونه مرسوم كويس جداً لحاجه انا تقريباً اقدر ارسمها بإيدي الشمال !! والمشكله الأساسيه في الرسم بتتمحور في رسم المنظر الجانبي ليهم اللي احياناً بيفتقر لبعض —- وبيبان برضو ان طريقة رسم الوشوش لوحدها من زوايا معينه بتدمر تماماً تعبيرات الوجه عند الشخصيات .. وبتغير تماماً الشكل اللي المفروض يبقوا عليه !!    

   tgk

 

الكويس في مشاهد الأكشن الموجوده هو ان المؤلف بيعرف يرسم التركيب الجسدي للشخصيات وعارف يستغل دا لصالحه ، بيطلع الأفضل من الشخصيات وبيظهره في مشاهد الأكشن ، والشكوي الوحيده اللي عندي على رسم الأجساد هو ان الشخصيات لما بتقف ثابته .. احياناً بتبان فجأه شكلها مش طبيعيه ومتخشبه مكانها !

 

 

الشخصيات :

الشخصيات مثيره للإنتباه .. وسهل انك تلاقي شخصيتك المُفضله في وسط الغيلان والبشريين اللي هتلاقيهم على مدى القصه ، كل شخصيه ليها خلفيتها ، وبتلعب دور مهم جدا  في اللي بتحدده الشخصيات في الوقت الحالي ، كل شخصيه عندها ثييم لوحده وبيبقي شىء لطيف لما بنشوف الثييم دا موجود في تصميم الشخصيه ، كل الشخصيات من السهل تفريقهم عن بعضهم البعض .. والأسثتناء الوحيد للموضوع دا هما شخصيات البوليس والمحققين المذكورين في المُلخص .. والمشكله الأخرى الموجوده برضو ان في بعض الجوانب من سمات الشخصيات مُستهلكه واتعملت كتير قبل كدا !!

الشىء العظيم في المانجا دي على الجانب الأخر ان الشخصيات بتطور !! ، شىء مُرضي فعلاً اننا شوفنا المؤلف فكر في الموضوع دا وعمل اسباب منطقيه للشخصيات عشان تتغير .. فعلاً الأسباب اتكتبت بشكل مُتقن جداً وانا متحمس للغايه اني اشوف التطورات القادمه اللي هتطرأ على الشخصيات في الجزء التاني !

51010_tokyo_ghoul

 

بنظره عامه :

مانجا ” توكيو غول ” فعلاً تستحق القراءه نظراً لإن القارئ هيلاقي فجأه نفسه اندمج مع كل شخصيه عاطفياً على حده .. وهيعاني في انه يميز انهي جانب في الصراع دا اللي بيحارب للأهداف الصحيحه والحق ! ، بالنسبه لي النقطه دي كانت استثنائيه لإن هو دا تعريف الصراع في الحياه الواقعيه .. مفيش حاجه اسمها ابيض واسود ، لكِـن في درجات كتير للـرمادي في حياتنا           


  • Characters - 8.5/10
    8.5/10
  • Story - 8/10
    8/10
  • Enjoyment - 9/10
    9/10
  • Art - 8/10
    8/10
8.4/10

About the author

AccelMody

Not your typical credit and not your so typical anime watcher
i go by never judge by it's genre who knows might be fun and one more thing
All Hail Lelouch