انمي مراجعات

مراجعه أنمي Buso Renkin


قصة آنمي بوسو رينكن هي قصه بتضمن مزيج من عناصر الآنيمي مختلفه زي فولميتال الكيمست ريورو كينشن, بس دا لا يعني انه مش مسلسل عظيم!

 

القصه:

قصة الأنمي نوعاً ما واضحه وصريحه, الناس اللي يعرفوا حبكة بليتش هيلاقوا القصه تجريبيه للغايه وغالباً هتنال اهتمامكم. القصه بتدور حول ولد بيصحي من كابوس. في الكابوس دا كان بيحمي بنت من وحش لكن تم قتله اثناء ذلك, ومؤخراً بيكتشف انه مات فعلاً وإن اللي مخليه عايش هو حرفه كيميائيه تُعرف بإسم كاكوجاني توكيكو -البنت اللي انقذته- بتشرح بعدين ان الحرفه دي بتساعد على تشكيل غريزة المُحارب وتجسيدها على شـكل سـلاح يُدعى بوسو رينكن.

والبوسو رينكن معناه السلاح الكيميائي. الوحش في تلك القصه يُدعى هومنكلي والوحش دا بيعبث في الأرض فساداً, وعلى المحاربين الكميائين انهم يستخدموا اسلحتهم لهزم الـهومنكلي. في مشاهد أكشـن موجوده, ولكن بالأضافه لذلك في مشاهد لحياة مدرسيه عاديه مليئه باللحظات كوميديه, وأيضاً الغاز مأساويه بتتكشف تحت سطح كل مايحدث.

 

الرسم:

التصميم الفني للأنمي مستواه عالي جداً, المواقع شكلها جيد حته لما بيتم تدميرها, وصدقني. دا بيحصل كتير. بس على الجانب الأخر تصميم الشخصيات… غريب! شخصيات زي بابيلون و موون فيس تحس انهم خارجين من قصص خُرافيه او قصص اطفال.

الساوند تراك :

علي ان اعترف ان ساوند تراك للأنمي رائع! . اغنية المقدمه روعه وتقريباً كل الأغاني مثاليه ولايقه على مضمون الأنمي. من غير الموسيقي المعارك ممكن تكون مُمله. في الواقع ، موضع القوة للأنمي بيكمُن في ان الساوند تراكس للمعارك مُذهله! وبيدوا للمعركه روح دراما اكتر وحماس بالأضافه اكيد لإحساس البطوليه. حاجه بعيده تماماً عن الملل. السييم المحطوط لمشاهد الطبيعه برضو محطوط بشكل ممتاز وبيدوا احساس السِلم-الحَسم بناءاً على الموقف.

 

الشخصيات:

تقريباً احلى جزء في الأنمي هو التنوع الموجود في الكثير من الشخصيات المُمتعه للغايه والمُحببه, الأنمي فيه الكتير من الأعداء, بس مكنش فيه فعلاً شخصيات شريره! كل الشخصيات السيئه عندهم مُبررات لأفعالهم, تقريباً كلهم عندهم ماضي مأساوي, ومفيش شخصيه معينه تقدر تكرهها فعلاً. اظن ان شخصية الخِصم الرئيسي كوشاكو شونو هو من اكتر الشخصيات الشريره المضحكه والمحبوبه على الأطلاق! في الحقيقه هو حته مش شرير اوي كدا. في الواقع في اغلب الأوقات كان بيساعد الشخصيه الرئيسيه لإنه مش عايز اي حد تانيه يهزمه, هو عايز يهزم كازوكي بنفسه في معركه مُنصفه. مُحاربي المُفضل تقريباً هو كابتن برافو لإنه خرج من النطاق التقليدي للتفكير من نوعية “انا هعمل الشىء الصح ، لإن دا رأيي” وراح لمنطق “انا هعمل الشىء الصح سواء هيألمني او لأ” دا طبعاً بالأضافه لإسلوبه.

شخصية توكيكو كانت مُميزه, قدرت تخرج من نمطية الشخصيه النسائيه الجميله اللي بتشهر سلاحها وهي حطه مونيكير مثالي, لنمط اكثر ذكوريه وجرأه وشجاعه.

شخصية كازوكي الشخصيه الرئيسيه هو شخصيه مندفعه, عازم, ومضحك! وانا عارف ان في شخصيات رئيسيه كتير زيه بس بطريقةٍ ما من النادر انك تلاقي شخصيه فيها النوع دا من الكاريزما اللي تقريباً بتأثر على الكـل.

نظرة عامه:

الأنمي دا من النوع اللي يخليك عايش في حالة من التشويق للنهايه -على الرغم من انك لو شخص مُطلع اكتر على قراءة المانجا هتلاقي ان النهايه واضحه !-

بس مش هتقدر غير انك تحب الأنمي ودا جانب من الجوانب, الفكره بس ان القصه بتطور بشكل مُسالم وهادي وتعلقك بالشخصيات بيزيد مع كل حلقه, في بالتأكيد بعض الرومانسيه في الأنمي ودا بالنسبة لي غريب نظراً لأنها مانجا موجهه للولاد, بس نوع الرومانسيه دا قدر يأمن مكانه كويس في القصه, واظن دا اللي خلاني احب الأنيمي.
.


  • Story - 7.5/10
    7.5/10
  • Characters - 8/10
    8/10
  • Animation - 8/10
    8/10
  • OST - 10/10
    10/10
  • Enjoyment - 8/10
    8/10
8.3/10

About the author

AccelMody

Not your typical credit and not your so typical anime watcher
i go by never judge by it's genre who knows might be fun and one more thing
All Hail Lelouch