افلام و مسلسلات

مشاكل فيلم Suicide Squad خلف الكواليس!


يمكن يكون المقال ده متأخر و خلينا نبدأ اننا كان هدفنا على الاقل اننا منتكلمش عن الحوار الا بعد اصدار الفيلم فى مصر كمان على الاقل الناس تكون شافت الفيلم و كونت رأيها بالرغم عن اللى هقوله هنا حاجة كمان انا لسه مشفتش الفيلم لاسباب صحية

لكن اللى هقوله اتنشر بره و المخرج/ David Ayer اكد على جزئيات من اللى هتكلم عليه ففى الاخر ممكن تكدبنا او تسمعنا لحد الاخر نبدأ بقى

455714-director-david-ayer-poses-before-a-gala-screening-of-his-film-fury-in-
David Ayer The Director Of Suicide Squad

شركة Warner Bros طلبت من David Ayer انه يعمل سيناريو بسرعة جدا عشان يعمل فيلم Suicide Squad

فالمخرج خلص السيناريو فى 6 اسابيع و اه ده صغير جدا بالنسبة لفيلم بالحجم ده

تانى حاجة بعد اما المخرج خلص تصوير الفيلم و تم نشر خبر ان فى Reshoots ده بالنسبة لاى فيلم حاجة تقليدية و عادى جدا لكن شكل اللى حصل انهم كانوا بيركزوا على اخر الفيلم عشان يحسنوه اكتر و واضح ان معظم الناس كان عندها مشاكل فى اخر الفيلم عموما

نيجى بقى للخبر التقيل ان فى كذا نسخة من الفيلم

نسخة اللى عملها David Ayer و نسخة Warner Bros طلبت من شركة مختصة بال Trailers انها تعمل نسخة من الفيلم

و عرضوا نسخة David Ayer فى ال Test Screening

ال Test Screening ده بيبقى للناس اللى بتشوف الفيلم و بيقولوا رأيهم فى الفيلم عادى و من المفترض ان شركة الانتاج بتسمعلهم

بس واضح انهم سمعوا لهم بزيادة و اضطروا انهم يدمجوا نسخة المخرج مع النسخة التانية و يطلعوا بحل وسط فى الاخر و ده مشكلة لوحده

tumblr_nollbgMh7z1s9bqq4o1_1280

طبعا وقت ال Press Screening النقاد كان رد فعلهم كان قاسى جدا على اللى شافوه و هم طبعا معندهمش اى فكرة عن اللى حصل خلف الكواليس ساعتها

خلينا نتفق ان فى ناس كتيرة برده عجبها الفيلم و فى ناس اتفرجت على الفيلم عشان الشخصيات و بسبب ده الفيلم عجبهم و فى ناس اتفرجت على الفيلم عشان تشوف القصة و دول اللى بالنسبة لهم ان الفيلم فشل

فى ناس تانية بقى خالص بتفكر ترفع قضية على شركة Warner Bros عشان الدعايا الغلط و اللى خدعت الناس ان ال Joker موجود كتير فى الفيلم لدرجة ان ممكن تفتكر انه الشرير فى الفيلم لكن الوضع مختلف جدا فى الفيلم..

zappa79

قولولنا انتم اذا كان عجبكم الفيلم ولا لأ و ايه المشاكل اللى شفتوها واضحة فى الفيلم؟!


About the author

Mohamed Asaad

Loves Movies, Series, Anime, Manga, Comics and can talk for hours about them, metal music is what drives me and I'm a Big Geek!