انمي

نظرة اولى للانيمي Interviews with Monster Girls


Interviews with Monster Girls او بالياباني Demi-chan wa Kataritai, بيكلم عن مدرس ثانوي اسمه تاكاهاشي, وهو عايش في عالم يوجد فيه مخلوقات بقوى خارقة, زي مصاصي الدماء, الشياطين, الدولوهان, حتى فتيات الثلج.

بس مش موجودين بكثرة, علشان تكاهاشي مشفش واحد لسه ساعتها. هو اكلم عنهم اه كتير مع اصحابه, ولكن هو نفسه نفسه يقابل واحد ويكلم معاه. فجاة مرة واحدة, تلات تلامذة ذو القوى دي قدموا في المدرسة, معاهم شيطانة شغالة كـ مُدرّسة (يا سبحان الله).

لما لقى نفسه جاتله الفرصة انه يقابل المخلوقات دي و يعمل معاهم زي مقابلة –زي ما مكتوب في عنوان الانيمي- عن حياتهم وانهم ازاي بيتاقلموا مع الحياة الطبيعية. دي لفة غريبة, الصراحة. وبسببها شدت انتباهي, لما قرات عنها.

لما توصلوا للمدة اللي انا وصلت لها في الفرجة على الانيمي و تتفرجوا على الكمية اللي وصلت لها, هيبقى في الاحتمالية انك تقفل من دماغك اي انيمي مدرسي, علشان انا شوفت منه قبل كده… شوفت من كتير اوي! بس ممكن تجزبني تاني للانواع من الانيميات دي, فـ عندك مثلا انيمي زي [Hibike! Euphonium] بس علشان تعملها لازم تخلي الانيمي يكون مرتبط بيا, يكون في تشابهات باللي حصلي قبل كده. فـ انت عندك في الانيمي ماشي بـ ان الشخصيات بتوعنا مش متاقلمين مع الناس؛ شخصيات ممكن تتهان, ويتريق عليها من ناس عاوزة مخهم تتفحص, علشان هما مش “زيهم”.

اللي متسطع عليهم الضوء هم مصاصة الدماء [ماشاء الله علطول مبتهجة], دولوهان اللي علطول خجولة, وفتاة التلج اللي تحس انها شاربة غباء, والصراحة غريبة انهم يجيبوا كائن زي فتاة التلج كده, من قلة المخلوقات اللي ممكن تتحط, بس كويس انهم بعدوا من انهم يحطوا مخلوقات تلاقي نصفهم التحتاني غريب كده ومش مريحك…

اللارتباط مابين الشخصيات وبينك, متعلقة بالتجارب اللي بتخضها البنات بسبب انهم “مش طبيعيين” اثناء المدرسة, علشان ما شاء الله كل اللي بيتابعوا الانيمي انطوائيين مليانين بالبؤس, ناس بيتخانقوا على مين احسن بنت! اربع مرات في السنة!

شخصيا. انا عمري ما كنت اجتماعي ايام المدرسة. كل مرة في حصة الرياضة, كان العيال بيختاروا فرقتهم في الكورة, وعلطول انا بتساب, وماحدش بيختارني, وكنت في الاخر باللعب كرة السلة لوحدي-اه ايام المدرسة بتاعتي ماكنتش زي الورد, انت شايف؟!

بتهيالي المشكلة في الارتباط في الانيمي, مكنش بالجرعة الكافية لحد دلوقتي [يمكن قدام يتظبط]. لسه مشفناش الشخصيات يتعاملوا مع مشاكل كبيرة زي الاضطهاد والعنصرية, بالقدر اللي انا اُفضل اني اشوفه.

اه المفروض ان الانيمي يكون كوميدي, بس لو هما حطوا اللقطات دي, حتى لو في حلقة واحدة, هكون بجد فرحان, علشان لو انت فعلا عاوز تجزبني للكائنات الاسطورية زي دي اللي عايشين في عالمنا الحديث ده, لازم تتكلم على المواضيع دي.

هما غير ذلك, عملوا شغل كويس؛ فعندك هيكاري مصاصة الدماء, اتحط فيها كل اللي نعرفوا عن المصاصي الدماء, وازاي بتطبقهم في حياتها اليومية, من خوفها من الثوم, وعطشها للدماء, وانها لو اتطعنت بعصاية خشب في قلبها تموتها… ممكن؟

بس في الحلقات اللي قليلة اللي نزلت احنا بنشوف قليل اوي من الصراع اللي بجد اللي المفروض البنات دي تتعامل معاها, بدل ده انت بتلاقي حلقة عندك بيكلم عن الدولوهان خارجة خروجة عاطفية… مع المدرس بتاعها… علشان ده هيكون مناسب…؟

طبعا هو مش عارف انها خروجة عاطفية, علشان باين عليه انه مسؤول عن كده, بس برضه كان من نفسي اننا نسيب الرومانسية على الباب في الانيمي, برضه علشان فرق السن اللي مبين تاكاهاشي والبنات. ممكن الحب البسيط مبينه ومبين والشيطانة [اللي شغالة مُدّرسة] اللي هي المفروض اكبر منه بكتير, انا ممكن اتقبلها. بس للاسف كلها احلام واماني.

هو صعب بالنسبة لي اني الاقي حاجة حلوة اقولها عن الانيمي- انا استمتعت بيه اه, بس مش هعرف اقول انه كوميدي؟ اه, الانيمي عنده شخصيات حلوة وانا عندي فضول بالاتجاه الجديد اللي وخدينوا في الاساطير دي اللي متعلقة بالمخلوقات دي.

انا الحاجات اللي بحبها في البرنامج انهم علشان هما ماشين جنب الحيط؛ الانيمي عنده نفس الاحساس زي اي انيمي مدرسي, بس مش بطريقة انك تحس انه ممل او متعاد, بالرغم من ذلك, هو متشابه, فاهم اقصد ايه؟

انت لو حاسس ان في جفاف في الموسم ده ومحتاج حاجة تصبرك لحد الموسم اللي جي, يبقى الانيمي ده يستاهل تتفرج عليه. غير كده. مقدرش اقول ان كل الناس لازم تروح حالا تشوف الانيمي.


About the author

IslamGinpachi