افلام و مسلسلات

هوس Hollywood بال Sequels و ال Reboots!


اما بنتكلم على ال reboot لافلام معينة معظم الناس هتبص على افلامها المفضلة و تقول ليه عملوا كده؟!

ليه يختاروا الفيلم ده بالذات مع ان فى كمية افكار جديدة من كتاب و مش بنشوفها على الساحة خالص؟

فى الحقيقة Hollywood مش ماشية بنظام ان ال Reboots احسن او انى اعمل Sequel ده يبقى الاصح

السنة ديه مثلا كان فى افلام Original بس يمكن الناس مخدتش بالها زى مثلا Kubo and the two strings الناس عشان شايفة ان ده مش فيلم Disney او Pixar فخلاص مش هيبقى فى نفس المستوى خالص و بالتالى تم الحكم عليه من قبل اما حد يشوفه الشئ المحزن مع ان كل اللى شافه بيشكر فيه الا انه محققش ارباح عالية بسبب ان الشركة مش Disney و طبعا لو حطينا فى الاعتبار ان الفيلم Animated كمان فده بيقلل عدد الناس اللى ممكن تفكر تشوفه الغريب بقى ان معظم افلام ال Studio ده محبوبة عند الناس اللى شافتها ال Studio اسمه Laika

افلامهم: Corpse Bride – Paranorman – The BoxTrolls – Coraline و اخرهم Kubo

بس خلينا منركزش على الفيلم ده بس فى افلام تانية كانت على الساحة و محدش خد باله انها Original زى Lights Out

فكرة الفيلم بسيطة فى قفل او فتح النور

بصوا انا هريحكم هحطلكم افلام Original نزلت السنة ديه من غير اما الناس تعرف انها Original:

Eddie the eagle, Jane Got a Gun, The Nice Guys, Midnight Special, Demolition Man, Sausage Party, Sully, Whiskey Tango Foxtrot, Eye in the Sky, Keanu, Green Room

انا ممكن اكمل بس كفاية موقع The Wrap عمل مقالة عن عدد الافلام ال Original اللى اتعملت و هتتعمل السنة ديه و كان عدها 61

طب ليه الناس بيفضلوا يقولوا ان Hollywood مهتمة بال Reboot و ال Sequels و انها تعمل لكل فيلم سلسلة و ممكن تعمل عالم كامل زى Marvel و زى DC “لسه بتحاول فيه”…. الغريبة ان Fox هى اللى بدأت حوار ال universe بس من غير اما تحط عليه لقب عندنا 6 افلام عن ال X-men ده غير افلام Wolverine و كمان فيلم Deadpool و المحاولات الفاشلة ل Fantastic Four

ممكن الناس بتتكلم و تقول ان Hollywood مهتمة بال Reboot و ال Sequel بسبب ان اى حاجة ناجحة بيعملولها Sequel

ديه جزئية صحيحة بس فى الاخر ده بيرجع لان الفيلم حقق نجاح رهيب و بالتالى ال Studio شايفة انها تكمل على النجاح ده و تكمل حتى لو مكانش الفيلم ناجح فى اعين النقاد .. اما الفلوس تظهر يبقى مفيش اى سبب يمنع الاستديو انهم يعملوا جزء تانى

مثال بسيط فيلم Alice In Wonderland الفيلم فشل فى انه يعجب النقاد و بالتالى الاراء عليه كانت سلبية لكن لو بصيت على ال Box Office  بتاعه هتلاقى انه محقق ايرادات وصلت للبليون!!! فاكيد اى Studio هيعمل جزء تانى مش محتاجة تفكير

بس عارفين الجزء التانى جقق كام ؟ … 290 مليون

عارف ان الارقام ديه لسه كبيرة بس اما بتحط فى دماغك الميزانية اللى داخلة فى صنع الفيلم و اما تشوف الفيلم نزل قد ايه فى الايرادات مش محتاجة تفكير ان الفيلم ميكونش حقق الهدف اللى محطوطله

فى افلام برده مبتعملهاش اى Sequels سواء حققت ارباح كبيرة او لأ اكبر مثال على كده افلام Quintin Tarantino ما عدا فيلم Kill Bill ممكن نتكلم فى انهم فى عالم واحد بس كل فيلم اما بتشوفه ملوش اى علاقة باللى قبليه او اللى بعديه و مفيش اى وجه ترابط فى الاحداث

كده ممكن نكون حلينا جزئية ال Sequel للافلام طب ليه الناس شايفة ان بيحصل Reboot كتيرة…

Star Wars, Star Trek, Planet of the Apes, Godzilla, James Bond

معظم افلام ال Superheros على فكرة تعتبر Reboots

الفكرة ان الافلام ديه لسه ليها جمهور كبير جدا و الناس بتطلبها يبقى ليه متتعملش

الافلام ديه عاملة زى افلام ال Westerns فى السبعينات و الستينات و الثمانينات كانت كتيرة جدا فى وقتها لان الطلب عليها كان موجود

دلوقتى الطلب على افلام ال Superheros و يمكن افلام ال Superheros و ال Comicbook هتفضل موجودة اكتر من وجود ال Westerns لكثرة الافكار

فى ناس متعرفش ان فيلم V for Vendetta معمول من Comic

فى ناس متعرفش ان Kingsman معمول من Comic

و برده فى ناس متعرفش ان فيلم Road To perdition معمول من Comic

ناس متعرفش ان فيلم زى The Mask معمول من Comic بس غيروا فيه كتير و شالوا الدموية اللى فى ال Comic عشان يعجب ناس اكتر لان فى الاخر الافلام مجرد Business

الناس فكرتها عن فيلم مبنى على Comic يبقى فيلم Superhero للاسف…

الفكرة ان افلام زى Star Trek و Star Wars و معظم افلام ال Superheros بتبقى افلام Block Busters يعنى هتلاقى ليها ضجة كبيرة جدا و بتغطى عن الافلام الصغيرة اللى ممكن تبقى Original.

قبل اما تتكلم عن ان Hollywood مهووسة بال Reboots وال Sequels شوف الافلام اللى نازلة السنة ديه…

ده حتى فيلم Central Intelligence كان Original 😀


About the author

Mohamed Asaad

Loves Movies, Series, Anime, Manga, Comics and can talk for hours about them, metal music is what drives me and I'm a Big Geek!