تكنولوجي

وائل الفخراني: لم أستقيل من كريم والشركة طردتني بطريقة مهينة


بعد 6 شهور، وائل الفخراني يترك منصبه كمدير تنفيذى فى “كريم مصر”. و عينت الشركة رامى كاتو علشان يحل محل وائل بجانب وظيفته الحالية كمدير للتعاملات فى مصر. فخرانى ترك Google بعد 9 سنين من شغله منصب القيادة فى مصر والشرق الأوسط.

أعلنت شركة “كريم” فى الصحف تبريرها لترك وائل للشركة بأنها قالت :

” فى بعض الأوقات بيكون فيه عقول كبيرة فى منصب كبير فى مجال مهم لكن مش بيكون ليها فائدة كبيرة … و بكده، شغل رامى كاتو منصب المدير التنفيذى فى الشركة، ومع القيادة الجديدة، الشركة متحمسة لمستقبلها فى مصر ”

رامى كاتو انضم بعد خبرة استمرت 21 سنة من العمل الادارى … اشتغل فى مجالات مختلفة، من مجال الطاقة لما اشتغل مع Exxon-mobile، لمجال الاتصالات بأنه قضى معظم حياته المهنية مع فودافون و أوراسكوم. و كمان شارك رامى فى إنشاء Djezzy اول call center فى الجزائر … قبل انضمامه ل”كريم”، رامى كان المدير التنفيذى ل Xceed، لما قدر يرفع الشركة من 3000 عامل إلى 7000 عامل. رامى حاصل على شهادة B.A فى الاقتصاد من الجامعة الأمريكية فى القاهرة، و حاصل على شهادة E.M.B.A من جامعة رين فى فرنسا.

ومن جانب آخر، كتب وائل فخرانى تغريدة على تويتر رداً على اللى نشرته الشركة، بيوضح فيها أنه لم يستقيل ولكن تم إبعاده بطريقة مهينة و مفاجئة، و لكنه بيقول انه تعب كتير و إنه متأكد إن حقه مش هيضيع.


About the author

Seif Aldin