كوميكس

ٍSuperman in a nutshell


زي ما عنوان المقال بيقول هنتكلم في المقال ده عن سوبر مان واللي من وجهة نظري اقوي وافضل بطل في التاريخ خاصة انه بيمثل كل ما هو خير وكويس في الكون وكأنك حولت Monk ل Superhero وهثبتلكم الكلام ده حالاََ …
اولا اصوله:-

بعكس ما الناس متخيلة قصة سوبر مان مش بالبساطة بتاعت ان كوكب كريبتون كان هيتدمر فابوه وامه بعتوه في سفينة فضائية للارض عشان يلاقيه Jonathan and Martha Kent واللي هيتبنوه وهيعيش باسمهم بعد كده Clark Kent … سوبر مان بدايته كانت في دماغ اتنين طلاب ثانوية عامة او زي ما بيقولو عليها في امريكا High school وهم Jerry Siegel و Joe Shuster واللي تخيلو سوبر مان بشكل دماغ لونها ابيض كبيرة جدا ظهرت في السماء فجأة وبتهدد العالم بالفناء ووو الي اخره من الكلام اللي اكيد كلنا عارفينه واي شخصية شريرة بتقوله لكن ادام شوية Jerry Siegel قرر انه يعيد صنع سوبر مان من اول وجديد ويبدا يوصل للنموذج الاولي من سوبر مان بتاع انهردة واللي فات عليه بالمناسبة 75 سنة وشوية سنين حلوين 😀 …

thesuperman1933
المهم … الراجل كان عايز يخلي سوبر مان رمز للقوة لان من اسمه يعني باين المفروض يكون شكله عامل ازاي وكان ساعتها رمز القوة في الراجل هو انه يلبس ال Underwear من برا ويكون لبسه عموما في الوان كتير خاصة ان عرض القوة في السيرك كان الراجل اللي بيطلع يعمله ده بيكون شكل لبسه وبالتالي اخيرا ديه الاجابة اللي كلنا منتظرنها من زمان علي ان ليه سوبر مان بيلبس Underwear احمر من برا 😀 … وبما ان سوبر مان هو اول بطل تم اختراعه في التاريخ فكل الابطال اللي بعده لبسهم مستوحي من لبسه واحيانا قدراتهم كمان او خلينا نكون عادلين شوية سوبر مان اصلا عنده كل انواع القوي تقريبا بالتالي كل القوي اللي هتيجي بعده هتبقي اما زيه او مشتقة منه بس ده ميمنعش ان في ابطال قوتهم مختلفة عنه وفي ابطال احسن منه في نفس القوة المشتركة بينهم وبينه …

بعد كده الاتنين الصحاب اللي كنا اتكلمنا عنهم قرروا يبيعو الشخصية لشركة detective comics اللي بعد كده ايوة انتوا صح بقت DC comics وبعدها بشوية صغيرة ظهر او comic في التاريخ يظهر فيه بطل خارق او بطل عموما وكان هو سوبر مان …

Action_Comics_1

كفاية كده حصة التاريخ ديه ونخش علي الحاجات المسلية 😀 …

ثانيا قوته:-

قبل ما ابدا اتكلم في الحتة ديه لازم تعرفوا ان كان المطلوب اصلا من سوبر مان انه يكون شخصية OP وبالتالي من الطبيعي انكوا تشوفوا احيانا حاجات مبالغ فيها وعايز ااكدلكوا انكوا هتشوفوا حاجات مبالغ فيها !!! … بجانب ان هيتم مقارنته بشخصيات من Marvel و DC مع بعض …

  1. مبدايا كلنا نعرف ان اساس سوبر مان هو القوة الخارقة لكن هل تعرفوا خارقة اد ايه؟ … سوبر مان في مرة من المرات اتحط في الة بتوازي وزن كوكب الارض وكان المطلوب منه انه يحركها باطرافه المربوطة بالالة ديه و Guess what 😀 سوبر مان قعد 5 ايام متواصلة بيحرك فيها والسبب الوحيد اللي خلاه يبطل ان الالة جابت اخرها وهو كان لسه معاه طاقة ولما نزل منها منزلش الا نقطة عرق واحدة لان طاقته اللي بيستمدها من الشمس قلت لانه كان ممنوع عن الشمس في ال5 ايام دول … انا سامع حد هناك اهو بيوشوش نفسه بكلمة Hulk :V … SM_13_1
  2. كلنا نعرف ان سوبر مان عنده Heat Vision لكن اللي متعرفهوش ان سوبر مان اشعته الحرارية بتقدر تقطع او تلحم اي شروخ في الزمكان او الواقع ذات نفسه … وبعدين هنروح بعيد ليه بلاش الزمكان والواقع خلينا في نفسنا احنا والكون بتاعنا وخدو الصورة ديه اللي سوبر مان بيقسم قارة كاملة نصين بالاشعة الحرارية بتاعته واللي حابب بعدها اشكر Cyclops علي مروره العطر علي المقال ده 😀 … 21-22
  3. كلنا عارفين برده ان سوبر مان سريع جدا لكن اللي محدش يعرفه ان سوبر مان الفرق بينه وبين سرعة فلاش حاجة بسيطة والفرق رغم انه موجود وفعلا فلاش اسرع من سوبر مان الا انه مش كبير زي ما الناس متخيلة … واللي مش متخيل الكلام ده اد ايه مذهل بامكانه انه يعرف ان فلاش هو اسرع بطل في التاريخ وبيقدر يتحكم في الزمن بسرعته وممكن يوصل لدرجة من السرعة انه يتحكم في جزيئاته ذات نفسها وفي كوميك ما فلاش قدر انه يتغلب علي سرعة ال Gods وراهنهم انه ممكن يروح مكان ما قبلهم والGods المفروض انهم بينتقلو لحظيا من مكان لمكان ولما راحوا المكان ده لقو فلاش Already هناك 😀 وطبعا مش ناسيكم بصورة كويسة للاتنين مع بعض …                        2675899-Flash-races-Superman-Wallpaper 2957987-1725074-superman709_012
  4. طبعا في القوة الشهيرة بتاعت النفس الخارق واللي في فيلم من افلامه جمد سطح بحيرة كاملة بيها لكن ده مش اقصي حاجة ممكن يعملها النفس الخارق واكبر دليل علي كلامي ان في عدد من اعداد سوبر مان كان عايز يضعف قوة نفسه وقرر انه يحاول يطفي الشمس بنفسه الخارق واكيد ده شئ هيتعبه ولكنه قدر انه يجمد الشمس بنفس واحد ومكنش لسه بدا يتعب حتي من النفخ وفي عدد تاني عطس في الفضاء والعطسة بتاعته اتسببت في تدمير مجموعة شمسية كاملة 😀 … 2324407-0022
  5. طبعا في حاجات تانية بقي زي انه قدر يحتوي ثقب اسود صغير كان هيدمر المجموعة الشمسية بتاعتنا بايديه بس وزي انه قوة ال Punch بتاعته ممكن تدمر كوكب من محاولة واحدة وممكن تسبب انحناء في الواقع واخيرا وليس اخرا superman prime mood واللي وهو فيها ممكن يخلق اكوان كاملة ويتحكم في الواقع ونسيج الزمكان وما الي ذلك … والقائمة ممكن متخلصش يعني …

ثالثا ليه انا بعتبره اقوي بطل في التاريخ وافضلهم اخلاقيا:- 

فكرة اخلاقيا مش محتاج اشرح فيها كتير لان كلنا عارفين المثالية اللي سوبر مان فيها واد ايه هو مؤيد لفكرة مفيش حد يتاذي حتي الاشرار نفسهم وهكذا الي نهاية الكلام الجميل ده …

فكرة القوة بقي هي اللي محتاجة شرح لان سوبر مان هو دايما المقياس بتاع اي بطل في القوة يعني لما الناس تحب تقيس قوة اي بطل بيحطوه ادام سوبر مان بجانب طبعا القدرات العجيبة اللي انا ذكرتها فوق وخصوصا حالة الPrime …

لكن !!!!!! …

ده مش معناه انه كسب او هيكسب كل معارك حياته وسوبر مان خسر معارك كتير قبل كده ومن وجهة نظري ان ديه حاجة كويسة والا الموضوع كان هيبقي ممل يعني وان كان برده مع كل خسارة بيكون في مبرر ليها في النهاية The guy is a freaking GOD 😀 …
رابعا واخر نقطة – علاقة سوبر مان بالشخصيات التانية:- 

غالبا كلامي هنا هيكون عن بات مان و دارك سايد لان علاقة سوبر مان بكل الناس غالبا بتكون كويسة بس علاقته بالاتنين دول بالذات مميزة شوية …

اولا بات مان ويعتبر صديق عمر سوبر مان ونقدر نشوف ده من خلال ال Animation بتاع Justice league وغيره من الكوميكس اللي كانوا فيها مع بعض ولكن ده ممنعش ان يكون في خلافات مبينهم واكبر دليل علي كده الفيلم اللي جاي اللي كلنا مستنينه وخليني اعملكم Spoiler صغير ان سبب الخلاف هيكون اختلاف في وجهات النظر مش اكتر في طريقة التعامل مع الاشرار علي ارض الواقع والله اعلم في الفيلم هيكون الامور ماشية ازاي …

maxresdefault

 

ثانيا دارك سايد وده مميز لانه مكنش مركز مجرد علي تدمير سوبر مان كعدو الا انه كان بيدمره نفسيا وجسديا وكل حاجة وسوبر مان معرفش يغلبه تقريبا الا لما حصله Snap من كتر الضغط النفسي اللي عمله دارك سايد عليه خاصة انه كان بيقتل الناس كانهم فراخ وبكل سهولة وSupposedly موت سوبر مان نفسه وسوبر مان بيكره موت اي حد خاصة لو هو حاسس ان هو السبب فيه …

7093c46c146106cf6909b63d898ef6bd17ac55cc07dcff0d20c83afaaa6d1e49


About the author

Seif Aldin