العاب

10 انواع للعيبة League of Legends


انواع النمطية للناس او المتعارف عليها مش دايما بتبقى كويسة او مفيدة ليك في الجيم , بس دا ميمنعش انك بتشوفهم كتير خلال رحلتك في الجيمات مع الناس المختلفة اللي بتلعب معاها. ممكن تبدأ تلاحظ في بعض الجيمات انك بتحس نفس الاحساس تقريبا, تحس انك لعبت مع ال 9 لعيبة دول قبل كدة من ناحية الطريقة و اسلوبهم. مع العلم ان عدد لعيبة Riot’s MOBA هو 67 مليون شهريا تقريبا, فتبقى صدفة يعني جامدة لو لقيت نفسك مع نفس المجموعة مرتين.

بعد شوية ابحاث عرفنا نجمع انواع اللعيبة ل10 انواع (9 انواع و انت العاشر).

1) الفارس الصامت:

ناس كتير بيظهروا نفسهم في الجيم و يخلوك تحس بيهم من خلال ال pings او ال all chat spam او لو انتوا على VoIP بيقعدوا يزعقوا. الفارس الصامت دا بقى بتلقيه عكس الكلام دا كله, بيلعب في صمت, عارف هو عايز يبقى فين و بيعمل ايه, تحس سكوته و مراقبته للي حواليه دول قوته الخارقة.

2) محارب ال keyboard:

الناس دي بتلعب على الكلام اللي بين السطور في ال chat, مش عارفين بيلاقوا الوقت منين بصراحة عشان يفضلوا يظبطوا الكلام, بيبقوا عارفين انهم لو لعبوا على دماغ الي قدامهم و حسسوه انه وحش هيصدق انه وحش و يكونوا كدة كسبوا نص الgame , لأن نص المكسب بيبقى على حسب دماغ اللعيبة, لو حاسيبن انهم وحشين هيعملوا fails كتير بالتالي هيأثروا على ال team و GG.

3) العصبين:

دول اللي احنا عارفنهم طبعا تحس كده في دوشة طالعة منهم حتى لو مش سامعهم, ابتداء من : You steal my CS! اللي هم اصلا مستنينك تموت نفسك عشان تنقظهم, دا كمان سواء انت ADC او حتى SUPP , طبعا جهز نفسك على ال report المتين بعد ال game.

4) المتفرجين على Twitch:

دول اللي بيتفرجوا دايما على ال streams و بيحفظوا كل الحركات و عارفين كل حاجة, الناس دي هتلقيها في chat ال pro players في stream مثلا لو حصل fail او bad play هم عارفين ايه اللي كان المفروض يحصل عشان يتجنبوها , مثلا زي انهم يبدلوا ال lanes في بداية ال game , حتى لو هم نفسهم مش بيعملوا كدا دايما و تلقيهم جايبنلك executioner’s calling في الاول و خلاص.

5) العراف المتشائم:

متفهمش جاتله منين نعمة الاستبصار و معرفة المستقبل بأنه من اولها كدا gg we lost , بس برضه خلينا نشكر النوع دا انه عرف من قبل ما ال game يبدأ اننا هنخسر, القدر قرر خلاص, فكويس اننا عرفنا بدري بدري.

6) ال Diamond المتخفي:

دي الناس اللي شايفين دايما انهم في rank اقل من اللي هم المفروض يبقوا فيه, هتلقيهم دايما بيحكولك عن مشاكلهم في ال الجيم اللي مفيش حد غيرهم بيواجه المشاكل دي.
ننصحك انك تركز مع الناس دي و تتعلم منهم و طبعا متنساش دايما تفكرهم بمكنهم الحقيقي و اللي هوwood division.

7) الطفل:

في الغالب الاطفال بيبقى عندهم مهارة اعلى و رد فعل اسرع من الشباب, و هم منتشرين اوي هتلائي جيمين مثلا لازم يبقى في على الاقل واحد, هم بيركزوا في ال plays انت هتبق مركز ان الجيم ميطولش عشان وراك حاجات تانيه.

8) القائد:

دا وجوده مهم جدا, اللي بيقرر امتى تروحو تجيبوا ال 1st turret , امتى تروحوا لل Rift Herald او ال Dragon
مش سهل انك تاخد القرارات دي بسرعة , بس دا طبعا مش مع وجود اجمد قائد جابه التاريخ , القائد دا هيتأكد ان كل حاجة ماشية تمام, و دا طبعا عن طريق الاوامر اللي هيديها في ال game, لا مجال للمناقشة او الاسئلة, اعمل المطلوب و انت ساكت.

9) المبتدأين:

كلنا كنا الناس دي في يوم من الايام, يمكن لسة كمان لحد دلوقتي مبتادئين بنسبة مختلفة, دي الناس اللي هتلاقيها بتشتري اللي قدمها في ال store و خلاص, او مع نفسهم في ال map. بس يعني دول مش ازمة لو جم معاك بالحظ اكيد حد جايبهم و هيظبطهم في ال game, خليك انت بس عامل حسابك انك هتعمل ping كتير.

10) مخترعين ال Meta:

ال ELO دا مجرد رقم, و الابداع كله بيتقاس بالارقام دي , عباقرة الايام دي مبقوش عباقرة بأتباع القوانين , لو لقيت لعيب بيلعب ب Anivia infinity edge او Renekton with five archangel’s staffs عاملوا الناس دي باحترام يا سادة, انوا بتشوفوا ميلاد الابداع نفسه.


About the author

AccelMody

Not your typical credit and not your so typical anime watcher
i go by never judge by it's genre who knows might be fun and one more thing
All Hail Lelouch