Cosplay

10 نصائح تساعدك فى عمل الكوسبلاى بتاعك !


1-أستخدم الأنترنت

عندك مواقع و tutorials بالهبل فيها اشهر و أكبر الكوسبلايرز. دايماً هتلاقى على مواقع زى The Replica prop Forum و غيرها Tutorials و Files للحاجة الأنت عاوز تعملها و هتوفر عليك مجهود و وقت كتير قوى. (http://www.therpf.com)

 

2-أستخدم أنواع مختله فى نفس الProp الى أنت بتعملها

يعنى مثلاً أعمل اللون الأساسى أسود Spray و بعد كده أعمل التفاصيل بAcrylic, بدل ما تعمل شكل و تقصه و تحتاج تفرغه.cNLc0l1C_1 spraypaint group

3- أستخدم الستيكرز

لو عندك تفاصيل او كلام مش عاوز تكتبه أو خايف من انك تبوظ الprop ممكن تطبعه على ورق sticker أو حتى ورق عادى و تلزقوا ب white glue.

4-أستخدم الورق (Pepakura)

فى برنامج أسمه Pepakura Designer أو Pepakura Viewer, ده بيبقى عليه Templates و قطع للحاجة الى أنت عاوز تعملها, و بعد ما تركب ال Prop ممكن تدهنها بكذا طبقة من ال white glue هيخليها تمسك نفسها و هتقدر تلونها. ممكن برده تلاقى foam files و دى بتبقى عباره عن أشكال شال منها حد الحتت الى مش هتحتاجها لو شغال بالfoam.

Untitled

5- أستخم Sponge brush مكان الHair Brush

ده فى حالة أنك بتوزع ال white glue, لما تستخدم الSponge Brush بتدى سطح ناعم أكتر و متوزع صح.

05114-group-1-3ww-l

6- لازم لازم لاااازم الCutter يكون حامى

لو الأداه اللى بتقطع بها مش حاميه يبقى الأجناب كلها مش هتبقى مظبوطه و هتضايقك و انت بتلزقهم و هتبقى عامله زى الصورة كده.

IMG_5368

7-خلى قطع الFoam الزياده (Scraps) بعد القطع

خليها لأن غالباً هتحتاج قطع صغيره بعد كده أو هتحتاج تملى فراغات بين القطع.

8-أوعى تخاف أنك تجرب حاجة جديده

جرب و اغلط و بوظ, مفيش حد هيتعلم إلا لما يغلط

“If you never failed, You never tried anything new”
جرب طرق جديده لعمل نفس الحاجه, جرب الوان مختلفة و مركات مختلفة…. الى انت عاوزه لأن ده الكوسبلاى بتاعك و انت حر فيه .. فن الكوسبلاى هو عباره عن أبداع و حريه.

9-أستخدم المواسير الPVC

ساعات بتكون محتاج Tube أو Cylinder و مفيش وقت أو مكسل انك تعملوا, أستخدم الPVC Pipes بتبقى جاهزه و ممكن تقطعها و تلزقها مع الFoam فى البيت عادى.

10-Nothing is perfect

صعب جداً أنك تطلع Prop زى الgame أو الanime او الفيلم أو مهماً ما كان الى انت عامل منو الprop دى و بالذات لو انت لسه مبتدئ لأن أغلبها حاجات خياله و لما تيجى تعملها فى الواقع هيبقى صعب بالأمكانيات الى معاك مثلاً فمتخليش الموضوع يحبطك, فى الأخر كله بيتعلم و بيكسب خبره و بيعمل Props أحسن كل ما بيشتغل.


About the author

Ahmed Elmayyah

Just a guy that loves to craft, play videogames, read comic books, code and build computers. Also a huge technology geek and computer enthusiast