انمي

7 اسباب له لازم تشوف انمي Re;Zero


أري زيرو – بداية حياة في عالم آخر.

لما تم عرض الأنمي في ربيع 2016 كان من المتوقع انه يكون مجرد آنمي متوسط الجودة وتقليدي، بس مع الأستمرار في مشاهدته… هتكتشف ان آنمي أري:زيرو من الأنميهات الرائعه جداً وتقريباً الأكثر تفضيلاً في السنه… لذلك في المنشور دا, هقول 7 اسباب يخلوك لازم تشوف انمي ري زيرو.

1.البطل مش دايماً بينتصر !

اغلبية الأنيمي بتذهب دايماً لفكرة وصف الأبطال اللي عادةً عمرهم مابيتهزموا! اللي بطريقةٍ ما بيقدروا يتغلبوا على الصعاب والعواقب الغبيه الموجوده ضدهم اللي بتمنعهم انهم يفوزوا على بعض الأشخاص الأقوياء فعلاً! في القصه بنتابع ساوبارو ناتسوكي” اللي بيتضح انه بطل القصه, “سوبارو” بعد كدا بيلاقي نفسه بيواجه تحديات كتيره جداً, و كل مره مفيش حاجه بتبقى لصالحه… كل مره في حاجه غلط بتحصل، ودا اللي بيدفع سوبارو لأقصى طاقات تحمله اللي بتمنعه انه يتخطي اي حاجه تقف في طريقه تاني!… يعني من الأخر, مبقاش يقدر يعمل اي حاجه بيحبها… نظراً لإن كل حاجه في النهايه غالباً هيحصل فيها حاجه غلط برضه.

natsuki_subaru_anime

2.” إعادة البدء “

 حاجه زي اختيار الـ”حفظ” الموجود في العاب الفيديو, ناتسوكي سوبارو الشخصيه الرئيسيه عنده قدرة انه يعيد رحلته من نقطه مُعينه من القصه بعد مابيتم قتله, بالرغم من ان القوه دي بيحيطها الغموض في المسلسل نفسه, إلا اننا عارفين انها متصله على نحوٍ ما مع كيان يُعرف ببساطه بإسم “الساحره”.

في اثناء استخدام اختيار “إعادة البدء” دا بنقدر نلاحظ ان الجمهور نفسه بيبدأ يقرب اكتر من بطلنا الرئيسي, مش بس لإن اغلبية المتفرجين جيمرز وعارفين قد ايه انك تعيد جُزء معين من اللعبه شىء مؤلم, لكن لإنه بيسلط الضوء على القلق اللي بيحصل لما تعرف ان اختياراتك فعلاً هتفرق… وهيبقى ليها تأثير عليك وعلى الأشخاص اللي حواليك.

rezero

 

3.كل خط في القصه مُختلف ..

 في كل مره “سوبارو” بيرجع فيها لنقطة معينه بسبب اختيار “إعادة البدء” شخصيته بتتغير تغير بسيط… بيبقى عارف اللي هيحصل في المستقبل، ولذلك دا بياخده لقصه مختلفه خالص هو مش قادر يتوقعها او يغيرها! كل مره سوبارو يحاول فيها انها يجاهد عشان حاجه, العالم حواليه بيجاهد بقوة اكبر ضده وكإن في شىء ما مش عايزه يخليه يعمل الحاجه دي…!!

ومن الواضح برضه ان سوبارو تقريباً ملعون بشىء قوي ومؤثر، ومع كل إعادة، سوبارو ميقدرش حتى يقول ان في حاجه بتخليه يعيد كل مره! ولهذا السبب اعتقد ان القصه بتبقى مُحبطه في بعض الأحيان نظراً لإني ببقى عايزه ينتصر ولو لمره واحده!

 

rezero_15_16

 

4.القصه مكتوبه بإتقـان ..

مش هقدر اقول اكتر من كدا نظراً لإني لو قُلت يبقى هحرق الأحداث، لكن هكتفي بإني اقول ان القصه نفسها مكتوبه بشكل كويس جداً, وكل كلمه وجمله بجانب الأحداث متخطط ليها كويس جداً ومتبرره بشكل حلو, وفي حقيقة ثابتة في الأنمي، وهي أن أي حدث بيحصل فيه بينتقل تأثيره بالكامل من عالم الأنمي إلي وعيك كمشاهد بشكل مفاجئ, والحدث دا بيأثر عليك في وقت حدوثه زي ماتوابعه وتأثيراته بتأثر عليك فيما بعد مع توالي الأحداث, انا مش عايز اتوسع في الكلام على  الجزئيه دي اكتر من كدا عشان حرق الأحداث بس!


rezero-wallpaper

5.عكس توقعاتك تماماً ..

ممكن اكون ذكرت النقطه دي عدة مرات قبل كدا, بس فعلاً الأنمي دا مش من النوع اللي كنت تتوقعه, كل حاجه هتحصل هتبان طبيعيه في الأول, بس لما سوبارو يبدأ يبني علاقات اكتر واكتر في رحلته ، وكل حاجه تتعـاد مره تانيه… كل العلاقات  دي بيتم نسيانها!! على الأرجح دي حاجه من الحاجات اللي بيتم عرضها مراراً قبل كل مره سوبارو بيرجع فيها!

 

وعلاوة على ذلك, سوبارو ممكن يتم النظر له احياناً كشخصيه شريره من معظم الشخصيات اللي في الأنمي, ودا قايم على حكمك انت الشخصي على مين هو بالظبط الشخصيه الشريره! ومع ذلك انت اللي ليك الحكم في النهايه على اللي هيحصل بنفسك!

 

 

6.إيميليا :

اكتر حاجه عاجباني فيها انها – على عكس الكتير من الشخصيات النسائيه اللي زيها – تقدر تعيش من غير وجود ذكر (البطل). وبالنسبه لي انا لاقيت الموضوع مُثير للإعجاب جداً لإنه بيدل على ان ايميليا تقدر تبقى شخصية مُستقلة بذاته ومش محتاجه انها تعتمد على حد.

 

emilia

7.Rem:

اكتر شخصيه فاجئتني من كل الشخصيات كانت شخصية “ريم”, في الواقع… انا اعتقد ان شخصيتها تطورت اكتر من البنت الرئيسيه “ايميليا” وببساطه شخصيه متفوقه جداً… في المرات الأولى القليله اللي هنشوف فيها ريم, هنشوفها وهي بتسخر بشكل مضحك جداً على سوبارو بمساعدة اختها “رام”, ولكن مع تطور القصه هنعرف حاجات اكتر عن ريم, مش عايز احرق اي لحظات معينه, بس كل اللي هقدر اقوله ان عندها موود “يانديري” عظيم جداً بيظهر وهي بتدبح تقريباً اي حاجه بصولجانها اللي بيرتفع بطريقه ملحميه! ريم برضو مشاعرها ناحية سوبارو بتطور مع الوقت ودا اللي بيخليها وفيه ليه وانقذته كتير اوي بشكل مثير للإعجاب, وكل دا بيقودنا للحظات لطيفه جداً مابينهم, غير كدا ريم كيوت جداً وشكـلها مُذهل خصوصاً لما بتبتسـم. لبس الخدامه برضو لوحده نٌقطه كويسه, آنمي أري:زيرو فعلاً بيبرز شىء نادر ورائع في ريم… اللي في رأيي انها احسن شخصيه آنمي انثى انا شوفتها بقالي فتره!    

remشوفوا حتى هيتلر موافقني في الرأي.  

hitler


About the author

AccelMody

Not your typical credit and not your so typical anime watcher
i go by never judge by it's genre who knows might be fun and one more thing
All Hail Lelouch