تكنولوجي

خطوات تنزيل و تسطيب Windows 10!


 

النهارده هتكلم عن تنزيل و تشغيل ويندوز 10 على جهاز الكمبيوتر بتاعك هي الخطوات كتير بس لو تم اتبعها خطوه خطوة كل حاجه هتشتغل معاك كويس…

الحاجات اللى هتحتاجها حتكون 1-نسخة ويندوز ISO

2-برنامج أسمه Rufus

3-فلاشه على الاقل 8GB

4-وجهاز كمبيوتر شغال باعك او بتاع حد تعرفه عشان تقدر تنزل و تعمل نسخة الويندوز…

 

1-اول حاجه حتعملها هتشترى مفتاح ويندوز عشان تقدر تنزله ده بتشتريه من مايكروسوفت مباشرة او من محلات الكمبيوتر الكبيره

2-بتدخل على موقع مايكروسوفت ده اللى هيكون بالشكل ده

Windows 10 Tool

3-هتغضط على المستطيل اللى مكتوب عليه Download Tool Now

4-بعد ما ينزل هتفتحه هتضغط عليه مرتين و هيفتحلك شاشه بالشكل ده

Windows 10 Tool Setup 1

هتسيبه شغال لحد مايطلعلك الصفحه اللى بعدها اللى شكلها هيكون كده

Windows 10 Tool Setup 2

5-هتضغط على المستطيل اللى مكتوب فيه Accept و هتطلعلك صفحه بالشكل ده

Windows 10 Tool Setup 3

بيسألك هنا انت عايز تعمل تحديث لنسخه الويندوز اللى عندك و لا عايز نسخة ISO لكمبيوتر تانى هتختار الخيار التاني و بعدها هيطلعلك صفحة بالشكل ده

Windows 10 Tool Setup 4

6-هنا بيخليك تختار نسخه الويندوز اللى انت عايزها بتختار النسخه اللى انت اشترتلها مفتاح و بعد ما تختار بتضغط Next عشان يخدك للصفحه اللى بعدها اللى هتكون بالشكل ده

Windows 10 Tool Setup 5

7-بيقولك تختار يحطهالك على فلاشه على طول و لا ينزل نسخة ISO بتقوله ينزل نسخة ISO عشان لو أحتجناها بعد كده و بتضغط Next و هيطلعلك صفحه بالشكل ده

Windows 10 Tool Setup 6

8-بيخليك تختار تنزل ملف الISO فين بتختار المكان اللى مناسب ليك يفضل على الDesktop و بعد كده تختار Open لحد ما الصفحه دى تروح و يجيلك واحده غيرها اللى هتكون بالشكل ده

Windows 10 Tool Setup 7

9-في الصفحة دي بيبتدى التحميل هو بياخد وقت علي حسب سرعة الانترنت عندك ممكن ياخد من 40 دقيقه لحوالى 6 ساعات بس سيبه يشتغل برحته لحد مايخلص

10-و هو شغال او بعد ما يخلص بتروح تنزل برنامج اسمه Rufus هو صغير بس مهم هتروح على الموقع بتاع Rufus

الصفحه مفروض يكون شكلها كده

Rufus

11-بعد ما ملف الISO يخلص تحميل بتقوم حاطط الفلاشه في الكمبيوتر لازم يكون USB 2.0 Port عشان كل حاجه تشتغل صح

Rufus and Win 10 2

12-هتضغط بالماوس بالزرار اليمين و تختار برنامج Rufus Run as Administration

و هتشغله شكله هيبقى بالشكل ده

Rufus 3

13-لازم تختار الخيارات في البرنامج بحيث انه يكون بالشكل ده و على علامة الاسطوانه اللى تحت دى اللى جنب المستطيل اللى مكتوب عليه ISO Image اضغط عليها و اختار مكان ملف الISO و بعد ما تختاره أضغط على Start

14-بعد ما يخلص هيكون شكله كده

Rufus 4

15- هتشيل الفلاشه و هترجعها تانى لازم تكون بالشكل ده او قريب للشكل ده عشان تعرف ان حط الملفات علي الفلاشه مضبوط

USB

16-هتشيل الفلاشه و تروح للكمبيوتر و تحطها فى اى USB 2.0 Port في الكمبيوتر و تشغله لو كل حاجه اتعملت صح هتطلعلك الشاشة دى الا و اذا كنت مجمع كمبيوتر هيطلعلك اللوجو بتاع المازربورد

Win 10

17- بعد فترة هتطلعلك شاشة جديده اللي هتكون بالشكل ده

Windows 10 Setup 8

هتضغط علي المستطيل اللى في النص Install Now و هتطلعلك شاشه جديده بالشكل ده

Windows 10 9

18- هتضغط علي المستطيل الصغير اللى تحت Next

Windows 10 Setup 10

19- هتطلعلك صغحة هتغضط على Accept فيها و بعد كده القايمة دى هتختار الخيار التانى و بعدها هتطلعلك صفحة تانية بالشكل ده

skip_product_key_Windows_Setup

18-2-دي خطوة قبل رقم 19 هتطلعلك القايمة دي هتكتب فيها المفتاح اللى انت اشتريته

Windows 10 Setup 11

20-لو عندك اكتر من هارد او SSD هتختار الواحد اللى انت عايز تنزل فيه الويندوز و تضغط علي المستطيل الصغير اللى مكتوب فيه Next بعدها الويندوز هيبتدي ينزل

Windows 10 Setup12

21-في خلال الفترة دى هيغمل Restart كذا مره لحد مايوصل لقايمة البيانات المطلوبة

Windows 10 Setup 13

22-لو في حاجة عايز تغيرها هتضغط على Customize لو مفيش Use Express Settings

و تكمل ملى البيانات اللى حيطلبها منك لحد ماتوصل للقايمة دى

Windows 10 Setup 14

23-هتحتاج تعمل ايميل Microsoft  لو مش عايز على الشمال تحت Skip لو فيه او Don’t Create an Account و هتكمل ملى البيانات اللى مطلوبه منك لحد ماتوصل للDesktop

Windows-10-desktop

24-بكده اقدر اقولك انت نزلت ويندوز 10 مبروك و استمتع بيه المقالة الجاية هكتب عن طريقة اسهل لتنزيل البرامج الاساسية الصغيرة مش حتاخد منك وقت….


About the author

Mo Atwan

Geek,Creator,Technology Enthusiast, Love Videography, Photography,Graphic Designer and Video Producer, Hardware Reviewer , Law School Studen
https://twitter.com/MoAtwan_