كوميكس

Quantum Mechanics In A Nutshell


خلينا نبدا المقال بجملة ان لا مش دايما الجواب بيبان من عنوانه والمقال ده اكبر دليل علي الجملة ديه لاننا مش بنتكلم عن ميكانيكا الكم العلم وانما الCharacter من DC comics …

اولاً اصوله :-

Mark Waid
Mark Waid
Ron Marz
Ron Marz

مصممين الشخصية هما Mark Waid و Ron Marz وفكرتهم عن الشخصية كانت ان الكوانتم ميكانكس هما حرفيا اقدم جنس من المخلوقات في كل الMultiverse بتاع DC لان عمرهم بعمر الكون نفسه لانهم اتولدوا مع الBig Bang … يعني من اللحظة صفر وهما موجودين … الكوانتم ميكانيكس عموما Immortals او بمعني اصح كانوا فاكرين نفسهم كده لحد ما في مرحلة ما اكتشفو انهم في الواقع السن اتقدم بيهم بل وانهم هيموتو في مرحلة ما حتي لو المرحلة ديه كانت نهاية الكون نفسه اللي بعد مليارت او مئات المليارت من السنين … ووصلوا لاستنتاج سببلهم مشاكل في الحضارة الابدية بتاعتهم وهو ان بما اننا بدانا ببداية الكون فنهاية الكون هتبقي نهايتنا وتذكرة ذهابنا للعدم بمعني ان ملناش After Life زي باقي المخلوقات ولما نموت مش هنخش في حالة اعلي من الحالة المادية او نوع من الحالة الروحية لاننا اصلا الغرض مننا كان لحكم الكون بقوانينا الخاصة ولما ميكنش في كون مش هيكون لينا لزمة وبالتالي شكرا بح مفيش كوانتم ميكانيكس 😀 … الحضارة بتاعتهم او الشعب بتاعهم انقسم لجزئين …
الاول: شايف اننا نواجه نهايتنا بصدر رحب وبلاش ملعنة وفرعنة وقلة ادب 😀 …

التاني: مفيش الكلام ده احنا مش هنموت ونتحول لعدم ولازم يكون عندنا After Life وحساب وجنة ونار وحالة روحية اشمعنا احنا يعني 😀 …

اول ظهور للشخصية كان سنة 2000 في issue JLA : Heavens Ladder ونقدر نقول انه كان اخر ظهور كمان لاسباب مجهولة منعرفش منهم الا سبب واحد وبيقال انه اشاعة وهو ان الIssue اللي نزلت فيها الشخصية كانت متضمنة شكل The Presence اللي هو ربنا بتاع DC Universe باحد القابه اللي بتمس الواقع وهو God او بمعني اصح اله الاديان الابراهيمية التلاتة The main deity of the Abrahamic Religions … وقصة الIssue ديه ان جنس الكوانتم ميكانيكس بعتو عملاء ليهم الي كل العوالم اللي في الكون عشان يدرسو كل اشكال الAfter Life اللي موجودة عند كل المخلوقات ويخلقو لنفسهم الAfter Life المثالية اللي يروحوها بعد الموت بس طبعا مكانوش متخيلين ان حتي لو قدراتهم الهية بس في النهاية هما مش الهة وان الموضوع مش هيتم الا لو The Presence او God وافق بنفسه علي حاجة زي ديه وسمح بيها … فكان اللي عملوه انهم نقلو كل العوالم اللي في الكون في منطقة واحدة وعملوها كانها سلم يوديهم للمكان الاعلي من الواقع او الAfter Life وحصل فعلا بمساعدة الJLA وطبعا بعد موافقة GOD بس من غير ما هما يعرفو ان وافق اصلا وافتكرو انهم عملو كده بنفسهم 😀 …
942980-jlaheaven_sladder

ثانياً قدراته او قوته :- 

نظريا الكوانتم ميكانيكس Cosmic beings او مخلوقات كونية يعني يقتربو من صفة الالوهية لكن مبيدركوهاش ولكن ده مش معناه انهم معندهمش قدرات الهية زي انهم يخلقوا اي حاجة يقدروا يتخيلوها او ينقلو اي حاجة من مكان لمكان في الكون زي ما عملوا في كل العوالم اللي نقلوها في الIssue اللي ظهروا فيها او تغيير حجمهم مبين متناهي الصغر لمتناهي الكبر وتغيير الواقع والحقيقة ذات نفسها لكن برده م بما يتعارض مع The Presence او Destiny والDivine Plan *ديستني او القدر ليه شخصية في DC ايوة 😀 * وغيرها من اي قدرات الهية يقدر عقلك يتخيلها لكن زي ما قلت عمرهم ما هيدركوا الصفة وده لانهم محكومين بالDivine Plan زيهم زي اي حد رغم قدراتهم الفظيعة وده احد اسباب جنونهم عموما انهم ازاي بالقدرات ديه كلها ولسه محكومين زيهم زي اي حد … وهنشوف ده في الصور …

3449338-mechanics3449350-jlaheavensladderp0543449351-jlaheavensladderp055594978-jlaheavensladderp0583449339-mechanics1

وهتلاقوا في واحدة من الصور من غير ما اقول انهي واحدة هتفهموا منها انه بيوجه كلامه لThe presence نفسه وانه اد ايه متدايق من خلقه لاي حد تاني اضعف من الCosmic beings عموما …
اتمني المقال يعجبكم 🙂 …


About the author

bigeek.ghazal